வெள்ளி 22, பிப்ரவரி 2019  
img
img

அந்நிய தலையீடு பற்றி ஹாடி பேசுவதா?
வெள்ளி 07 ஜூலை 2017 13:05:57

img

கோலாலம்பூர் பேச்சுக்குப் பேச்சு அந்நிய தலையீடு என்று வாதிடும் பாஸ் கட்சித் தலைவர் அப்துல் ஹாடி அவாங்கிடம் ஜ.செ.க. பெருந்தலைவர் லிம் கிட் சியாங் ஒரு கேள்வியை கேட்டுள்ளார். 1எம்டிபியில் சுருட்டப்பட்ட பணத்தில் வாங்கப்பட்டதாகக் கூறப்படும் சொத்துக்களைப் பறிமுதல் செய்ய அமெரிக்க நீதித் துறை வழக்கு தொடுத்ததை மலேசிய விவகாரங்களில் அந்நியர் தலையீடு என்று கண்டித்த பாஸ் தலைவர் ஹாடி அவாங் உள்நாட்டு விவகாரங்களில் அந்நியர் தலையீட்டை வரவேற்பது தொல்லைகளுக்குத்தான் வழிவகுக்கும் என்றும் வலியுறுத்தினார். அந்நியர் தலையீடு என்ற ஹாடியின் வாதம் விந்தையாகவும் வினோதமாகவும் இருப்பதாக லிம் கிட் சியாங் கூறினார். அமெரிக்க அரசாங்கத் திட மிருந்தோ அதன் அமைப்புகளில் ஒன்றிடமிருந்தோ பக்கத்தான் ஹராப்பான் தலைவர்கள் கணக்கில் 260 கோடி வெள்ளி வரவு வைக்கப்பட்டிருந்தால் ஹாடி இந்நேரம் பக்காத்தான் ஹராப்பானைத் தாக்குத் தாக்கென்று தாக்கியிருப்பார். தேசிய இறையாண்மைக்குக் குழிபறிக்கும் அந்நியர் தலை யீட் டுக்கு அது சான்று என்றும் கூவியிருப்பார். அதே ஹாடி, பிரதமர் டத்தோஸ்ரீ நஜீப் துன் ரசாக், அம்பேங்கில் தம் வங்கிக் கணக்கில் இருந்த 260 கோடி வெள்ளி சவூதி அரசக் குடும்பம் 13 ஆவது பொதுத்தேர்தலுக்காகக் கொடுத்த நன்கொடை என்று கூறியபோது வாயைப் பொத்திக்கொண்டு இருந்தது ஏன்? நன்கொடை அமெரிக்காவிடமிருந்து வந்தால் அது அந்நிய தலையீடு. எனவே தவறானது,அதேவேளை சவூதி அரேபியாவிடமிருந்து வந்தால் அது நம் இறையாண்மையை மேன்மையுறச் செய்யும் எனவே ஏற்றுக்கொள்ளத்தக்கது,அப்படித்தானே? ஹாடி ‘அந்நியர் தலையீடு’ என்பதை விளக்க முற்படும் போது இரட்டை நியாயம் பேசுகிறார். மேலை நாடுகளிடமிருந்து வந்தால் தவறு சவூதி அரேபியாவிலிருந்து வந்தால் அது ஏற்றுக் கொள்ளத் தக்கது அவருக்கு என்றார் கிட் சியாங்.

பின்செல்

தலைப்புச் செய்திகள்

img
மகாதீர் பதவி விலகவும் அன்வார் பதவியேற்கவும் வலியுறுத்தி தலைநகரில் பதாதைகள்.

அவ்வாறான கோரிக்கை நட வடிக்கை எதிர்தரப்பின் செயல்

மேலும்
img
தேர்தல் வாக்குறுதிகளை விவகாரம்: துன் மகாதீர் பதவி விலகவேண்டும்.  ஜொகூர் ஜசெக வலியுறுத்தல்.  

தேர்தல் கொள்கை அறிக்கை ஒரு வழிகாட்டிதான், வேதம் அல்ல

மேலும்
img
காப்பகத்தில் தங்கிவரும் சிறுவன்மீது கண்மூடித்தனமான தாக்குதல். தாயார் போலீசில் புகார்.

அந்த சிறுவனை அந்த காப்பகத்தில் பணிபுரிந்து

மேலும்
img
திருமணமாகாமல் தனித்து வாழும் குறைந்த வருமானத்தைப் பெறுவோருக்கும்  பி.எஸ்.எச் உதவித் தொகை.

இதற்கு 30 கோடி வெள்ளி செலவாகும்.

மேலும்
img
மின்தூக்கியில் மாதிடம் கொள்ளையிட்டவன் குண்டர் கும்பலைச் சேர்ந்தவன். போலீசார் அம்பலப்படுத்தினர். 

அபாயகரமான குண்டர் கும்பலைச் சேர்ந்தவன்

மேலும்
  • Copyright 2015.Nanban.All rights reserved.
  • powered by img