சனி 16, பிப்ரவரி 2019  
img
img

விபத்தில் சிக்கியவர்களுக்கு உதவச் சென்ற இரு இந்திய இளைஞர்கள் பலி
ஞாயிறு 09 ஜூலை 2017 12:20:09

img

(எம்.கே.வள்ளுவன்) ஜொகூர் பாரு, சாலை விபத்தில் சிக்கியவர்களுக்கு உதவுவதற்காகச் சென்ற லோகேஸ் செல்வராஜ், சுரேந்திரன் ராஜேந்திரன் ஆகிய இரு இளைஞர்களும், அச்சமயத் தில் தங்கள் மீது கார் மோதியதில் சம்பவ இடத்திலேயே உயிரிழந்தனர். ஸ்கூடாய் அருகே ஜொகூர் பாரு-ஆயர் ஈத்தாம் சாலை 10-ஆவது கிலோ மீட்டர் தொலைவில் இச்சம்பவம் நேற்று அதிகாலை 4.15 மணியளவில் நிகழ்ந் தது. இதற்கு முன்பு, சம்பவத்தில் உயிரிழந்த அவ்விருவருடன் மேலும் ஒருவரும் தங்கள் மோட்டார் சைக்கிளில் சென்று கொண்டிருந்தபோது அவ் விபத்தை கண்ணுற்று, பாதிக்கப்பட்டவர்களுக்கு உதவுவதற்காகச் சென்றுள்ளனர் என்று ஜொகூர் பாரு வட பகுதி மாவட்ட போலீஸ் அதிகாரி முகமட் தாய்ப் அஹ்மட் கூறினார். அவ்விபத்தில் மாண்டவர்கள் பேரா, லஹாட் தாமான் டேசா பிஞ்சி உத்தாராவைச் சேர்ந்த லோகேஸ் செல்வராஜ் (வயது 29), கோலாலம்பூரைச் சேர்ந்த சுரேந்திரன் ராஜேந்திரன் என அடையாளம் காணப்பட்டது. அவ்விபத்தில் மேலும் மூன்று இந்திய இளைஞர்கள் கடுமையான காயங்களுக்கு இலக்காகி மருத்துவமனைக்கு கொண்டு செல்லப்பட்டதாக முகமட் தாயிப் தெரிவித்தார். மோட்டார் சைக்கிளில் வந்த அவர்கள் தங்கள் மோட்டார் சைக்கிள்களை நிறுத்தி விட்டு விபத்தில் சிக்கியவருக்கு உதவ முற்பட்ட போது புரோட்டோன் பெர்சோனா வாகனம் ஒன்று அந்த ஐவரையும் மோதியதோடு அவர்களின் மோட்டார் சைக்கிள்களையும் மோதித் தள்ளியதாக தெரிவித்த முகமட் தாயிப் அமார் காயமடைந்த மற்ற மூவரின் அடையாளங்கள் உடனடியாகத் தெரியவில்லை எனவும் குறிப்பிட்டார். ஐவரையும் மோதிய வாகனமோட்டி கட்டுப்பாட்டை இழந்து மற்றொரு வாகனத்தையும் மோதிய போதிலும் இலேசான காயங்களுடன் தப்பியதாக தெரிவித்த அவர் விபத்து நடந்த போது மழை பெய்த வேளையில் விபத்து நிகழ்ந்த இடம் இருட்டாக இருந்ததாகவும் தெரிவித்தார்.1987 சாலை போக்கு வரத்துச் சட்டம் பிரிவு 41 இன் கீழ் இச்சம்பவம் குறித்து போலீசார் விசாரணை மேற்கொண்டு வருகின்றனர். இதனிடையே விபத்தில் மாண்ட இருவரின் சடலங்ளும் கூலாய் மருத்துவமனைக்கு கொண்டு செல்லப்பட்டு சவப்பரிசோதனைகள் மேற்கொள்ளப்பட்ட வேளையில் அவர்களின் சொந்த ஊர்களுக்கு சடலங்கள் கொண்டு செல்லவும் ஏற்பாடுகள் செய்யப்பட்டன.

பின்செல்

தலைப்புச் செய்திகள்

img
செமினி தமிழ்ப்பள்ளி நில விவகாரம். இடைத்தேர்தலுக்கு முன்பு தீர்வு பிறக்குமா?

தயாராவதால் இந்திய வாக்காளர்களின் முழுமையான ஆதரவு

மேலும்
img
அபுதாபி பனிச்சறுக்குப் போட்டியில் ஸ்ரீ அபிராமிக்கு முதல் தங்கம்.

உலகின் முன்னணி விளையாட்டாளர்கள்

மேலும்
img
இந்தியர்களுக்கான பெம்பான் நிலத்திட்ட விவரங்கள் எனக்குத் தெரியாது. பேரா மந்திரி புசார் கைவிரிப்பு.

மந்திரி புசார் டத்தோஸ்ரீ அமாட் பைஸால்

மேலும்
img
எம்.எச்.370: கைப்பேசியில் அழைத்த அந்த மர்ம நபர்.

என்ற சந்தேகத்தையும் இது அப்போது எழுப்பியது.

மேலும்
img
பாம்புகளுடன் குடித்தனம். பூச்சோங் வவாசான் அடுக்குமாடியில் 500 குடும்பங்கள் அவதி.

இவர்கள் தங்கள் குடியிருப்புகளைப் பராமரிப்பதற்காக

மேலும்
  • Copyright 2015.Nanban.All rights reserved.
  • powered by img