செவ்வாய் 13, நவம்பர் 2018  
img
img

37 குடிநுழைவு அதிகாரிகள் கைது!
திங்கள் 24 அக்டோபர் 2016 13:14:06

img

நாட்டிற்குள்ளேயும் வெளியிலும் வெளிநாட்டினரின் வசதியான பயணத்திற்காக பயண ஆவணங்களில் தரவு களை மாற்றுவதன் வழி குடிநுழைவுத் துறையின் 37 அதிகாரிகள் இரண்டே ஆண்டுகளில் ஒரு கோடியே 80 லட்சம் வெள்ளியை சம்பாதித்துள்ளனர். தற்போது விசாரணையின் கீழ் உள்ள அந்த குடிநுழைவு அதிகாரிகள் தங்களின் ஒவ்வொரு வேலைக்கும் வெ.200 முதல் வெ.2,500 வரை கமிஷனாக பெற்று வந்தனர் என்று போலீஸ் வட்டாரம் அம்பலப்படுத்தியுள்ளது. நாட்டிற்குள் நுழைவதிலிருந்து கறுப்புப் பட்டியலிடப்பட்டுள்ளவர்கள் தாராளமாக இந்நாட்டிற்குள் நுழைவதற்கு ஏதுவாக, குடிநுழைவு கணினி முறைகளில் இந்த அதிகாரிகள் தரவுகளை மாற்றியமைத்ததாக நம்பப்படுகிறது. இந்த 37 அதிகாரிகளும் கடந்த பிப்ரவரி, அக்டோபர் 12-ஆம் தேதிக்கிடையே கைது செய்யப்பட்டனர். இவர்களுடன் அணுக்கமாகத் தொடர்பை வைத்திருந்த மேலும் 37 சந்தேகப் பேர்வழிகளும் போலீஸ் நடவடிக்கையில் கைது செய்யப்பட்டுள்ளனர். இவர்கள் ஏஜெண்டுகளும், கும்பல் உறுப்பினர்களுமாவர். குறிப்பிட்ட அந்த ஈராண்டுகளில் வங்காளதேசம், இந்தியா, வியட்னாம், சீனா ஆகிய நாடுகளிலிருந்து 16,000 வெளிநாட்டினர் மலேசியாவிற்குள் நுழைந்துள்ளனர் என்று உத்துசான் நேற்று வெளியிட்டு செய்தி கூறுகிறது. கைது செய்யப்பட்டுள்ள அதிகாரிகளில், நால்வர் இன்னும் விசாரணைக்காக தடுத்து வைக்கப்பட்டுள்ளனர். மேலும் நால்வர் மனித கடத்தல் ஒழிப்புச் சட்டத்தின் கீழ் குற்றஞ்சாட்டப்பட்டுள்ளனர். இதர அறுவர் குற்றத் தடுப்புச் சட்டத்தின் கீழ் தடுத்து வைக்கப்பட்டனர், 11 பேர் அதே சட்டத்தின் கீழ் கட்டுப் பாட்டு உத்தரவின் கீழ் வைக்கப்பட்டுள்ளனர். ஒரு நடிகரின் மனைவி உள்ளிட்ட 12 சந்தேகப் பேர்வழிகள் ஜாமீனில் விடுவிக்கப்பட்டுள்ளனர்.

பின்செல்

தலைப்புச் செய்திகள்

img
துன் மகாதீர் அமைச்சரவை விரைவில் மாற்றம்?

பிரதமர் துன் டாக்டர் மகாதீர் முகமட் கூடிய விரைவில்

மேலும்
img
இந்திய சமூகத்தினர் புறக்கணிக்கப்பட்டால் ஒட்டு மொத்த சமூகமும் சமச்சீரற்றதாகி விடும்.

துணைப்பிரதமர் டத்தோ ஸ்ரீ வான் அஜிசா வான்

மேலும்
img
கடுமையான மழை, வெள்ளம் மார்ச் மாதம் வரை நீடிக்கும்.

பொது மக்களுக்கு எச்சரிக்கை.

மேலும்
img
பி40 பிரிவைச் சேர்ந்தவர்கள் பெட்ரோல் வாங்குவதற்கு சலுகை விலை அட்டை.

உதவித் தொகையின் அடிப்படையில் ரோன் 95

மேலும்
img
பெர்சத்துவில் முன்னாள் அம்னோ உறுப்பினர்கள் ஆதிக்கமா?

துன் மகாதீர் விளக்கம்

மேலும்
  • Copyright 2015.Nanban.All rights reserved.
  • powered by img