img
img

நெடுவாசலில் போராட்டக் களத்தில் பதற்றமான சூழல்!
வியாழன் 02 மார்ச் 2017 15:43:50

img

இரண்டு வாரங்களுக்கும் மேலாக புதுக்கோட்டை மாவட்டம், நெடுவாசலில் ஹைட்ரோ கார்பன் திட்டத்துக்கு எதிராக போராட்டம் நடைபெற்று வரு கிறது. நேற்று, நெடுவாசல் போராட்டக் குழுவினர் முதல்வர் எடப்பாடி பழனிசாமியை சந்தித்தனர். சந்திப்புக்குப் பின், 'ஹைட்ரோ கார்பன் திட்டத்துக்கு கண்டிப்பாக அனுமதி அளிக்கப்படாது என்று முதல்வர் உறுதி அளித்தார்' என்று போராட்டக் குழுவினர் கூறினர். இந்நிலையில், நெடுவாசல் போராட்டம் பரபரப்பான கட்டத்தை எட்டியுள்ளது. புல்லன்விடுதியைச் சேர்ந்த கிராமத்து மக்கள் ஏர் கலப்பை, பயிர் மற்றும் பலாப்பழம் உள்ளிட்டவற்றை தலையில் சுமந்தபடி ஊர்வலமாக வந்து போராட்டத்துக்கு ஆதரவு தெரிவித்தனர். மேலும், சுற்றுப்புற கிராமத்து மக்கள் பலரும் போராட்டக் களத்துக்கு தொடர்ந்து அதிகளவில் வந்து கொண்டிருக்கின்றனர். நேற்று, முதல்வர் வாய்மொழியாக அளித்த உறுதிமொழியை போராட்டத்தில் ஈடுபட்டவர்களில் பலரும் ஏற்கவில்லை. அதற்குப் பதிலாக, ஜல்லிக்கட் டுக்கு அறிவித்தது போல் உறுதியான முடிவை அறிவிக்க வேண்டும் என்று வலியுறுத்துகின்றனர். மேலும், போராட்டத்தைக் கைவிடுமாறு போலீஸ் தரப்பில் இருந்து அழுத்தம் கொடுப்பதாகவும் கூறப்படுகிறது. காவல் துறையினர், 8 சுங்கச் சாவடிகள் அமைத்து சோதனையில் ஈடுபட்டுள்ளனர். 33 இடங்களில் பேருந்துகளை நிறுத்தி வைத்துள்ளனர். கைது நட வடிக்கைக்கு ஆயத்தமான பணிகள் இவை என்றும் தகவல்கள் கூறுகின்றன. முதல்வர் சந்திப்புக்குப் பிறகு போராட்டக் களம் பரபரப்பான சூழ்நிலையை நோக்கி நகர்ந்து கொண்டிருக்கிறது.

பின்செல்

இந்தியச் செய்திகள்

img
ராணுவம் குறித்து விமர்சனம்... கழுத்தை அறுத்து கொல்லப்பட்ட இளம் பத்திரிகையாளர்...

முகமது பிலால் கான் என்ற அந்த பத்திரிகையாளர்

மேலும்
img
முதல்வரை ஓடவிட்ட மக்கள்... கட்டுப்படுத்த முடியாமல் காவல்துறை திணறல்.

குழந்தைகளை இழந்த பெற்றோர் சிலர் கண்ணீர்

மேலும்
img
அதிமுகவின் ஒரே எம்.பி ஓபிஎஸ் மகன் பதவி ஏற்ற ஸ்டைல்!

தமிழ் வாழ்க என்று திமுக மற்றும் கூட்டணி

மேலும்
img
‘’பாக்யராஜ் வென்றுவருவதைத்தான் நான் உளமாற விரும்புகிறேன்’’ - சீமான்

என்னைப் பொறுத்தவரைக்கும் தனிப்பட்ட முறையில்

மேலும்
img
பிரதமர் மோடிக்கு ஐரோப்பிய யூனியன் சரமாரி கேள்வி

மோடியின் கூற்று எப்படி சாத்தியமாகும்

மேலும்
  • Copyright 2015.Nanban.All rights reserved.
  • powered by img