செவ்வாய் 25, செப்டம்பர் 2018  
img
img

4-வது நாளாக இருட்டில் தவிக்கும் குமரிமாவட்டம்; விரைவில் சீரமைக்கப்படும்
சனி 02 டிசம்பர் 2017 17:51:03

img
சென்னை
 
கன்னியாகுமரி மாவட்டத்தில்  ஒகி புயலால்ஆயிரம் மின்கம்பங்களும், 100க்கும் மேற்பட்ட டிரான்ஸ்பார்மர்களும் சேதமடைந்தது தெரிய வந்தது. இதன் காரணமாக 1,500 மீட்டர் உயர் மின் அழுத்த பாதையும், 2,400 மீட்டர் குறைந்த மின் அழுத்த பாதையும் சேதம் அடைந்துள்ளது. மின்கம்பங்களை மாற்றி, மின்பாதையை சீரமைக்க வெளி மாவட்டங்களில் இருந்து மின்வாரிய ஊழியர்கள் வரவழைக்கப்பட்டனர். நேற்று முதல் அவர்கள் நாகர்கோவில் மற்றும் மாவட்டத்தின் பிற நகரங்களில் மின் விநியோகத்தை சீரமைக்கும் பணியில் ஈடுபட்டனர்.
 
இன்று 4-வது நாள் ஆன பின்பும் மாவட்டத்தின் எந்த பகுதியிலும் மின் விநியோகம் முழுமையாக சீரடையவில்லை. எங்குமே மின் விநியோகம் நடக்கவில்லை. இதனால் 29-ந்தேதி இருளில் மூழ்கிய குமரி மாவட்டம் இன்று 4-வது நாளாக இருட்டில் தவிக்கிறது. மின்சார தட்டுப்பாடால் மாவட்டத்தில் எங்குமே குடிநீர் விநியோகம் நடை பெறவில்லை. மோட்டார் இயங்கினால் மட்டுமே தண்ணீர் சப்ளை செய்ய முடியும் என்று குடிநீர் வாரிய ஊழியர்கள் கூறுகிறார்கள். பல இடங்களில் மக்கள் மொட்டை மாடியில் இருந்து விழும் மழை நீரை சேமித்து வீட்டு தேவைகளுக்கு பயன்ப டுத்துகிறார்கள்.   ஆனால்  குடிக்க தண்ணீரின்றி தவிக்கிறார்கள். 
 
ஏ.டி.எம். மையங்களும் இயங்கவில்லை. வெளி இடங்களில் இருந்து உதவிக்கு வாருங்கள், உணவு தாருங்கள் என்று கேட்பதற்கு கூட செல்போன்கள் பயன்படவில்லை. அவையும் மின்சாரம் இல்லாததால் செயல்படவில்லை. குமரி மாவட்டத்தில் புயல் நிவாரண பணிகளை முடுக்கி விட மின்துறை அமைச்சர் தங்கமணி மற்றும் வருவாய்த்துறை அமைச்சர் உதயகுமார் ஆகியோர் மாவட்டத்தில் முகாமிட்டு உள்ளனர். அவர்கள் முதல்-அமைச்சர் எடப்பாடி பழனிச்சாமி உத்தரவுப்படி நிவாரண பணிகளை துரிதப்படுத்தி வருகிறார்கள்.
 
அவர்களிடம் மாவட்டத்தில் மின் விநியோகத்தை உடனடியாக சீரமைத்து தர வேண்டுமென்று பொதுமக்கள் கோரிக்கை விடுத்துள்ளனர். இன்னும் 2 நாட்களில் மின்விநியோகம் சீராகுமென்று அமைச்சர்கள் கூறி உள்ளனர்.இந்நிலையில் இன்று சேலம் மாவட்டம் திருவாக்கவுண்டனூரில் கட்டப்பட்ட பாலம் திறப்பு விழாவில் முதலமைச்சர் பழனிசாமி பங்கேற்றார். பின்னர் பேசிய அவர், சேலம் மாநகரில் ஒப்புதல் அளிக்கப்பட்ட பாலங்கள் அனைத்து விரைவில் கட்டி முடிக்கப்படும் என தெரிவித்தார். அத்துடன் கன்னியாகுமரியில் மின்கம்பங்கள் அனைத்தையும் சீரமைக்கும் பணிகள் நடைபெற்று வருவதாகவும், விரையில் அங்கு மின்சாரம் வழங்கப்படும் என்றும் தெரிவித்தார்.
பின்செல்

இந்தியச் செய்திகள்

img
`தி.மு.க தூக்கி எறிந்துவிட்டது; தேசிய அரசியலில் களமிறங்குகிறேன்!’ - டி.ராஜேந்தர்

லட்சிய திராவிட முன்னேற்றக் கழகத்தின் நிறுவன

மேலும்
img
`நம்ம பிரதமர் மோடிக்கு நோபல் பரிசு கிடைக்கணும்; உதவி பண்ணுங்க' - மக்களிடம் கோரும் தமிழிசை

`ஆயுஷ்மான் பாரத்' என்ற புதிய திட்டத்தை

மேலும்
img
`இரண்டாம் நம்பர் பிசினஸ்; கலப்பட கருப்பட்டி!' - கருணாஸை முடக்கும் எடப்பாடி பழனிசாமி

சென்னை, வள்ளுவர் கோட்டத்தில் முக்குலத்தோர்

மேலும்
img
ரஃபேல் விவகாரம் ...ஃப்ரான்ஸ் செல்ல இருக்கும் நிர்மலா சீதாராமன்

ஆளும் பாஜகவுக்கு இது பெரும் நெறுக்கடியை

மேலும்
img
"அவர் பேசுனது தப்புதான்; ஆனா, அரசை விமர்சிக்க உரிமையில்லையா?!" கிரேஸ் கருணாஸ்

அமைச்சர் உள்ளிட்டோரின் சப்போர்ட் கிடைக்காததால்,

மேலும்
  • Copyright 2015.Nanban.All rights reserved.
  • powered by img