வியாழன் 25, ஏப்ரல் 2019  
img
img

சுப்ரா பதில் சொல்ல முடியவில்லை!
திங்கள் 24 அக்டோபர் 2016 13:10:22

img

அடுத்த ஆண்டிற்கான வரவு செலவுத் திட்டத்தின் கீழ், குத்தகை அடிப்படை யில் வேலை வாய்ப்பினை பெறவிருக்கும் 2,600 மருத்துவ பட்டதாரிகளின் எதிர்காலம் குறித்து அரசாங்கத்திடம் கேள்வி எழுப்பியுள்ளார் ஜ.செ.க நாடாளுமன்ற உறுப்பினர் திரேசா கோக். நாட்டில் தற்போது மருத்துவர்களின் எண்ணிக்கை தேவைக்கும் மிகுதியாக இருப்பதை சுட்டிக் காட்டிய அவர், அரசாங்கத்தில் தங்களின் குத்தகை முடிவுக்கு வந்ததும் பாதிக்கப்பட்ட அந்த மருத்துவர்களுக்கு தனியார் மருத்துவமனைகள் உண்மையில் வேலை வாய்ப்பை வழங்க முடியுமா என்று சுகாதார அமைச்சர் டத்தோஸ்ரீ டாக்டர் எஸ்.சுப்பிரமணியத்திடம் கேள்வியை முன் வைத்தார். குத்தகை முடிவுக்கு வந்ததும் அவர்களின் நிலைமை என்னவாகும்? தனியார் துறையில் அவர்கள் வேலை வாய்ப்பை பெற முடியுமா? - அப்புதிய மருத்துவ பட்டதாரிகளையும், அவர்களின் பெற்றோரையும் தொக்கி நிற்கும் கேள்விகள் இவைதான். ஆனால், இந்த சாதாரண, முக்கியமான அடிப்படை கேள்விக்கு சுப்ராவால் இதுவரை பதில் கொடுக்க முடியவில்லை என்று செப்பூத்தே தொகுதி நாடாளுமன்ற உறுப்பினரான திரேசா குறிப்பிட்டார். அவர்களின் குத்தகை காலவரை பூர்த்தியானதும் தனியார் துறையில் அவர்கள் வேலை வாய்ப்பை பெறலாம் என்று சுப்பிரமணியம் கூறியிருந்தார். ஆனால், அனுபவம் வாய்ந்த நிபுணத்துவ மருத்துவர்கள் மட்டுமே பெரும்பாலும் தனியார் மருத்துவமனைகளுக்கு தேவைப்படுவதால் அவர்களில் எத்தனை பேர் தனியார் துறைக்குள் நுழைய முடியும் என்றும் அவர் கேள்வி எழுப்பினார். பிரதமர் நஜீப் கடந்த வெள்ளிக்கிழமை 2017 வரவு செலவு திட்டத்தை தாக்கல் செய்தபோது, ஹவ்ஸ்மென்ஷிப் பயிற்சியை மேற்கொள்ள இயலாத சுமார் 2,600 பட்டதாரிகள் வரும் டிசம்பர் மாதம் தொடங்கி குத்தகை அடிப்படையில் பணியாற்ற அனுமதிக்கப்படுவர் என்று அறிவித்தார். தேவைக்கும் மிகுதியான மருத்துவர்கள் இருப்பது பற்றி மலேசிய மருத்துவ சங்கமும், மலேசிய மருத்துவ மன்றமும், சுகாதார துறையின் முன்னாள் அமைச்சர் டான்ஸ்ரீ டாக்டர் சுவா சொய் லெக்கும் பல ஆண்டுகளுக்கு முன்பே கேள்வி எழுப்பியிருக்கின்றனர். ஆனால், அரசியல் ரீதியில் இதற்கு தீர்வு காணும் பக்குவம் மத்திய அரசாங்கத்திற்கு இல்லை என்பதை திரேசா சுட்டிக்காட்டினார்.

பின்செல்

தலைப்புச் செய்திகள்

img
ஆசிரியர் பயிற்சிக்கான தேர்வில் இந்திய மாணவர்கள் புறக்கணிப்பா?

எஸ்.பி.எம். தேர்வை முடித்த மாணவர்களுக்கான

மேலும்
img
அந்நியத் தொழிலாளர் பற்றாக்குறை. பல கடைகள் மூடப்படுகின்றன. 

அந்நிய தொழிலாளர்கள் பற்றாக் குறையால்

மேலும்
img
சீனப் பத்திரிகைகளைக் கண்காணிக்க ஆய்வு நிறுவனத்திற்கு மாதம் வெ. 150.000 பட்டுவாடா.

2014 டிசம்பரில் இருந்து 2015 ஜனவரி வரை

மேலும்
img
அனுபவமற்ற அமைச்சர்கள் எந்த நேரத்திலும் எனது ஆலோசனையை நாடலாம்.

தமக்கு கூடுதல் சுமை ஏற்படும் என்ற போதிலும்

மேலும்
img
அனைத்துலக பசுமை தொழில்நுட்ப புத்தாக்கப் போட்டியில் பகாவ் தோட்டத் தமிழ்ப்பள்ளி மாணவர்கள் தங்கம் வென்றனர்.

ஐ-பினோக் எனப்படும் அனைத்துலக பசுமை

மேலும்
  • Copyright 2015.Nanban.All rights reserved.
  • powered by img