ஞாயிறு 17, பிப்ரவரி 2019  
img
img

டிரம்ப் மனநிலை பாதிக்கப்பட்டவர்
சனி 23 செப்டம்பர் 2017 15:50:35

img

சீயோல்:

வடகொரியாவை மிரட்டும் அமெரிக்க அதிபர் டிரம்ப் மனநிலை பாதிக்கப்பட்டவர் போல் செயல்படுகிறார். அவரது செயலுக்கு உரிய விலை கொடுக்க நேரிடும் என்று வடகொரியா அதிபர் கிம் ஜோங் உன் ெதரிவித்துள்ளார். ஐநா மற்றும் உலக நாடுகள் எச்சரிக்கையை மீறி வடகொரியா தொடர்ந்து அணு ஆயுத சோதனை மற்றும் ஏவுகணை சோதனைகளை மேற்கொண்டு வருகிறது. இதனால் அமெரிக்கா மற்றும் வடகொரியா இடையே போர் மூளும் அபாயம் ஏற்பட்டுள்ளது. ஐநா ஆண்டுக்கூட்டத்தில் முதன் முறையாக பேசிய அமெரிக்க அதிபர் டிரம்ப்,” உலக நாடுகள் எச்சரிக்கையை மீறி தொடர்ந்து அணு ஆயுத சோதனைகளை மேற்கொண்டால் வடகொரியா இருக்கும் இடம் தெரியாமல் அழிக்கப்படும்” என்று ஆவேசமாக பேசினார். மேலும் வடகொரியா அதிபர் கிம் ஜோங் உன் ஒரு ராக்கெட் மனிதர் என்றும் விமர்சனம் செய்தார்.
 
இது வடகொரியாவுக்கு கடும் கோபத்தை வரவழைத்துள்ளது. இந்த நிலையில் டிரம்ப் மனநிலை பாதிக்கப்பட்டவர் என்று வடகொரியா அதிபர் கிம் ஜோங் உன்னும் பதிலடி கொடுத்துள்ளார். அவர் கூறியிருப்பதாவது:

அமெரிக்காவின் மிக உயர்ந்த அதிகாரத்தை கையில் வைத்திருக்கும் மனிதரை தடுத்து நிறுத்தும் அதிகாரம் கொண்டவராக நான் மாறுவேன். வடகொரியாவை அழிப்பேன் என்ற அவரது மிரட்டல் பேச்சுக்கு உரியவிலை கொடுக்க வேண்டியது வரும். இறையாண்மை பெற்ற ஒரு நாட்டை முற்றிலும் அழிப்பேன் என்று ஐநா சபையில் முறையற்ற முறையில் பேசிய அமெரிக்க அதிபர் உண்மையிலேயே மனநிலை பாதிக்கப்பட்டவர் போல் நடந்து கொண்டார். அவரது பேச்சுக்கள் என்னை பயமுறுத்தவோ அல்லது தடுத்து நிறுத்தவோ இல்லை. மாறாக வலிமைப்படுத்தி உள்ளன. நான் சரியான பாதையை தேர்வு செய்துள்ளதை தெரிவிக்கின்றன. எனவே நான் கடைசி வரை இதே பாதையைத்தான் பின்பற்றுவேன். இவ்வாறு அதில் கூறப்பட்டுள்ளது.

பைத்தியக்காரன்
வடகொரியா அதிபர் கிம் ஜோங் உன் பேச்சு குறித்து அறிந்த அமெரிக்க அதிபர் டிரம்ப் கூறியதாவது: வடகொரியாவின் கிம் ஜோங் உன் பைத்தியக்காரன். மக்கள் பட்டினி கிடப்பதையும், பலியாவதையும் அவர் பொருட்படுத்த மாட்டார். அவரைப்போல் ஒரு நபரை இதற்கு முன் நான் அறிந்தது இல்லை” என்று தெரிவித்தார்.

பின்செல்

உலகச் செய்திகள்

img
பாலஸ்தீன உயிரியல் பூங்காவில் சிங்கத்துடன் விளையாடும் பார்வையாளர்கள் 

பாலஸ்தீனத்தின் காசா பகுதியில் உள்ள உயிரியல்

மேலும்
img
70 வயது முதியவரை திருமணம் செய்த இளம்பெண்  முதலிரவில் நகைகளுடன் ஓட்டம் 

பாகிஸ்தானின் பஞ்சாப் மாநிலத்தின் சர்கோதா

மேலும்
img
கர்ப்பப்பையில் இருந்து கருக்குழந்தையை வெளியே எடுத்து அறுவை சிகிச்சை 

இங்கிலாந்து தலைநகர் லண்டனின் வடகிழக்கு

மேலும்
img
அமெரிக்கர்கள் பாகிஸ்தான் செல்ல வேண்டாம் - டிரம்ப் நிர்வாகம் எச்சரிக்கை 

பாகிஸ்தானில் பொதுமக்கள் அதிகம் கூடும் சந்தைகள், வணிக வளாகங்கள்

மேலும்
img
பூமியில் வேற்று கிரகவாசிகள் விமானம்- விஞ்ஞானிகள் உறுதி

விண்கல் விஞ்ஞானிகளின் கவனத்தை ஈர்த்தது.

மேலும்
  • Copyright 2015.Nanban.All rights reserved.
  • powered by img