வியாழன் 17, ஜனவரி 2019  
img
img

18 ஆண்டுகளாகத் தூங்காத இரவுகள்
வியாழன் 22 செப்டம்பர் 2016 14:15:39

img

ஒவ்வொரு முறையும் மழை பெய்தால் கால்வாய் கள் நிரம்பி வீட்டிற்குள் வெள்ளம் புகுந்து விடும். கடந்த 18 வருடங்களாக இரண்டு தலைமுறைகளைத் தாண்டியும் இப்படியே வெள்ளத்தால் பாதிக்கப் பட்டு பல தூங்காத இரவுகளைக் கடந்து வருவது தொடர்கதையாக இருக்கிறது என்று கிள்ளான் பாயு பெர்டானா குடியிருப்பாளர்கள் வேதனையுடன் தெரிவித்தனர். வெள்ளத்தைக் கட்டுப்படுத்தும் வகையில் கிள்ளான் ஊராட்சிமன்றத் தரப்பினரும் வடிகால் நீர்பாசனத்துறையும் தேவையான நடவடிக்கைகளை மேற்கொள்ளத் தவறியதால்தான் இந்த நிலைமை ஏற்படுகிறது. இதன் தொடர்பில் எவ்வளவோ புகார் செய்தும் சலித்துப் போனதுதான் மிச்சம், என்று செய்தியாளர்களிடம் அவர்கள் தங்களின் ஆதங்கத்தைக் கொட்டித் தீர்த்தனர். அரை மணி நேரம் தொடர்ச்சியாக மழை பெய்தால் போதும். குடியிருப்பின் சுற்றுப்புறக் கால்வாய்களில் நீர் நிறைந்து மேலெழும்பி பெரும்பாலான வீடுகளின் முன்புறப் பகுதிகளிலிருந்து சமையல் கட்டு வரை வெள்ளம் புகுந்து விடும். சம்பந்தப்பட்ட குடியிருப்பின் சுற்றுவட்டாரச் சாலைகளில் குறிப்பாக வெள்ள கனநீர் வரையற்ற நிலையில் கரைபுரண்டு அடித்துச் செல்லும் ஜாலான் பெகாகா, ஜாலான் செத்தாகா இண்டா பகுதியில் அகண்ட கால்வாய் அமைக்கப்பட்டிருந்தும் அப்பகுதிகள் அடிக்கடி வெள்ளத்தால் பெருமளவில் சேதமடைந்து வருகிறது, என்று அக்குடியிருப்புச் சங்கத் தலைவர் பீட்டர் யாப், உதவித் தலைவர் ஜி.மோகன் இருவரும் கூறினர். இப்பிரச்சினைக்குத் தீர்வு காண வேண்டும் என்பதே எங்கள் அனைவரின் ஒட்டுமொத்த வேண்டுகோளாகும் என்று பாதிக்கப்பட்ட குடியிருப்பாளர் வி.சுப்பிரமணியம் கூறினார்.

பின்செல்

தலைப்புச் செய்திகள்

img
மாற்றுத்திறனாளிகள் முருகனை தரிசிக்க மலை உச்சிக்குத் தூக்கிச் சென்ற உதவும் கரங்கள்.

அது மாற்றுத்திறனாளிகளுக்கும் பொருந்தும்

மேலும்
img
தைப்பொங்கல் வைக்க உகந்த நேரம் எது? இந்துசங்கம் விளக்கம்.

அன்றைய தினம் ஆலயங்களில் விசேஷ பூஜை வழிபாடுகள்

மேலும்
img
அனைத்து சமயங்கள் தொடர்பிலும் அரசாங்கம் மிக கவனமுடனும் அக்கறையுடனும் நடந்து கொள்ளும்

அதே வேளையில், நாம் ஒவ்வொருவரும்

மேலும்
img
நீர் கட்டணத்தை 10% - 20% வரை அதிகரிக்க பினாங்கு உத்தேசம்.

மக்கள் மீது சுமையைத் திணிப்பது நியாயமா? 

மேலும்
img
நரகத்தை எட்டிப் பர்த்த எனக்கு எதிர்காலம் பற்றி கவலை இல்லை.

பிரதமர் பதவியை அலங்கரிக்க

மேலும்
  • Copyright 2015.Nanban.All rights reserved.
  • powered by img