திங்கள் 22, ஏப்ரல் 2019  
img
img

தியான் சுவா குற்றவாளி!
வெள்ளி 10 மார்ச் 2017 14:20:38

img

போலீஸ் அதிகாரியை அவமதித்துப் பேசியதற்காக பத்து தொகுதி நாடாளுமன்ற உறுப்பினர் தியான் சுவா நேற்று குற்றவாளி என தீர்ப்பளிக்கப்பட்டு வெ.3,000 அபராதம் விதிக்கப்பட்டது. இதன் வழி, நாட்டின் அடுத்த பொதுத்தேர்தலில் போட்டியிடும் தகுதியை அவர் இழந்துள்ளார். பி.கே.ஆர். உதவித் தலைவருமான தியான் சுவா அபராதத் தொகையைச் செலுத்தத் தவறினால் மூன்று மாதங்கள் சிறைத்தண்டனையை அனுபவிக்க வேண்டும் என செஷன்ஸ் நீதிமன்ற நீதிபதி யாஸ்மின் அப்துல் ரசாக் கூறினார். அபராதத் தொகை 2,000 வெள்ளிக்கும் மேல் போனதால் அடுத்த பொதுத் தேர்தலில் போட்டியிடும் தகுதியை அவர் இழந்துள்ளார். எனவே, அந்த அபராதத் தொகையைக் குறைப்பதற்கு தாங்கள் மேல்முறையீடு செய்யப்போவ தாக தியென் சுவாவின் வழக்கறிஞர் லத்தீபா கோயா தெரிவித்தார். மூன்றாண்டுகளுக்கு முன்பு, ஏப்ரல் 14-ஆம் தேதி ஏ.சின்னப்பா என்ற போலீஸ் துணை சூப்ரிண்டெண்டனுக்கு எதிராக அவமதிக்கும் வார்த்தைகளை உச்சரித்த காரணத்திற்காக பினல் கோட் பிரிவு 509-இன் கீழ் தியென் சுவா குற்றஞ்சாட்டப்பட்டார். இங்குள்ள அமாண்டா தங்கும் விடுதியில் அவர் அவ்வாறு நடந்து கொண்டார். குற்றஞ்சாட்டபட்டுள்ளவர் ஒரு நாடாளுமன்ற உறுப்பினர். ஒரு தலைவர். அவருக்கு ஆதரவாளர்கள் இருக்கின்றனர். அவர் இதுபோன்று மீண்டும் நடந்து கொள்ளாமல் இருப்பதை உறுதி செய்யும் பொருட்டு கூடுதல் தண்டனை வழங்கும்படி அரசு தரப்பு துணை வழக்கறிஞர் சுஹைமி இப்ராஹிம் தெரிவித்தார். போலீஸ் அதிகாரியை அவமதித்ததாக தியென் சுவா குற்றஞ்சாட்டப்படுவது இது இரண்டாவது முறையாகும். இதற்கு முன்பு, 2017 டிசம்பர் 11-ஆம் தேதி நாடாளுமன்ற கட்டட நுழைவாயிலில் போலீஸ் அதிகாரி ரொஸ்யாடி அனுவாரை அவர் அவமதிக்கும் வகையில் பேசியிருக்கிறார்.அப்போது, மேல் முறையீட்டின் வழி அவருக்கான அபராதத் தொகை வெ.2,000-மாகக் குறைக்கப்பட்டு ஆறு மாத சிறைத்தண்டனை தள்ளி வைக்கப்பட்டது.

பின்செல்

தலைப்புச் செய்திகள்

img
அந்நிய தொழிலாளர்கள் விவகாரம்: அமைச்சர் குலாவின் வாக்குறுதி என்னவாயிற்று.

தலைவர் டத்தோ அப்துல் ரசூல் நேற்று

மேலும்
img
2,200 இடங்கள், 700 ஆகக் குறைப்பு: இந்தியர்களின் வாய்ப்பைக் பறித்தது ஏன்?

700 இடங்களை மட்டுமே தற்போது வழங்கியிருப்பது

மேலும்
img
நஜீப் வழக்கு திங்கட்கிழமைக்கு ஒத்திவைப்பு. வெ.10.7 மில்லியன் காசோலை. விவரங்கள் அம்பலம்.

ஐந்தாவது நாளாக தொடர்ந்து விறுவிறுப்பாக

மேலும்
img
மெட்ரிகுலோசன் விவகாரம்: இந்திய மாணவர்களுக்கு 700 இடங்கள் மட்டுமா?

மலேசிய நண்பனின் தொடர்ச்சியான

மேலும்
img
சிலாங்கூர் மாநில கல்வி இலாகாவின் உதவி இயக்குநராக நியமனம் பெற்ற செங்குட்டுவனின் பதவி பறிப்பு.

கல்வித் துறையில் நீண்ட காலமாகப் பரந்த அனுபவத்தை

மேலும்
  • Copyright 2015.Nanban.All rights reserved.
  • powered by img