ஞாயிறு 17, பிப்ரவரி 2019  
img
img

அன்வார் - மகாதீர் சந்திப்பு!
சனி 11 பிப்ரவரி 2017 14:22:39

img

முன்னாள் பிரதமரும், பிரிபூமி கட்சித் தலைவருமான துன் டாக்டர் மகாதீர் முகமட்டும் பி.கே.ஆர் கட்சியின் ஆலோசகர் டத்தோஸ்ரீ அன்வார் இப்ராஹிமும் இரண்டாவது முறையாக நேற்று சந்தித்துப் பேசினர். அவதூறு வழக்கு தொடர்பில் நீதிமன்றத்திற்குக் கொண்டு வரப்பட்ட டத்தோஸ்ரீ அன்வாரிடம், முன்னாள் பிரதமர் துன் டாக்டர் மகாதீர் சுமார் 40 நிமிடம் பேசினார். இச்சந்திப்பின் போது, துன் டாக்டர் மகாதீர், பெரிபூமி கட்சி பக்காத்தான் ஹாராப்பானுடன் கூட்டணி வைத்துக்கொள்வது குறித்து பேச்சு வார்த்தை நடத்தியதாகத் தெரிவித்தார். ‘நாங்கள் நாட்டில் நிலவும் அரசியல் விவகாரம் குறித்தும் பேசினோம். நாங்கள் இருவரும் பல விவகாரங்களில் ஒரே கருத்தைக் கொண்டிருக்கிறோம் ’ என துன் டாக்டர் மகாதீர் தெரிவித்தார். நேற்று நடைபெற்ற வழக்கு விசாரணையின் போது, ஏறக்குறைய முற்பகல் 11.55 மணிக்குத் தமது ஆதரவாளர்களுடன் நீதிமன்றத்திற்கு வருகைப் புரிந்த துன் டாக்டர் மகாதீர், பொது மக்கள் அமரும் இடத்தில் முதல் வரிசையில் சென்று அமர்ந்தார். அப்போது அவர் டத்தோஸ்ரீ அன்வார் இப்ராஹிமை நோக்கி கையசைத்த போது, அன்வாரும் அதனை ஆமோதிக்கும் வகையில் தலையசைத்தார் என்பது குறிப்பிடத்தக்கது. இரண்டாவது ஓரினப்புணர்ச்சி வழக்கில் ஐந்தாண்டு சிறைதண்டனை அனுபவித்து வரும் டத்தோஸ்ரீ அன்வார் இப்ராஹிமை, நீதிமன்ற வழக்கு விசாரணையின் போது, முன்னாள் பிரதமர் மகாதீர் சந்தித்துப் பேசுவது இது, இரண்டாவது முறையாகும்.

பின்செல்

தலைப்புச் செய்திகள்

img
ஜே.வி.பிக்கு எந்தத் தகுதியும் இல்லை 

முறையாக செயற்படுத்தவில்லை என்று மக்கள்

மேலும்
img
அரசியல் அமைப்பில் இருந்து மாகாணசபை முறையை நீக்க வேண்டும் 

மாகாண சபை தேர்தலுக்கு பின் இதர தேர்தல்களை

மேலும்
img
சிறார் மானபங்க விவகாரம்: குற்றவாளிகள் கடுமையாக தண்டிக்கப்படவேண்டும்.

சமயத்தின் நன்னெறிப் பண்புகளின் மீது கவனம்

மேலும்
img
மார்ச் இறுதிவரை வெப்பநிலை நீடிக்கும்.

இறுதியில் நாட்டில் இம்மாதிரியான சூழ்நிலை

மேலும்
img
நீதித்துறையில் தவறுகள்? அரசாங்கம் ஆராயும்.

அரச விசாரணை ஆணையத்திற்கான (ஆர்.சி.ஐ.)

மேலும்
  • Copyright 2015.Nanban.All rights reserved.
  • powered by img