ஞாயிறு 18, நவம்பர் 2018  
img
img

நாடுகடத்தப்படவிருந்த இலங்கை மாணவி செய்த சாதனையால் ஏற்பட்ட அதிர்ஷ்டம்
ஞாயிறு 16 ஜூலை 2017 18:51:30

img

பிரித்தானியாவிலில் குடியுரிமை பெறத் தகுதியற்றவர் என்ற வகையில் நாடுகடத்தப்படும் சூழ்நிலைக்கு தள்ளப்பட்ட இலங்கை மாணவி சிரோமினி சற்குணராஜா தனது பட்டப்படிப்பை நிறைவு செய்துள்ளார். பிரித்தானியாவில் Bangor பல்கலைக்கழகத்தில் பட்டப்படிப்பை தொடர்ந்த சிரோமினி முதல்தரத்தில் சித்தியடைந்துள்ளதாக அந்நாட்டு ஊடகங்கள் தகவல் வெளியிட்டுள்ளன. 3 மாதத்திற்கு முன்னர் அவர் நாட்டைவிட்டு வௌியேறவேண்டி இருந்தாலும் பிரித்தானியாவின் Bangor பல்கலைக் கழகத்தில் மின்னணு பொறியியல் பட்டப்படிப்பை நிறைவு செய்வதற்கான ஒரு வாய்ப்பையும் அதுவரை தங்கியிருப்பதற்கான கால அவகாசத்தையும் அரசிடம் கேட்டிருந்தார். இதனால், சமூக ஆர்வலர்கள் பலரின் முயற்சியில் அவருக்கு இந்த பட்டப்படிப்பை தொடர வாய்ப்பு கிடைத்தது. கடந்த பெப்ரவரி சிரோமினி மற்றும் அவரது தாயாரை பிரித்தானிய பொலிஸார் கைது செய்து, இரு நாட்களுக்கு தனிமையில் சிறையில் வைத்தனர். அதன் பின்னர் Bedfordshire பகுதியில் அமைந்துள்ள Yarl's Wood குடிவரவு தடுப்பு மையத்திற்கு அவர்கள் மாற்றப்பட்டனர். குடிவரவு அதிகாரிகளின் நடவடிக்கைக்கு எதிராக 30 ஆயிரத்திற்கும் அதிகமானோர் கையெழுத்திட்டு மனு ஒன்றை தாக்கல் செய்திருந்தனர். தற்போது சிரோமினி வெற்றிகரமாக தனது பட்டப்படிப்பை முதல் தரத்தில் நிறைவு செய்துள்ளார். இந்த நிலையில் கடந்த 3 மாதங்கள் தனது பட்டப் படிப்பை நிறைவு செய்வதற்கு உதவிய அனைவருக்கும் தனது நன்றியை ஷிரோமினி தெரிவித்துள்ளார். "அது ஒரு சவாலான நேரமாக இருந்தது, ஆனால் நல்வாழ்த்துக்களினால் நான் மகிழ்ச்சியடைந்தேன். என்னை சுற்றியிருந்த சமூகம் குறித்து மகிழ்ச்சியடைகின்றேன். அடுத்த வாரம் நடைபெறும் எனது பட்டப்படிப்பு விழாவை கொண்டாடுவது குறித்து நான் கவனம் செலுத்துகிறேன், வேலைவாய்ப்பு சந்தையில் Bangor பல்கலைக்கழகத்தில் நான் பெற்று கொண்ட பாடத்திட்டத்தின் மூலம் நான் பெற்றுள்ள திறன்களையும் அறிவையும் பயன்படுத்துவதை நான் எதிர்பார்க் கிறேன்... என சிரோமினி குறிப்பிட்டுள்ளார். 2009ம் ஆண்டு சிரோமினி மற்றும் அவரது தாயார் பிரித்தானியாவுக்கு சென்றனர். பிரித்தானியாவுக்கு சென்ற சிரோமினி அவரது தந்தையின் விசாவில் அங்கு தங்கிருந்த நிலையில், 2011ம் ஆண்டு தந்தை உயிரிழந்துள்ளமை குறிப்பிடத்தக்கது.

பின்செல்

இலங்கைச் செய்திகள்

img
ரணில்-ராஜபக்சே எம்பிகள் மோதல்: சபாநாயகர் மீது தாக்குதல்...

இரு தரப்பிற்கும் மோதல் ஏற்பட்டுள்ளது

மேலும்
img
ராஜபக்சேக்கு கல்தா. ரணிலுக்கு மிகப்பெரிய வெற்றி.

இலங்கை நாடாளுமன்றத்தைக் கலைத்து விட்டு

மேலும்
img
தந்தையை கைவிட்டு மகிந்தவுடன் இணையும் மைத்திரி மகள் 

மகிந்த ராஜபக்சே தலைமையேற்கும் பொதுஜன

மேலும்
img
இலங்கை அதிபர் சிறிசேனா நாடாளுமன்றத்தை கலைத்தது செல்லாது

ஐக்கிய தேசிய கட்சியின் கூட்டணி கட்சியான

மேலும்
img
பிரதமர் வேட்பாளராக களமிறங்கும் ரணிலின் மனைவி

ஆட்சியைக் கைப்பற்றுவதற்காக மக்களின்

மேலும்
  • Copyright 2015.Nanban.All rights reserved.
  • powered by img