img
img

தியான் சுவாவிற்கு 3 மாதச் சிறை!
வியாழன் 29 செப்டம்பர் 2016 17:18:56

img

13ஆவது பொதுத் தேர்தலுக்குப் பின்னர் ஆற்றிய உரையின்போது தேச நிந்தனை சொற்களை பயன்படுத்தியதற்காக குற்றவாளி என தீர்ப்பளிக்கப்பட்ட பத்து நாடாளுமன்ற உறுப்பினர் தியான் சுவாவிற்கு மூன்று மாதச் சிறைத் தண்டனையும் 1,800 வெள்ளி அபராதமும் விதிக்கப்பட்டன. ஓராண்டுக்கும் குறைவான சிறைத் தண்டனையும் 2,000 வெள்ளிக்கும் குறைவான அபராதமும் விதிக்கப்பட்டதால், தியான் சுவா தனது நாடாளுமன்ற பதவியை தக்க வைத்துக் கொண்டார். ஓராண்டுக்கும் கூடுதலான சிறைத் தண்டனையும் 2,000 வெள்ளிக்கும் கூடுதலான அபராதமும் விதிக்கப்பட்டிருந்தால் அவர் தனது நாடாளுமன்ற உறுப்பினர் பதவியை இழந்து இருப்பார். பிகேஆர் உதவித் தலைவருமான தியான் சுவாவிற்கு எதிரான குற்றச்சாட்டை அரசாங்கத் தரப்பு சந்தேகத்திற்கு இடமின்றி நிரூபித்து இருப்பதாக செஷன்ஸ் நீதிமன்ற நீதிபதி ஸுல்கர்னாயின் ஹசான் தீர்ப்பளித்தார். ஜனநாயக முறையில் தேர்ந்தெடுக்கப்பட்ட ஓர் அரசாங்கத்தைக் கவிழ்க்கும் உள்நோக்கத்துடன் தியான் சுவா தேச நிந்தனை வார்த்தைகளைப் பயன்படுத்தி இருப்பதாக அவர் மேலும் கூறினார். சுவா சார்பில் பிகேஆர் வழக்கறிஞர்கள் என்.சுரேந்திரனும் லத்தீபா கோயாவும் ஆஜராகினர். அரசாங்கத் தரப்பில் டிபிபி ஜுலியா இப்ராஹிம் வாதாடினார். தேச நிந்தனைச் சொற்களைப் பயன்படுத்தியதாக 2013 மே 29ஆம் தேதி தேச நிந்தனைச் சட்டத்தின் 4 (1)(6) பிரிவின் கீழ் சுவா குற்றஞ்சாட்டப்பட்டார். 2013 பொதுத் தேர்தல் முடி வடைந்தவுடன் அவர் கோலாலம்பூர் சீனர் அசெம்பிளி ஹாலில் உரையாற்றியபோது இந்தக் குற்றத்தைப் புரிந்ததாக கூறப்பட்டது.

பின்செல்

தலைப்புச் செய்திகள்

img
3 ஆவது முறையாக தீச்சம்பவம்: இந்தியர்களுக்குச் சொந்தமான 8 வீடுகள் அழிந்தன

இந்தியன் செட்டில்மென்டில் நிகழ்ந்த பயங்கர தீ விபத்தில்

மேலும்
img
மலிவு விலை மதுபானத்தை குடித்த இரு மலேசியர் உட்பட அறுவர் மரணம்

ஜார்ஜ்டவுனில் மதுபானம் அருந்தியதால் அறுவர் மரணமடைந்துள்ள

மேலும்
img
ஓரின உறவு விவகாரம்: காணொளியில் திருத்தம் செய்யப்படவில்லை. ஆஸ்திரேலிய ஊடக அமைப்பு 

அந்த காணொளியில் இருப்பவர் அஸ்மின்தான்

மேலும்
img
ஆபாசக் காணொளி விசாரணை. எம்சிஎம்சி முழுமையாக ஒத்துழைக்கும்

இந்நிலையில் அந்த ஒத்துழைப்பு எவ்வடிவிலானது

மேலும்
img
ஓரின உறவு ஆபாசக் காணொளி விவகாரம். மேலும் அதிர்ச்சியூட்டும் தகவல்

தனக்கும் பங்குள்ளது என்பதை பகிரங்கமாக

மேலும்
  • Copyright 2015.Nanban.All rights reserved.
  • powered by img