ஞாயிறு 23, செப்டம்பர் 2018  
img
img

தொடரும் ஆலயங்கள் அழிப்பு!
வியாழன் 09 மார்ச் 2017 13:32:19

img

பத்து லாப்பான் உலுகிந்தா தாமான் மேவா ஓம்ஸ்ரீ மாக்காட்டு முனீஸ்வரர் காளியம்மன் ஆலய நில விவகாரம் நீதி மன்றத்தில் நிலுவையில் உள்ள நிலையில் ஆலய நிர்வாகத்திற்கு எந்த ஒரு தகவலும் கூறாமல் நில மேம்பாட்டாளர் இடித்து தரைமட்டமாக்கியது கண்டிக்கத்தக்கது என்று ஆலய நிர்வாக பொறுப்பாளர் திருமதி என்.தேவசுந்தரி கூறினார். இப்பகுதியின் மலையடி வாரத்தில் எழுந்தருளி அருள் பாலித்து வரும் சுமார் 50 ஆண்டுகால வரலாற்றை கொண்டுள்ள இந்த ஆலயம் தனி யாருக்கு சொந்தமான நிலத்தில் செயல்பட்டதால் நில மேம்பாட்டாளர் எங்களை வெளியேற்ற நோட்டீஸ் கொடுத்ததைத் தொடர்ந்து நீதி மன்றத்தில் வழக்கு பதிவு செய்யப்பட்டது. இவ்வழக்கில் தீர்ப்பு நில மேம்பாட்டாளருக்கு சாதகமாக அமைந்ததால் தீர்ப்பை ஆட்சேபித்து மேல் முறையீடு செய்யப்பட்டது. இவ்வழக்கில் ஆஜ ரான வழக்கறிஞர் ஒருவர் வழக்கிலிருந்து வாபஸ் பெற்றுக் கொண்டதைத் தொடர்ந்து மற்றொரு வழக்கறிஞரை நியமித்து அதற்கான ஏற்பாடு செய்துவரும் வேளையில் நேற்று திடீரென பெரிய இயந்திரங்களை கொண்டு வந்து ஆலயத்தின் ஒரு பகுதியை இடித்துத் தரைமட்டமாக்கி விட்டனர். இவ்விவகாரம் குறித்து பேரா மந்திரிபுசாரின் ஆலோசகர் டத்தோ இளங்கோ அலுவலகத்திற்கு தகவல் தெரிவிக்கப்பட்டது. டத்தோ இளங் கோவின் செயலாளர் சரவணன் சம்பவம் நடந்த இடத்திற்கு நேரில்வந்து கோவில் இடிப்பதை தடுத்து நிறுத்தினார். ஒரு வார கால அவகாசம் கோரப்பட்டதைத் தொடர்ந்து கோவில் இடிப்பது நிறுத்தப்பட்டது. எனினும் பெரிய ஆஞ்சினேயர் சிலை, விநாயகர் சிலை, ஆலயத்தின் முன் போடப்பட்ட கூடாரம் எல்லாம் இடித்து தரைமட்டமாக்கப்பட்டது. ஆலயத்தை அப்புறப் படுத்துவதற்கு நீதிமன்றத்தில் ஆணை பெறப்பட்டதாக கூறும் நில மேம்பாட்டாளர் அதனை எங்களிடம் காட்டாதது ஏன்? இதுபற்றி எங்களுக்கு எதுவும் கூறப்படவில்லை என்று கூறினார். நீதிமன்றத்தின் இந்த உத்தரவு மீது மேல் முறையீடு செய்யப்படும் என்று வழக்கறிஞர் சுந்தரராஜன் கூறினார். எங்களுக்கு ஒரு மாற்று இடம் கொடுத்தால் வெளியேற தயாராக உள்ளோம் என்று கூறினார்.

பின்செல்

தலைப்புச் செய்திகள்

img
அரசியல்வாதிகளுக்கு இனிமேல் தூதர் பதவி கிடையாது

அரசியல் நியமனங்கள் எதுவும் இருக்கக் கூடாது

மேலும்
img
இந்திய உணவகத் தொழிலாளர்கள் பற்றாக்குறைக்கு விரைவில் தீர்வு.

செனட்டர் பொன்.வேதமூர்த்தி கூறினார்.

மேலும்
img
கெல்வின் தோட்தத் தமிழ்ப்பள்ளி ஆசிரியர் தனலெட்சுமி விபத்தில் பலி.

புரோட்டோன் சாகா காரில் வீட்டிற்கு திரும்பிக்

மேலும்
img
நஜீப் மீது வெ.230 கோடி ஊழல் குற்றச்சாட்டுகள். நஜீப்பின் தாயார் இல்லத்தில் திடீர் சோதனை.

இன்று வெள்ளிக்கிழமை பத்து லட்சம் வெள்ளியும்

மேலும்
img
700 காசோலைகளா? நஜீப் கைது. இன்று நீதிமன்றத்தில் குற்றஞ்சாட்டப்படுவார்.

எம்.ஏ.சி.சி. விசாரணைக்கு அழைக்கப்பட்டிருந்தார்.

மேலும்
  • Copyright 2015.Nanban.All rights reserved.
  • powered by img