செவ்வாய் 13, நவம்பர் 2018  
img
img

நம்பிக்கை இருக்கிறதா?
வியாழன் 20 அக்டோபர் 2016 07:06:12

img

காவிரி விவகாரத்தில் அனைத்துக் கட்சிக் கூட்டத்தை கூட்ட வேண்டும் என்று வலியுறுத்தி தமிழக நிதித்துறை அமைச்சர் ஓ. பன்னீர்செல்வத்தை, மு.க. ஸ்டாலின் இன்று சந்தித்துப் பேசினார்.தலைமைச் செயலகத்தில் அமைச்சர் ஓ. பன்னீர்செல்வத்தை சந்தித்து பேசிய பிறகு வெளியே வந்த தமிழக சட்டப்பேரவை எதிர்க்கட்சித் தலைவர் மு.க. ஸ்டாலின் செய்தியாளர்களை சந்தித்தார். அப்போது அவர் கூறியதாவது, அனைத்து விவசாய சங்க பிரதிநிதிகளுடனான மு.க. ஸ்டாலின் நேற்று சந்தித்துப் பேசிய போது எடுக்கப்பட்ட தீர்மானங்கள் அடங்கிய அறிக்கையின் நகலை தலைமைச் செயலாளரிடம் வழங்கினோம் என்றார்.மேலும், அனைத்துக் கட்சிக் கூட்டம் தொடர்பாக அமைச்சர் ஓ. பன்னீர்செல்வத்திடம் வலியுறுத்தினோம். அவரும் உரிய நடவடிக்கை எடுப்பதாக உறுதி அளித்துள்ளார் என்றார் ஸ்டாலின். தலைமைச் செயலாளரை நேரில் சந்தித்தீர்களா என்று கேட்டதற்கு, தலைமைச் செயலாளரை நேரில் பார்க்கவில்லை. தீர்மான அறிக்கை நகலை அவரது அலுவலகத்தில் வைத்துள்ளோம் என்று ஸ்டாலின் பதில் அளித்தார். காவிரி விவகாரம் உச்ச நீதிமன்றத்தில் விசாரணையில் இருக்கிறதே என்ற கேள்விக்கு... நீதிமன்றம் என்பது வேறு, அது சட்ட ரீதியாக செல்ல வேண்டியது. அதே சமயம், கர்நாடக மாநிலத்தில் உள்ள அனைத்துக் கட்சிகளும் ஒருங்கிணைந்து தங்களது உணர்வை வெளிப்படுத்துகிறோர்களே, அது போல தமிழகத்தில் உள்ள அனைத்துக் கட்சியினரும் ஒன்றிணைந்து தங்களது உணர்வுகளை வெளிப்படுத்த வேண்டும் என்பதற்காகவே அனைத்துக் கட்சிக் கூட்டத்தை கூட்ட வேண்டும் என்று வலியுறுத்துகிறோம் என்று ஸ்டாலின் பேசினார். மேலும், இந்த சந்திப்பில் நம்பிக்கை வந்துள்ளதா? என்று செய்தியாளர்கள் கேட்டதற்கு, நம்பிக்கை இருப்பதால்தான் இங்கே வந்தோம். உரிய நடவடிக்கை எடுப்பதாக உறுதி மொழி தந்திருக்கிறார்கள். அவர்கள் தரப்பில் நடவடிக்கை எடுப்பதாகக் கூறியிருக்கிறார்கள் என்று ஸ்டாலின் கூறினார்.

பின்செல்

இந்தியச் செய்திகள்

img
7 பேரா? எந்த 7 பேர்..களத்திற்கும் வருவதில்லை, அரசியலை கவனிப்பதும் இல்லை,

உள்ள தனது இல்லத்தில் ரஜினிகாந்த்

மேலும்
img
நான் சென்சார் போர்டு கிடையாது’- அமைச்சர் ஜெயக்குமார்

இதே ரஜினிகாந்த் நேற்றைய செய்தியாளர்கள்

மேலும்
img
அ.தி.மு.க. ஆலோசனை கூட்டத்தில் அமைச்சர் முன்பு அடிதடி - நாற்காலிகள் பறந்தன!

கூட்டத்தை ஆத்தூர் ஒன்றிய அண்ணா

மேலும்
img
நிறுத்திக் கொள்ளுங்கள் என மக்கள் சொல்லுகின்ற வரைக்கும் தொடரும்’-அமைச்சர் காமராஜ் பேச்சு

திருவாரூரில் அதிமுக செயல்வீரர்கள்

மேலும்
img
சர்ச்சை கேக் வெட்டி சக்ஸஸ் பார்ட்டி கொண்டாடிய சர்கார்

படத்தில் இலவசமாக வழங்கப்பட்ட மிக்ஸி,

மேலும்
  • Copyright 2015.Nanban.All rights reserved.
  • powered by img