சனி 22, செப்டம்பர் 2018  
img
img

38 வருட காலமாக போராடியும் விடிவு இல்லை!
செவ்வாய் 28 பிப்ரவரி 2017 13:26:02

img

கடந்த 1979 ஆம் ஆண்டு பேரா, பாகான் டத்தோவில் 3,640 ஏக்கர் நிலப்பரப்பைக் கொண்ட செம்பனைத் தோட்டம் ஒன்றை வாங்குவதில் முதலீடு செய்த ஏழை தோட்டப் பாட்டாளிகள், அதன் பலாபலன் கிட்டும் என்ற நம்பிக்கையோடு காத்திருக்கின்றனர். எனது 25 வயதில் இந்த நிலத்தை வாங்குவதற்கு முதலீடு செய்தேன். இப்போது எனக்கு 60 வயதாகிறது. இதுவரையில் எந்தவொரு பணத்தையும் அந்த நிலத்திலிருந்து பார்க்கவில்லை. கண் மூடுவதற்குள் இதற்கு ஒரு விடியல் கிடைக்குமா? எப்போது அந்த விடியல் என்று எதிர்பார்த்து காத்திருக்கிறேன் என்கிறார் அந்த திட்டத்தில் முதலீடு செய்தவர் ஒரு பெரியவர். இந்த நில விவகாரம் தொடர்பான வழக்கு நேற்று இங்கு ஈப்போ உயர்நீதி மன்றத்திற்கு வந்தது. இந்த நிலத்தில் முதலீடு செய்த இந்தியர்கள் பெரும் திரளாக வந்திருந்தனர். தங்களுக்கு விடியல் பிறக்கும் என்ற நம்பிக்கையோடு அவர்கள் நீதிமன்ற வாசலில் நின்று இருந்தனர். சுமார் 38 வருடங்களுக்கு முன்பு பாகான் டத்தோ பகுதியில் 3640 ஏக்கர் நிலப்பரப்பை கொண்ட செம்பனைத் தோட்டம் ஒன்றை வாங்குவதில் முதலீடு செய்தவர்களுக்கு சேர வேண்டிய இழப்பீட்டுத் தொகை பற்றிய கலந்தாய்வு மனு மீதான விசாரணை ஏப்.18ஆம் தேதி இங்குள்ள ஈப்போ உயர் நீதி மன்றத்தில் செவிமடுக்கப்படும் என்று பாதிக்கப்பட்ட முதலீட்டாளர்கள் சார்பில் ஆஜரான எம்.மனோகரன் மலையாளம் வழக்கறிஞர் நிறுவனத்தின் வழக் கறிஞர் பவளக்கொடி நடராஜா கூறினார். ரெங்கநாதன் தோட்டம் என்று பிரபலமாக அழைக்கப்படும் இத்தோட்டம் எஸ்பிபிகேபி எனும் கூட்டு நிறுவனத்தின் மூலம் வாங்கப்பட்டது. சுமார் 700க் கும் மேற்பட்டோர் ஒரு லாட் மூன்று ஏக்கர் என்ற விகிதத்தில் நபர் ஒருவர் பத்து லாட்டுகளுக்கு மேல் முதலீடு செய்திருந்தனர். இத்தோட்டம் வாங்கப் பட்டது முதல் நீதிமன்ற வழக்குகளை சந்தித்து வந்த நிலையில் கடந்த 2014ஆம் ஆண்டு பெடரல் நீதிமன்றம் முதலீட்டாளர்களுக்கு சாதகமான தீர்ப்பை வழங்கியது. முதலீட்டாளர்களுக்கு உரிய இழப்பீடானது ஈப்போ உயர் நீதிமன்றம் முடிவு செய்யப்படும் என்பதால் பாதிக்கப்பட்டவர்கள் மனு தாக்கல் செய்ய பணிக்கப் பட்டது. பெடரல் மன்றத்தின் தீர்ப்பு உத்தரவு ஆணை அறிக்கையை பெறுவதில் இரண்டு ஆண்டுகள் கடந்துள்ள நிலையில் நேற்று இம்மனு தாக்கல் செய் யப்பட்டபோது செம்பனைத் தோட்டத்தை கொள்முதல் செய்துள்ள நிறுவனம் கால தாமதமாக மனு தாக்கல் செய்யப்பட்டதை ஆட்சேபித்து மனுவை தள் ளுபடி செய்யக் கோரி பதில் மனு தாக்கல் செய்திருந்தது. எனினும் நேற்று ஈப்போ உயர்நீதிமன்றத்தில் பாதிக்கப்பட்டவர்களின் சார்பில் ஆஜரான வழக்கறிஞர் எம்.மனோகரன் மலையாளம் நிறுவனத்தின் சார்பில் ஆஜரான வழக்கறிஞர் ந.பவளக்கொடி இவ்வழக்கு மீதான கலந்தாய்வு வரும் ஏப்.18ஆம் தேதி செவிமடுக்கப்பட்டு மறு விசாரணைக்கான தேதி வழங்கப்படுவதற்கு நீதிமன்றம் ஒப்புதல் தெரிவித்துள்ளது என்று கூறினார். இவ்வழக்கை செவிமடுப்பதற்காக முதலீட்டாளர்கள் பலர் நீதிமன்றத்திற்கு வந்திருந்தனர். பாதிக்கப்பட்டவர்கள் சார்பாக தொடங்கப்பட்ட நடவடிக்கைக் குழுவின் தலைவர் சி.அப்புடு, செயலாளர் நாகப்பன் மூக்கன், பொருளாளர் வீரன் ஆகியோர் கலந்து கொண்டனர். 2014இல் பெடரல் நீதிமன்றம் வழங்கிய தீர்ப்பின் ஆணை அறிக்கையை பெறுவதற்கு இரண்டு ஆண்டுகள் ஆனதற்குரிய காரணத்தை நீதிமன்றத்தில் தெரியப்படுத்தி விட்டோம் என்று நாகப்பன் மூக்கன் கூறினார்.

பின்செல்

தலைப்புச் செய்திகள்

img
அரசியல்வாதிகளுக்கு இனிமேல் தூதர் பதவி கிடையாது

அரசியல் நியமனங்கள் எதுவும் இருக்கக் கூடாது

மேலும்
img
இந்திய உணவகத் தொழிலாளர்கள் பற்றாக்குறைக்கு விரைவில் தீர்வு.

செனட்டர் பொன்.வேதமூர்த்தி கூறினார்.

மேலும்
img
கெல்வின் தோட்தத் தமிழ்ப்பள்ளி ஆசிரியர் தனலெட்சுமி விபத்தில் பலி.

புரோட்டோன் சாகா காரில் வீட்டிற்கு திரும்பிக்

மேலும்
img
நஜீப் மீது வெ.230 கோடி ஊழல் குற்றச்சாட்டுகள். நஜீப்பின் தாயார் இல்லத்தில் திடீர் சோதனை.

இன்று வெள்ளிக்கிழமை பத்து லட்சம் வெள்ளியும்

மேலும்
img
700 காசோலைகளா? நஜீப் கைது. இன்று நீதிமன்றத்தில் குற்றஞ்சாட்டப்படுவார்.

எம்.ஏ.சி.சி. விசாரணைக்கு அழைக்கப்பட்டிருந்தார்.

மேலும்
  • Copyright 2015.Nanban.All rights reserved.
  • powered by img