செவ்வாய் 19, பிப்ரவரி 2019  
img
img

தீபாவளிக்கு சிறப்புத் தபால் தலை
வெள்ளி 07 அக்டோபர் 2016 13:51:43

img

இந்தியர்களின் முக்கிய பண்டிகைகளில் ஒன்றான தீபாவளி பல்வேறு நாடுகளில் கோலாகலமாக கொண்டாடப்படுகிறது. குறிப்பாக, அமெரிக்க அதிபர் பராக் ஒபாமா தலைமையில் அந் நாட்டின் நாடாளுமன்ற உறுப்பினர்கள், அரசு உயர் அதிகாரிகள், அமெரிக்காவில் வசிக்கும் இந்திய பிரமுகர்கள் ஆகியோர் வாஷிங்டன் நகரில் உள்ள வெள்ளை மாளிகையில் தீபாவளி கொண்டாடுவது மரபாக உள்ளது. இந்த கொண்டாட்டங்களில் அந்நாட்டில் வாழும் இந்திய பிரமுகர்கள் பங்கேற்பதும் வழக்கமாக நடைபெற்று வருகிறது. இந்திய மக்களின் முக்கிய திருநாளான தீபாவளியை கௌரவிக்கும் வகையில் அமெரிக்க அரசின் சார்பில் சிறப்பு தபால்தலை வெளியிட வேண்டும் என இந்திய மக்கள் நல சங்கங்களை சேர்ந்தவர்கள் பலகாலமாக கோரிக்கை விடுத்து வருகின்றனர். இந்நிலையில், இந்த கோரிக்கைகளை ஏற்று இந்த ஆண்டு தீபாவளி சிறப்பு தபால்தலையை அமெரிக்க அரசின் தபால் துறை வெளியிட்டுள்ளது. வாண வேடிக்கை பின்னணியில் தீபம் எரிய, என்றென்றும் அமெரிக்கா 2016 என்ற வாசகங்களுடன் வடிவமைக்கப்பட்ட இந்த தபால்தலை நேற்று முன் தினம் வெளியிடப்பட்டது. இந்த விழாவில் இந்திய தூதர் ரிவா கங்குலி தாஸ், காங்கிரஸ் உறுப்பினர் கரோலின் மெலோனி, தீபாவளி தபால்தலை திட்ட அதிகாரி ரஞ்சு பத்ரா, அமெரிக்க தபால் அலுவலகத்தின் துணைத் தலைவர் பரிதா மெஹ்ரா, இந்தியாவின் முன்னாள் தூதர் ஹர்தீப் சிங் மற்றும் இந்திய வம்சாவளியைச் சேர்ந்த ரவி பத்ரா ஆகியோர் கலந்து கொண்டனர்.

பின்செல்

தலைப்புச் செய்திகள்

img
வழங்கப்பட்ட வாக்குறுதிகள் வெற்று வாக்குறுதிகளா?

பதில் சொல்லுமா நம்பிக்கைக் கூட்டணி.

மேலும்
img
மக்கள் உடனடியாக மாற்றங்களைக் காண விரும்புகிறார்கள்.

எங்களுக்கு கால அவகாசம் தேவை.

மேலும்
img
சிறார் மானபங்க விவகாரம்: குற்றவாளிகள் கடுமையாக தண்டிக்கப்படவேண்டும்.

சமயத்தின் நன்னெறிப் பண்புகளின் மீது கவனம்

மேலும்
img
மார்ச் இறுதிவரை வெப்பநிலை நீடிக்கும்.

இறுதியில் நாட்டில் இம்மாதிரியான சூழ்நிலை

மேலும்
img
நீதித்துறையில் தவறுகள்? அரசாங்கம் ஆராயும்.

அரச விசாரணை ஆணையத்திற்கான (ஆர்.சி.ஐ.)

மேலும்
  • Copyright 2015.Nanban.All rights reserved.
  • powered by img