செவ்வாய் 22, ஜனவரி 2019  
img
img

நாட்டில் கட்டப்படும் வீடுகள் சாமானிய மக்களின் உயர்வுக்காகவா? பணக்காரார்களின் வாழ்வுக்காகவா?
வியாழன் 23 நவம்பர் 2017 12:21:09

img

கோலாலம்பூர், 

நாட்டில் சாமானிய மக்கள் வாங்குவதற்குரிய வீடுகள் கட்டப்படாமல் அதிக விலையிலான மிதமிஞ்சிய ஆடம்பர வீடுகள் கட்டப்பட்டதற்கு வீடமைப் பாளர்களின் பேராசையே முக்கிய காரணமாகும். குறுகிய காலத்திலேயே அதிக லாபம் ஈட்டும் பொருட்டு சொகுசு வீடுகளை கட்டுவதில் அதீத ஆர்வம் காட்டியதால், அத்தகைய ஆடம்பர வீடுகளை சாமானிய மக்கள் வாங்க முடியாமல் போனது என்று குற்றஞ்சாட்டப்படுகிறது.

மத்திய வங்கியான பேங்க் நெகாரா வெளியிட்ட அறிக்கையின்படி  இவ்வாண்டின் முதல் காலாண்டில் ஒரு லட்சத்து 30 ஆயிரத்து 690 வீடுகள் விற்க முடியாமல் மிதமிஞ்சிய நிலையில் இருப்பதாக அறிவித்துள்ளது. இந்த வீடுகள் அனைத்தும் தலா வெ.250,000 க்கும் கூடுதலான மதிப்பாகும்.  கடந்த 2016 ஆம் ஆண்டின் முதல் காலாண்டில் 54,244 வீடுகள் அதாவது 36 விழுக்காடு வீடுகள் விற்க முடியாமல் இருந்த நிலையில் இந்த ஆண்டு இதன் எண்ணிக்கை இரு மடங்காக அதிகரித்து இருப்பது சொத்துடைமை சந்தையை வெகுவாக பாதித்துள்ளது.

விற்கப்படாமல் போன வீடுகளில் 61 விழுக்காடு, ஆடம்பர தன்மையிலான அடுக்குமாடி வீடுகளாகும். இதன் காரணமாகவே தலா 10 லட்சம் வெள்ளி மதிப்பிலான சொத்துடைமை திட்டங்களை நவம்பர் முதல் தேதியிலிருந்து  அரசாங்கம் முடக்கியுள்ளது. மக்கள் வாங்க முடியாத வீடுகள் தொடர்ந்து கட்டப்பட்டுக்கொண்டு இருக்குமானால் வருகின்ற 2021 ஆம் ஆண்டு வாக்கில் மூன்றில் ஒரு வீடு அல்லது ஒரு கட்டடம் காலியாக கிடக்கும் என்று எச்சரிக்கப்பட்டுள்ளது.கோலாலம்பூர், ஜொகூர், பினாங்கு போன்ற மாநிலங்களில்தான் அதிகமான ஆடம்பர வீடுகள் விற்க முடியாமல் இருக்கின்றன என்று ஆய்வுகள்  காட்டுகின்றன.

Read More: Malaysia Nanban News Paper on 23.07.2011

 

பின்செல்

தலைப்புச் செய்திகள்

img
பத்துமலை வெள்ளி இரத ஊர்வலம் பக்தர்களின் பாதுகாப்பிற்காக 600 போலீஸ் அதிகாரிகள்.

தலைவர் டத்தோ மஸ்லான் லாஸிம்

மேலும்
img
18 வயதுக்கு குறைவானவர்களுக்கு ஊரடங்கு?

இளையோர் மத்தியில் பசை நுகரும் பழக்கம் அபாயக் கட்டம்.

மேலும்
img
பூனையைக் கொன்ற மோகன்ராஜூக்கு 2 ஆண்டு சிறை.

போட்டுக் கொன்றதற்காக டாக்சி

மேலும்
img
டத்தோஸ்ரீ ஆ. தெய்வீகனின் பெயர் சாலைக்கு சூட்டப்பட்டுள்ளது.

போலீஸ் துறையில் சிறந்த சேவையை வழங்கியுள்ள

மேலும்
img
பினாங்கு மாநிலத்தின் புதிய போலீஸ்படைத் தலைவராக டத்தோ நரேன் சேகரன் பதவியேற்பு

பினாங்கு மாநில போலீஸ் படை தலைவராக

மேலும்
  • Copyright 2015.Nanban.All rights reserved.
  • powered by img