img
img

ஷமீராவின் கொலை ரகசிய கேமராவில் பதிவானது!
செவ்வாய் 28 பிப்ரவரி 2017 13:30:43

img

ஷமீரா எனும் திருநங்கை கொடூரமான முறையில் சுட்டு, வெட்டிக் கொல்லப்பட்ட சம்பவம் தொடர்பிலான ரகசிய கேமராவின் பதிவு போலீசிடம் கிடைத் துள்ளது.கடந்த வியாழக்கிழமை ஜாலான் பாசாரில் திருநங்கை ஷமீரா கிருஷ்ணன் (வயது 27) கொடூரமான முறையில் வெட்டிக் கொல்லப்பட்டார். முதலில் அவர் துப்பாக்கியால் சுடப்பட்டுள்ளார். அதன் பின்னர் அடையாளம் தெரியாத நபர்கள் அவரை வெட்டுக் கத்தியால் வெட்டியுள்ளனர். இதனால் அவரின் தலை இரண்டானதுடன் அவரின் கைவிரல்களும் துண்டிக்கப்பட்டுள்ளன. இச்சம்பவம் தொடர்பில் போலீசார் துரித விசாரணையை மேற் கொண்டு வருகின்றனர். அந்த வகையில் கிடைக்கப்பெற்ற ரகசிய கேமராவின் பதிவை போலீசார் துல்லியமாக கவனித்துள்ளனர். ஷமீராவை மூவர் பாராங் கத்தியால் தாக்கி யுள்ளனர் என்பது உறுதிப்படுத்தப்பட்டுள்ளது. ஆனால் தாக்குதலை மேற்கொண்டவர்களின் முகங்கள் ரகசிய கேமராவின் பதிவில் தெளிவாக தெரிய வில்லை என்று பகாங் மாநில குற்றவியல் விசாரணை பிரிவின் தலைவர் டத்தோ ராஜா ஷாரோம் ராஜா அப்துல்லா தெரிவித்தார். இதன் தொடர்பில் போலீசார் தொடர் விசாரணைகளை மேற்கொண்டு வருகின்றனர். இதுவரையில் இச்சம்பவம் குறித்து நால்வரிடம் விசாரணை மேற் கொள்ளப்பட்டுள்ளதாக அவர் சொன்னார்.இதனிடையே, கடந்த 2015-ஆம் ஆண்டில் ஷமீரா கடத்தப்பட்டு மிகக்கொடூரமான முறையில் வதை செய்யப் பட்ட சம்பவத்திற்கும் இதற்கும் தொடர்பு உள்ளதா என்ற கோணத்திலும் போலீசார் ஆராய்ந்து வருகின்றனர். அச்சம்பவத்தின் போது, ஷமீராவை கடத்திய இரு ஆடவர்கள் கைது செய்யப்பட்டனர். இது பற்றிய வழக்கு வரும் மார்ச் மாதம் விசாரணைக்கு வரும் வேளையில், ஷமீரா அதில் முக்கிய சாட்சியாகத் திகழ்கிறார் என்பது குறிப்பிடத்தக்கது. ஆகவே, அந்த வழக்கிற்கும் இவரின் கொலைக்கும் தொடர் பிருக்கலாம் என்ற சாத்தியத்தையும் போலீசார் மறுக்கவில்லை.

பின்செல்

தலைப்புச் செய்திகள்

img
நஜீப் வழக்கு திங்கட்கிழமைக்கு ஒத்திவைப்பு. வெ.10.7 மில்லியன் காசோலை. விவரங்கள் அம்பலம்.

ஐந்தாவது நாளாக தொடர்ந்து விறுவிறுப்பாக

மேலும்
img
மெட்ரிகுலோசன் விவகாரம்: இந்திய மாணவர்களுக்கு 700 இடங்கள் மட்டுமா?

மலேசிய நண்பனின் தொடர்ச்சியான

மேலும்
img
சிலாங்கூர் மாநில கல்வி இலாகாவின் உதவி இயக்குநராக நியமனம் பெற்ற செங்குட்டுவனின் பதவி பறிப்பு.

கல்வித் துறையில் நீண்ட காலமாகப் பரந்த அனுபவத்தை

மேலும்
img
தபால் நிலைய அறிவிப்பில் தமிழுக்குப் பதிலாக வங்காள மொழி?

ஆங்கிலம், சீன மொழிக்கு அடுத்து வங்காளதேச மொழி

மேலும்
img
ரந்தாவ் இடைதேர்தல் முடிவு எதிர்பார்க்கப்பட்டதொன்றுதான்.

மாநிலத்தின் ஆட்சி அதிகாரத்தில் இது மாற்றம்

மேலும்
  • Copyright 2015.Nanban.All rights reserved.
  • powered by img