img
img

விசாரணையிலிருந்து சுப்ரா தப்பிக்க முடியாது - சட்ட நிபுணர்கள் வாதம்
வியாழன் 12 ஜனவரி 2017 12:18:01

img

கோலாலம்பூர், ஜன. 12- மஇகா தேசியத் தலைவர் பதவியிலிருந்து டத்தோஸ்ரீ பழனிவேலை கவிழ்ப்பதற்கு சங்கங்களின் பதிவு அலுவலகத்துடன் கூட்டுச்சதி செய்ததாக டத்தோஸ்ரீ டாக்டர் சுப்பிரமணியம் மற்றும் இதர எழுவருக்கு எதிராக தொடுக்கப்பட்ட வழக்கில், அந்த வழக்கை மறுபடியும் புதிய நீதிபதி ஒருவரை கொண்டு முழுமையாக மறு விசாரணை செய்யப்பட வேண்டும் என்று மேல்முறையீட்டு நீதிமன்றம் தடால் அடியாக தீர்ப்பு வழங்கியிருப்பது டாக்டர் சுப்பிரமணியத்திற்கு பெரும் நெருக்கடியை ஏற்படுத்தியுள்ளது என்று சட்ட நிபுணர்கள் வாதிடுகின்றனர். இந்த முழு விசாரணையிலிருந்து டாக்டர் சுப்பிரமணியமோ அல்லது இதர எழுவரோ ஒரு போதும் தப்பித்து ஓட முடியாது. காரணம், மேல்முறையீட்டு நீதிமன்றத்தின் உத்தரவு மிகத் தெளிவாக உள்ளது என்று சட்ட நிபுணரும் முன்னாள் வழக்கறிஞர் மன்றத்தின் தலைவருமான ரகுநாத் கேசவன் தெரிவித்தார். பழனிவேலை தலைவர் பதவியிலிருந்து கவிழ்ப்பதற்குகூட்டுச் சதி நடந்து இருப்பதாக போதுமான ஆதாரங்களை பழனிவேலின் ஆதரவாளர்கள் முன்வைத்த போதும், அதனை விசாரணை செய்யாமல், சாட்சிகளை அழைக்காமல் வழக்கை தள்ளுபடி செய்து இருப்பதன் மூலம் உயர்நீதிமன்ற நீதிபதி மிகப்பெரிய தவற்றை செய்து இருப்பதாக மூவர் அடங்கிய மேல்முறையீட்டு நீதிமன்றத்திற்கு தலைமையேற்ற நீதிபதி டத்தோ தெங்கு மைமுன் பின்தி துவான் மாட் நேற்று முன்தினம் தனது தீர்ப்பில் தெளிவாக குறிப்பிட்டுள்ளார். இது உண்மையிலேயே பழனிவேலின் ஆதரவாளர்களுக்கு கிடைத்த தார்மீக வெற்றியாகும். பழனிவேலிடமிருந்து தலைவர் பதவியை பறித்ததை கண்டித்து தங்களுக்கு நீதிவேண்டும் என்று கடந்த ஓராண்டு காலமாக சட்டப் போரட்டத்தை நடத்தி வந்த பழனி ஆதரவாளர்களுக்கு இது புத்துணர்ச்சியை ஏற்படுத்தி இருக்கிறது. ‘ இந்த வழக்கை மறுபடியும் விசாரணை செய்ய வேண்டும் என்று மேல்முறையீட்டு நீதிமன்றம் முடிவு செய்து இருப்பதால் இந்த வழக்கில் பிரதிவாதிகளான டத்தோஸ்ரீ டாக்டர் சுப்பிரமணியம் மற்றும் இதர ஏழு பேர் வழக்கை தள்ளுபடி செய்யுமாறு கோர முடியாது’ என்றார் ரகுநாத் கேசவன். பொதுவாக ஒரு வழக்கை மறுபடியும் விசாரணை செய்ய வேண்டும் என்று மேல்முறையீட்டு நீதிமன்றம் உத்தரவு பிறப்பிக்கும் பட்சத்தில் அந்த வழக்கில் சம்பந்தப்பட்டுள்ள அனைத்து சாட்சிகளும் அழைக்கப்பட வேண்டும், ஆதாரப் பொருட்கள் அனைத்தும் நீதிமன்றத்திற்கு கொண்டு வரப்பட வேண்டும். இதுதான் மேல்முறையீட்டு நீதிமன்றத்தின் உத்தரவின் சாரம்சமாகும் என்றார் ரகுநாத் கேசவன். * கூட்டரசு நீதிமன்றத்தில் சுப்பிரமணியம் வெற்றி பெறுவது என்பது எளிதானது அல்ல * பொதுத் தேர்தலை எதிர்கொள்ள வழக்கை இழுத்தடிக்க முயற்சிக்கலாம் * அரசாங்க ஏஜென்சியும் சம்பந்தப்பட்டுள்ளதால் தலைவலி மேலும் அதிகரிக்கலாம் * சாட்சிக்கூண்டு ஒன்றே கூட்டுச்சதி குற்றச்சாட்டுக்கு வெளிச்சம் தர முடியும்

பின்செல்

தலைப்புச் செய்திகள்

img
நஜீப் வழக்கு திங்கட்கிழமைக்கு ஒத்திவைப்பு. வெ.10.7 மில்லியன் காசோலை. விவரங்கள் அம்பலம்.

ஐந்தாவது நாளாக தொடர்ந்து விறுவிறுப்பாக

மேலும்
img
மெட்ரிகுலோசன் விவகாரம்: இந்திய மாணவர்களுக்கு 700 இடங்கள் மட்டுமா?

மலேசிய நண்பனின் தொடர்ச்சியான

மேலும்
img
சிலாங்கூர் மாநில கல்வி இலாகாவின் உதவி இயக்குநராக நியமனம் பெற்ற செங்குட்டுவனின் பதவி பறிப்பு.

கல்வித் துறையில் நீண்ட காலமாகப் பரந்த அனுபவத்தை

மேலும்
img
தபால் நிலைய அறிவிப்பில் தமிழுக்குப் பதிலாக வங்காள மொழி?

ஆங்கிலம், சீன மொழிக்கு அடுத்து வங்காளதேச மொழி

மேலும்
img
ரந்தாவ் இடைதேர்தல் முடிவு எதிர்பார்க்கப்பட்டதொன்றுதான்.

மாநிலத்தின் ஆட்சி அதிகாரத்தில் இது மாற்றம்

மேலும்
  • Copyright 2015.Nanban.All rights reserved.
  • powered by img