புதன் 14, நவம்பர் 2018  
img
img

டி.ஐ.ஜி. ரூபாவை பணி இடமாற்றம் செய்ய பரிந்துரை; தகவல் கொடுத்த கைதிக்கு அடி-உதை
ஞாயிறு 16 ஜூலை 2017 14:13:39

img

பெங்களூரு, பெங்களூரு சிறையில் மோசடிகளை வெளிப்படுத்திய அதிகாரி ரூபாவை இடமாற்றம் செய்ய பரிந்துரை செய்யப்பட்டு உள்ளதாக தகவல்கள் வெளியாகி உள்ளது. சிறைத்துறை டி.ஐ.ஜி. ரூபாவின் அறிக்கை மூலம் பெங்களூரு பரப்பனஅக்ரஹாரா சிறையின் முறைகேடுகள் பற்றி செய்திகள் தொடர்ந்து வெளியாகி பரபரப்பை ஏற்படுத்தி வருகிறது. பரப்பனஅக்ரஹாரா சிறையில் முறைகேடுகள் நடப்பதாகவும், சிறையில் உள்ள சசிகலாவிடம் ரூ.2 கோடி லஞ்சம் வாங்கி தனி சமையலறை ஏற்படுத்தி கொடுக்கப்பட்டு இருப்பதாகவும், முத்திரைத்தாள் மோசடியில் கைதான தெல்கிக்கும் சிறையில் சிறப்பு வசதிகள் செய்து கொடுக்கப்பட்டு இருப்பதாகவும் சிறைத்துறை டி.ஜி.பி. சத்தியநாராயண ராவ் மீது சிறைத்துறை டி.ஐ.ஜி.ரூபா குற்றம்சாட்டி உள்ளார். இந்த குற்றச்சாட்டுகளை சிறைத்துறை டி.ஜி.பி. சத்தியநாராயண ராவ், மற்றும் பரப்பனஅக்ரஹாரா சிறை சூப்பிரண்டு கிருஷ்ணகுமார் ஆகியோர் மறுத் துள்ளனர். இந்த நிலையில், சிறைத்துறை நிர்வாகம் மீதும், அதிகாரிகள் மீதும் ஆதாரங்கள் இல்லாமல் குற்றம்சாட்டி வரும் டி.ஐ.ஜி. ரூபாவை பணி இட மாற்றம் செய்ய வேண்டும் என்று சிறைத்துறை டி.ஜி.பி. சத்தியநாராயண ராவ் மாநில அரசுக்கு பரிந்துரை செய்து கடிதம் எழுதி இருப்பதாக தகவல்கள் வெளியாகி உள்ளது. கைதிக்கு அடி-உதை இது மாநில அரசுக்கும், சிறைத்துறை டி.ஜி.பி. சத்தியநாராயணராவுக்கும் பெரும் தலைவலியை ஏற்படுத்தி உள்ளது. இந்த நிலையில், சிறை முறை கேடுகள் குறித்து ரூபாவுக்கு தகவல் கொடுத்த கைதி யார்? என்பது குறித்து அதிகாரிகள் சிறையில் விசாரித்துள்ளதாக கூறப்படுகிறது. இதன் தொடர்ச் சியாக ரூபாவுக்கு சிறை முறைகேடுகள் பற்றிய தகவல்களை கொடுத்ததாக கூறி ராமமூர்த்தி என்ற கைதியை சிறை சூப்பிரண்டு கிருஷ்ணகுமார் ஆபாச மாகவும், அவதூறாகவும் திட்டியதோடு, அவரை அடித்து உதைத்ததாக அந்த கைதியின் மனைவி அனிதா போலீசில் புகார் கொடுத்து உள்ளார்.

பின்செல்

இந்தியச் செய்திகள்

img
7 பேரா? எந்த 7 பேர்..களத்திற்கும் வருவதில்லை, அரசியலை கவனிப்பதும் இல்லை,

உள்ள தனது இல்லத்தில் ரஜினிகாந்த்

மேலும்
img
நான் சென்சார் போர்டு கிடையாது’- அமைச்சர் ஜெயக்குமார்

இதே ரஜினிகாந்த் நேற்றைய செய்தியாளர்கள்

மேலும்
img
அ.தி.மு.க. ஆலோசனை கூட்டத்தில் அமைச்சர் முன்பு அடிதடி - நாற்காலிகள் பறந்தன!

கூட்டத்தை ஆத்தூர் ஒன்றிய அண்ணா

மேலும்
img
நிறுத்திக் கொள்ளுங்கள் என மக்கள் சொல்லுகின்ற வரைக்கும் தொடரும்’-அமைச்சர் காமராஜ் பேச்சு

திருவாரூரில் அதிமுக செயல்வீரர்கள்

மேலும்
img
சர்ச்சை கேக் வெட்டி சக்ஸஸ் பார்ட்டி கொண்டாடிய சர்கார்

படத்தில் இலவசமாக வழங்கப்பட்ட மிக்ஸி,

மேலும்
  • Copyright 2015.Nanban.All rights reserved.
  • powered by img