சனி 22, செப்டம்பர் 2018  
img
img

புக்கிட் ராஜா தோட்ட இடு காட்டு நிலத்தில் அத்துமீறலா?
செவ்வாய் 07 மார்ச் 2017 17:00:48

img

முன்னாள் புக்கிட் ராஜா தோட்ட இடு காட்டு நிலத்தில் ஊன்றப்பட்டிருந்த பெயர்ப்பலகையை முன்னறிவிப்பின்றி அகற்றியதாக நம்பப்படும் சம்பந் தப்பட்ட மேம்பாட்டு நிறுவனத்திற்கு எதிராக காவல் நிலையத்தில் புகார் செய்யப்பட்டது. கடந்த சனிக்கிழமை நிகழ்ந்ததாக நம்பப்படும் இந்தச் சம்பவம் குறித்து முன்னாள் புக்கிட் ராஜா, பூனியன் தோட்டப் பிரிவு ஸ்ரீ மகா மாரியம்மன் ஆலய நிர்வாகம் ஞாயிற்றுக்கிழமை பண்டார் புக்கிட் ராஜா காவல் நிலை யத்தில் புகார் செய்தது. இந்தப் புகாரைத் தொடர்ந்து ஞாயிற்றுக்கிழமை இரவு 7.00 மணியளவில் நிகழ்விடத்திற்கு விரைந்த வட கிள்ளான் மாவட்ட காவல் தலைமையகத்தின் குற்றவியல் துறை புலனாய்வு அதிகாரிகள் இடுகாட்டு பெயர்ப் பலகை இடமாற்றப்பட்ட பகுதியை பார்வையிட்டனர். பெயர்ப்பலகை சுமார் 100 மீட்டர் தூரத்தில் உள்ள அந்த இடுகாட்டின் மேட்டு பாங்கான பகுதிக்கு மாற்றப்பட்டுள்ள சம்பவத்தை கடுமையாக கருதுவதாக ஆலய நிர்வாகக்குழு செயலாளர் மூக்கன் இராமசாமி தெரிவித்தார். எந்த முன்னறிவிப்பும் இன்றி சம்பந்தப்பட்ட மேம்பாட்டு நிறுவனத்தின் ஊழியர்கள் இந்த நடவடிக்கையில் ஈடுபட்டதாகவும் இந்த சம்பவத்தை வட கிள் ளான் மாவட்ட காவல் நிலையத்தார் புலன் விசாரணை செய்ய வேண்டும் என்றும் ஆலய நிர்வாகக்குழு அந்தப் புகாரில் வலியுறுத்தியது.அரை நூற்றாண் டுக்கும் பழைமையான புக்கிட் ராஜா தோட்ட இடுகாட்டு நிலத்திற்கு இழப்பீடு கோருவதா அல்லது அந்த இடுகாட்டு நிலத்தை மீட்டெடுத்து நினைவிட பூங் காவாக்குவதா என்று ஆலய நிர்வாகம் திட்டமிட்டு வருவதாகவும் அதற்கு அம்மேம்பாட்டு நிறுவனத்தின் நெடுஞ்சாலை பணிகள் இடையூறாக இருப் பதாகவும் மூக்கன் குறிப்பிட்டார். 1960ஆம் ஆண்டு செயல்படத் தொடங்கியதாக நம்பப்படும் சம்பந்தப்பட்ட இடுகாட்டை புக்கிட் ராஜா, பூனியன் தோட்டப் பிரிவு ஸ்ரீ மகா மாரியம்மன் ஆலய நிர்வாகம் தொடக்கக் காலங்களில் பராமரித்து வந்ததாக அறிய வருகிறது.ஏறக்குறைய 4 ஏக்கர் பரப்பளவிலான அந்த இடுகாட்டு நிலம் விவகாரம் குறித்து சம்பந்தபட்ட நெடுஞ்சாலை மேம்பாட்டு நிறுவனத்திடம் ஏற்கெனவே விளக்கம் அளித்திருப்பதாக அவர் கூறினார். புக்கிட் ராஜா தோட்ட மேம்பாட்டுத் திட்டத்தால் 1990ஆம் ஆண்டு சம்பந்தப்பட்ட இடுகாடு கைவிடப்பட்ட போதிலும் அதை நினைவிடமாக உருவாக்குவதற்கு முன்னாள் பூனியன் தோட்ட ஸ்ரீ மகா மாரியம்மன் ஆலய நிர்வாகம் முயற்சிகள் மேற்கொண்டு வருவதாக தெரிய வருகிறது. புக்கிட் ராஜா வாழைத் தோட்டம் (சுங்கை பிஞ்சாய்), லட்சுமி தோட்டம் (பூனியன் தோட்டம்), என்.இ. தோட்டம் (உள்நாளாங்கட்டை), மெயின் டிவிஷன், செம் பனை ஆலை டிவிஷன், ஆர்பெண்டன் தோட்டம், சுங்கை ராசா டிவிஷன் ஆகியவற்றின் தொழிலாளர்கள் சம்பந்தப்பட்ட இடுகாட்டில் பிரேதங்களை அடக் கம் செய்துள்ளதாக அறிய வருகிறது. சம்பந்தப்பட்ட இடுகாட்டில் 1988ஆம் ஆண்டு வரையில் இரண்டாயிரத்திற்கும் மேற்பட்ட பிரேதங்கள் அடக்கம் செய்யப்பட்டிருக்கலாம் என்றும் மூக்கன் தெரிவித்தார்.

பின்செல்

தலைப்புச் செய்திகள்

img
அரசியல்வாதிகளுக்கு இனிமேல் தூதர் பதவி கிடையாது

அரசியல் நியமனங்கள் எதுவும் இருக்கக் கூடாது

மேலும்
img
இந்திய உணவகத் தொழிலாளர்கள் பற்றாக்குறைக்கு விரைவில் தீர்வு.

செனட்டர் பொன்.வேதமூர்த்தி கூறினார்.

மேலும்
img
கெல்வின் தோட்தத் தமிழ்ப்பள்ளி ஆசிரியர் தனலெட்சுமி விபத்தில் பலி.

புரோட்டோன் சாகா காரில் வீட்டிற்கு திரும்பிக்

மேலும்
img
நஜீப் மீது வெ.230 கோடி ஊழல் குற்றச்சாட்டுகள். நஜீப்பின் தாயார் இல்லத்தில் திடீர் சோதனை.

இன்று வெள்ளிக்கிழமை பத்து லட்சம் வெள்ளியும்

மேலும்
img
700 காசோலைகளா? நஜீப் கைது. இன்று நீதிமன்றத்தில் குற்றஞ்சாட்டப்படுவார்.

எம்.ஏ.சி.சி. விசாரணைக்கு அழைக்கப்பட்டிருந்தார்.

மேலும்
  • Copyright 2015.Nanban.All rights reserved.
  • powered by img