செவ்வாய் 22, ஜனவரி 2019  
img
img

ஆறு மணி நேர வேலை முறை போராட்டம் தொடரும்.
வியாழன் 13 அக்டோபர் 2016 15:54:53

img

அரசாங்கத்திடம் முன்மொழியப்பட்ட ஆறு மணி நேர வேலை முறைக்கான தனது ஆலோசனை நிராகரிக்கப் பட்டுவிட்ட போதிலும், இந்த புதிய வேலை நேரத்திற்காக தொடர்ந்து போராடப் போவதாக மலேசிய தொழிற் சங்க காங்கிரஸ் (எம்டியூசி) நேற்று சூளுரைத்தது. இந்த ஆலோசனை அரசாங்க ஊழியர்களை மட்டும் கருத்தில் கொண்டு தெரிவிக்கப்படவில்லை. ஆனால், அந்நிய நாட்டினர் மற்றும் தனியார் துறை ஊழியர்கள் உட்பட ஒரு கோடியே 42 லட்சம் தொழிலாளர்களுக்கா கவும் இந்த பரிந்துரை முன்மொழியப் பட்டிருக்கிறது என்று எம்டியூசி பொதுச்செயலாளர் என்.கோபால் கிருஷ்ணன் கூறியதாக பெரித்தா ஹரியான் செய்தி வெளியிட்டது. இந்தத் திட்டம் இரண்டு ஆண்டுகளுக்கு முன்பே அரசாங்கத்திடம் சமர்ப்பிக்கப்பட்டுவிட்டது. இந்த பணி நேர அமலாக்கத்தைப் பற்றி பல ஐரோப்பிய நாடுகளிலும் ஸ்காண்டினேவியாவிலும் ஆய்வுகள் நடத்திய பின்னரே இந்த ஆலோசனை முன்மொழியப்பட்டது. இந்த வட்டாரத்தில் உள்ள தாய்லாந்து, வியட்னாம் போன்ற நாடுகளிலும் இந்த முறை கடைப்பிடிக்கப்பட் டிருக்கிறது. இதனால் சம்பந்தப்பட்ட நாடுகளின் உற்பத்தித் திறன் பாதிப்படையவில்லை என்று அவர் கூறியதாக அந்த நாளிதழ் தெரிவித்தது. எம்டியூசி மீண்டும் மனிதவள அமைச்சை சந்தித்து சங்கத்தின் ஆலோசனையைத் தெரிவிக்கும் என கோபால் கூறியதாகவும் தெரிவிக்கப்பட்டது. ஆறு மணி நேர வேலை முறை, மருத்துவ விடுப்பு நாட்களைக் குறைக்கும் என்று கோபால் குறிப்பிட்டார். சுவீடனில் இந்த கொள்கை அறிமுகப்படுத்தப்பட்டதைத் தொடர்ந்து, இந்த ஆறு மணி நேர வேலை முறை மலேசியாவிற்கும் தேவை என எம்டியூசி அக்டோபர் 5ஆம் தேதி வலியுறுத்தியது.இந்த பணி நேர மாற்றம் மலேசிய தொழிலாளர்களின் தேக ஆரோக்கியத்திற்கு மிக முக்கியமானது என எம்டியூசி தலைவர் முகமட் காலிட் அடான் கூறியதாக ஹரியான் மெட்ரோ தெரிவித்தது. அரசாங்க சேவையில் ஆறு மணி நேர வேலை முறையை அறிமுகப்படுத்தும்படி கோரும் ஆலோசனை தெரி விக்கப்பட்டு வந்த போதிலும், அரசாங்க ஊழியர்களுக்கான நடப்பு வேலை நேரமே தொடருமென அரசாங்கத் தலைமைச் செயலாளர் டான்ஸ்ரீ டாக்டர் அலி ஹம்சா நேற்று முன்தினம் கூறியிருந்தார். கியூபெக்ஸ் தெரிவித்த இந்த ஆலோசனை பரிசீலிக்கப்பட்டதாகவும் இந்த வேலை முறை அரசாங்க சேவைக்கு பாதிப்பைக் கொண்டு வருமென தெரிய வந்ததாகவும் அவர் குறிப்பிட்டிருந்தார்.

பின்செல்

தலைப்புச் செய்திகள்

img
பத்துமலை வெள்ளி இரத ஊர்வலம் பக்தர்களின் பாதுகாப்பிற்காக 600 போலீஸ் அதிகாரிகள்.

தலைவர் டத்தோ மஸ்லான் லாஸிம்

மேலும்
img
18 வயதுக்கு குறைவானவர்களுக்கு ஊரடங்கு?

இளையோர் மத்தியில் பசை நுகரும் பழக்கம் அபாயக் கட்டம்.

மேலும்
img
பூனையைக் கொன்ற மோகன்ராஜூக்கு 2 ஆண்டு சிறை.

போட்டுக் கொன்றதற்காக டாக்சி

மேலும்
img
டத்தோஸ்ரீ ஆ. தெய்வீகனின் பெயர் சாலைக்கு சூட்டப்பட்டுள்ளது.

போலீஸ் துறையில் சிறந்த சேவையை வழங்கியுள்ள

மேலும்
img
பினாங்கு மாநிலத்தின் புதிய போலீஸ்படைத் தலைவராக டத்தோ நரேன் சேகரன் பதவியேற்பு

பினாங்கு மாநில போலீஸ் படை தலைவராக

மேலும்
  • Copyright 2015.Nanban.All rights reserved.
  • powered by img