img
img

இரு கார்கள் மோதி நொறுங்கின!
திங்கள் 13 பிப்ரவரி 2017 13:37:26

img

ரவாங் சாலையில் இரு கார்கள் மோதிக் கொண்டதில் ஒருவர் பலியான வேளையில் மூன்று குழந்தைகள் உட்பட 8 பேர் காயங்களுக்கு ஆளாகியுள்ளனர்.இச்சம்பவம் நேற்று காலை 7 மணியளவில் ரவாங்கிலிருந்து பத்து அராங்கிற்கு செல்லும் சாலையின் 4ஆவது கிலோ மீட்டரில் (ரவாங் டோல் சாவடிக்கு அருகில்) நிகழ்ந்துள்ளது.புரோட்டோன் சாகா ரகக் காரின் பின் இருக்கையில் அமர்ந்திருந்த 28 வயதுடைய பெண்ணுக்கு தலையில் பலத்த காயம் ஏற்பட்டதால் அவர் ஸ்தலத்திலேயே உயிரிழந்துள்ளார். மேலும் அதே காரில் பயணித்த 8 பேரும் பலத்த காயங்களுக்கு ஆளாகியுள்ளனர். அக்காரில் 17,14 வயதுடைய இளைஞர்கள், 11 வயதுடைய மூன்று பிள்ளைகள், ஆறு வயது குழந்தை ஆகியோரும் பயணித்துள்ளனர். விபத்துக்குள்ளானவர் சுங்கை பாகாவிலிருந்து தாமான் இந்தகிராசி ரவாங்கிற்கு பயணித்த வேளையில் இச்சம்பவம் நிகழ்ந்ததாக கோம்பாக் மாவட்ட போலீஸ் தலைவர் அலி அகமட் தெரிவித்தார். இவர்கள் காரில் சென்று கொண்டிருந்தபோது, எதிர் சாலையில் வந்த புரோட்டோன் பெர்சோனா ரகக் கார் கட்டுப்பாட்டை இழந்து இவர்களின் காருடன் நேருக்கு நேர் மோதியுள்ளது.இந்த விபத்தில் பலியானவர் பண்டார் தாசேக் புத்ரியை சேர்ந்தவராவார். அவரின் உடல் பிரேதப் பரிசோதனைக்காக சுங்கை பூலோ மருத்துவ மனைக்கு கொண்டு செல்லப்பட்டுள்ளது. நேருக்கு நேர் மோதிக் கொண்ட கார்களின் ஓட்டுநர் இருவருமே பலத்த காயங்களுக்கு ஆளாகியுள்ளனர். இவர்கள் உட்பட காரில் பயணித்த அனைவரும் மருத்துவ சிகிச்சைக்காக மருத்துவமனையில் அனுமதிக் கப்பட்டுள்ளதாக அலி அகமட் சொன்னார். இதற்கிடையே சம்பவம் குறித்து காலை 7.11 மணியளவில் தகவல் கிடைத்ததும் ரவாங் தீயணைப்பு படைக் குழு அங்கு விரைந்ததாக சிலாங்கூர் மாநில தீயணைப்புப் படையின் துணை இயக்குநர் முகமட் சானி ஹாருல் தெரிவித்தார்.

பின்செல்

தலைப்புச் செய்திகள்

img
3 ஆவது முறையாக தீச்சம்பவம்: இந்தியர்களுக்குச் சொந்தமான 8 வீடுகள் அழிந்தன

இந்தியன் செட்டில்மென்டில் நிகழ்ந்த பயங்கர தீ விபத்தில்

மேலும்
img
மலிவு விலை மதுபானத்தை குடித்த இரு மலேசியர் உட்பட அறுவர் மரணம்

ஜார்ஜ்டவுனில் மதுபானம் அருந்தியதால் அறுவர் மரணமடைந்துள்ள

மேலும்
img
ஓரின உறவு விவகாரம்: காணொளியில் திருத்தம் செய்யப்படவில்லை. ஆஸ்திரேலிய ஊடக அமைப்பு 

அந்த காணொளியில் இருப்பவர் அஸ்மின்தான்

மேலும்
img
ஆபாசக் காணொளி விசாரணை. எம்சிஎம்சி முழுமையாக ஒத்துழைக்கும்

இந்நிலையில் அந்த ஒத்துழைப்பு எவ்வடிவிலானது

மேலும்
img
ஓரின உறவு ஆபாசக் காணொளி விவகாரம். மேலும் அதிர்ச்சியூட்டும் தகவல்

தனக்கும் பங்குள்ளது என்பதை பகிரங்கமாக

மேலும்
  • Copyright 2015.Nanban.All rights reserved.
  • powered by img