வெள்ளி 22, பிப்ரவரி 2019  
img
img

பத்துமலையில் புதிய படிக்கட்டுகளுக்கு தடைவிதிப்பு!
வியாழன் 20 அக்டோபர் 2016 08:56:36

img

அடுத்தாண்டு தைப்பூசத்தை எதிர்கொள்ளும் வகையில், பத்துமலை திருத்தலத்தில் ஆலயத் திருப்பணிகள் மும்முரமாக நடைபெற்று வருகின்றன. இந்நிலையில், இத்திருப்பணிகளை மேற்கொள்வதற்கான அனுமதி யைப் பெற்றிருக்காததைத் தொடர்ந்து, செலாயாங் நகராண்மைக் கழகம் ஆலய நிர்வாகத்திற்கு எச்சரிக்கை கடிதம் அனுப்பியுள்ளது. பத்துமலை ஆலயத்திற்கு எதிராக, 1976 ஆம் ஆண்டு சாலை மற்றும் கட்டட வடிகால் நீர்ப்பாசன சட்டத்தின் கீழ் எச்சரிக்கை கடிதம் அனுப்பப்பட்டுள்ளதாக செலாயாங் நகராண்மைக் கழகத்தின் பொது உறவு இயக்குனரான முகமது ஸின் மாசோட் தெரிவித்தார். நகராண்மைக் கழகத்தின் அனுமதியின்றி எந்த தரப்பினரும் எந்த கட்டடத்தையும் மறுசீரமைக்கக் கூடாது என அவர் தெரிவித்தார். எனினும், இதுவரை எந்த அபராதமும் இதுவரை விதிக்கப்படவில்லை என்றாலும், பத்து மலைத் திருத்தலத்தின் படிக்கட்டுகள் அமைக்கும் பணிகளைத் தற்காலிகமாக நிறுத்தும் நடவடிக்கையில் ஈடுபட்டுள்ளது என்றும் தெரிவித்தார். பத்துமலை திருத்தலத்தை டான்ஸ்ரீ ஆர். நடராஜா தலைமையிலான தேவஸ்தானப் பொறுப்பாளர்கள் அழகு படுத்தும் பணியில் ஈடுபட்டு வரும் வேளையில் அதற்கு குந்தகம் விளைவிக்கும் முயற்சியாகவே செலாயாங் நகராண்மைக்கழகம் ஈடுபட்டு வருவதாகவும் கூறப்படுகிறது. குறிப்பாக, பத்துமலைத் திருத்தலத்தில் கட்டப்பட்டுள்ள ஒவ்வொரு கட்டடத்திற்கும் அதற்கான வரைபடம், அந்த வரைபடத்திற்கு வழங்கப்பட்டுள்ள அனுமதி கடிதம் முதலியவற்றை கோரி, அண்மைய காலமாக தேவஸ்தானத்திற்கு செலாயாங் நகராண்மைக்கழகம் பெரும் நெருக்கடி கொடுத்து வருவதாகவும் சொல்லப் படுகிறது. அதன் அடிப்படையில் தற்போது மேற்கொள்ளப்பட்டு வரும் மற்றொரு படிக்கட்டு நிர்மாணிப்பு பணிக்கு அது தடைவிதிக்கும் நடவடிக்கையில் ஈடுபட்டுள்ளது.

பின்செல்

தலைப்புச் செய்திகள்

img
மகாதீர் பதவி விலகவும் அன்வார் பதவியேற்கவும் வலியுறுத்தி தலைநகரில் பதாதைகள்.

அவ்வாறான கோரிக்கை நட வடிக்கை எதிர்தரப்பின் செயல்

மேலும்
img
தேர்தல் வாக்குறுதிகளை விவகாரம்: துன் மகாதீர் பதவி விலகவேண்டும்.  ஜொகூர் ஜசெக வலியுறுத்தல்.  

தேர்தல் கொள்கை அறிக்கை ஒரு வழிகாட்டிதான், வேதம் அல்ல

மேலும்
img
காப்பகத்தில் தங்கிவரும் சிறுவன்மீது கண்மூடித்தனமான தாக்குதல். தாயார் போலீசில் புகார்.

அந்த சிறுவனை அந்த காப்பகத்தில் பணிபுரிந்து

மேலும்
img
திருமணமாகாமல் தனித்து வாழும் குறைந்த வருமானத்தைப் பெறுவோருக்கும்  பி.எஸ்.எச் உதவித் தொகை.

இதற்கு 30 கோடி வெள்ளி செலவாகும்.

மேலும்
img
மின்தூக்கியில் மாதிடம் கொள்ளையிட்டவன் குண்டர் கும்பலைச் சேர்ந்தவன். போலீசார் அம்பலப்படுத்தினர். 

அபாயகரமான குண்டர் கும்பலைச் சேர்ந்தவன்

மேலும்
  • Copyright 2015.Nanban.All rights reserved.
  • powered by img