வியாழன் 15, நவம்பர் 2018  
img
img

அமெரிக்காவில் உயர் விருதை வென்ற தமிழன்.
திங்கள் 24 அக்டோபர் 2016 13:05:28

img

மாய வித்தை துறையின் முக்கியமான விருதாக கருதப்படும் மெர்லின் விருதை மலேசிய மண்ணின் மாய வித்தகன் விக்னேஸ்வரன் த/பெ அழகு பெற்று மலேசிய மக்களுக்கு பெருமை சேர்த்துள்ளார். மாய வித்தகர்களாக இருப்பவர்களுக்கு இந்த விருதை பெற வேண்டும் என்பது லட்சியமாக இருக்கும், இவ்வேளையில் தன் லட்சியத்தை நிறைவேற்றியதுடன் உலக அரங்கில் மக்களின் பாராட்டை பெற்றவராகவும் இவர் திகழ்கின்றார். இந்த விருதைப் பெற்ற நாட்டின் முதல் இந்தியர் என்ற பெருமையும் விக்கியையே சேரும். அண்மையில் பேங்காக்கில் நடந்த இந்த விருது வழங்கும் விழாவில் அனைத்துலக ரீதியில் 15 நாடுகளை சேர்ந்த மாய வித்தகர்கள் கலந்து கொண்டனர்.இதில் 37 ஆயிரம் உலக நாடுகளின் வாக்குகளை பெற்ற மாய வித்தகன் விக்கி இந்த மெர்லின் விருதை பெற்றுள்ளார். கலைஞர்களுக்கு எப்படி ஆஸ்கார் விருது பெருமையை சேர்க்கிறதோ அதேபோல் மாய வித்தகர்கள் மத்தியில் மெர்லின் விருது அங்கீகாரத்தை வழங்குகிறது. இவருடன் மேலும் ஐவருக்கு இந்த விருது விழாவில் விருதுகள் கிடைத்தன. இதில் ஒரே தமிழன் என்ற பெருமையையும் விக்கி கொண்டுள்ளார். கடந்த 10 வருடங்களாக இந்த மாய வித்தக துறையில் விக்கி பீடு நடைபோட்டு வருகிறார். சுமார் 8 நாடுகளில் இவர் மாய வித்தை நிகழ்ச்சிகளிலும் போட்டிகளிலும் கலந்து கொண்டுள்ளார்.மலேசியாவில் பல மாய வித்தைகளை செய்து மக்கள் மனதில் இவர் இடம் பிடித்துள்ளார். ஆஸ்ட்ரோவில் மாய வித்தகன் எனும் நிகழ்ச்சியின் மூலம் அறிமுகமான இவர் தன் விடா முயற்சியினால் இன்று உலக ரசிகர்கள் மனதில் இடம் பிடித்துள்ளார். இந்த மாய வித்தை துறையில் மலேசிய இந்தியர்களின் ஈடுபாடு குறைவாகவே காணப்படுகிறது. ஆர்வமுள்ள இளைஞர்கள் இத்துறையில் இணைந்து பல வெற்றிகளை பெற வேண்டும் என மாய வித்தகன் விக்கி வலியுறுத்தினார்.

பின்செல்

தலைப்புச் செய்திகள்

img
1எம்.டி.பி. விவகாரத்தில் மலேசியர்களை ஏமாற்றிய அமெரிக்க வங்கியாளர்கள்.

ஆக்ககரமான நடவடிக்கைகள் எடுக்கப்பட

மேலும்
img
வெளிநாடுகளில் சொத்துக்கள் குவிப்பு. கோடீஸ்வரர்களுக்கு வலைவீச்சு.

அரசாங்கம் நோட்டமிடும் என்று கூறியுள்ள

மேலும்
img
421,706 மாணவர்கள் எஸ்.பி.எம் தேர்வை எழுதுகின்றனர்

3,308 தேர்வு மையங்களில் 33,361 கண்காணிப்பாளர்கள்

மேலும்
img
மலேசியாவிற்கும் சிங்கைக்கும்  இடையே கருத்து வேறுபாடுகளைத் தவிர்க்க முடியாது.

முக்கிய வர்த்தக பங்காளிகளில் ஒன்றாக

மேலும்
img
சரவா பள்ளிகளுக்கான வெ.125 கோடி குத்தகை.

ரோஸ்மா மீது புதிய குற்றச்சாட்டுகள்.

மேலும்
  • Copyright 2015.Nanban.All rights reserved.
  • powered by img