திங்கள் 24, செப்டம்பர் 2018  
img
img

என் கடினமான் உழைப்பில் நான் வெற்றிபெற்றேன். லாவண்யா பெருமிதம்
வியாழன் 22 ஜூன் 2017 13:14:29

img

வெற்றி நம் வாசலை ஒரு நாள் நிச்சயம் தட்டும் என தேசிய அளவில் நடைபெற்ற நாட்டுப் பற்றை வெளிப்படுத்தும் செனி நெகாராகூ ஓவியப் போட்டி யின் இடைநிலைப்பள்ளி மாணவர்களுக்கான போட்டியில் முதல் நிலையில் வெற்றி வாகை சூடிய மாணவி லாவண்யா முரளி கூறுகிறார். நேற்று முன்தினம் தலைநகரில் நடைபெற்ற இந்த பரிசளிப்பு நிகழ்வின் போது பிரதமர் டத்தோஸ்ரீ நஜீப்பிடமிருந்து 5 ஆயிரம் வெள்ளிக்கான முதல் பரிசை பெற்றபோது உள்ளம் பெரும் ஆனந்தத்தில் மூழ்கிய தாக ஜொகூர்பாரு கான்வெண்ட் இடைநிலைப்பள்ளியின் 4ஆம் படிவ மாணவியுமான லாவண்யா முரளி தெரிவித்தார். தன் பெற்றோர் தான் மூன்று வயதாக இருக்கும் போதே ஓவிய வகுப்புகளில் பங்கு கொள்ள தூண்டியதன் அடிப்படையில் ஓவியத் துறையில் மிகுந்த ஆர் வம் கொண்டதாக குறிப்பிட்ட அவர் சிறுவயது முதற்கொண்டே ஆங்காங்கு நடக்கும் ஓவியப் போட்டிகளில் பங்குகொண்டு வெற்றி வாகை சூடியதையும் நினைவு கூர்ந்தார். மொத்தம் 10 ஆயிரத்து 126 பள்ளிகளிலிருந்து சுமார் 5 லட்சத்திற்கும் மேற்பட்டோர் இந்த ஓவியப் போட்டியில் பங்கு கொண்டதாக குறிப்பிட்ட லாவண்யா முரளி மூன்று பிரிவுகளுக்கான போட்டிகளில் இடைநிலைப்பள்ளிகளின் வெற்றியாளராகதான் அறிவிக் கப்பட்டபோது ஒரு இந்திய மாணவி தேசிய அளவில் வெற்றி பெற்றதை மிகவும் பெருமையாக எண்ணிக் கொண்டதாக குறிப்பிட்டார். ஓவியத் துறையிலும் முன்னேற முடியும் என்பதற்கு தான் ஒரு சான்று என குறிப்பிட்ட லாவண்யா முரளி ஓவியத்துறை இந்திய மாணவர்களுக்கு கை வந்த கலையாக இருப்பதால் இத்துறையை இந்திய மாண வர்கள் புறக்கணித்து விடக் கூடாது எனவும் கேட்டுக் கொண்டார்.தன் தந்தை எஸ்.முரளி தாயார் சுஜாதா மேனன் ஆகியோருக்கு தான் எப்போதும் நன்றி கூற கடமைப்பட்டுள்ளதாக தெரி வித்த அவர், தனது பெற்றோரின் துணையின்றி ஊக்க மின்றி தான் வெற்றி பெற முடியாது எனவும் குறிப்பிட்டார். ஓவியத் துறையில் பட்டம் பெற வேண்டும் என்பது தனது லட்சியம் என குறிப்பிட்ட லாவண்யா முரளி தனது வெற்றியை பெற்றோருக்கும் இந்திய சமு தாயத்திற்கும் பகிர்ந்தளிப்பதாகவும் குறிப்பிட்டார்.இதனிடையே தனது மகளின் வெற்றியை பெருமையுடன் குறிப்பிட்ட ஜொகூர்பாரு அருள்மிகு இராஜமாரியம்மன் தேவஸ்தான பொருளாளருமான லாவண்யாவின் தந்தை எஸ்.முரளி மகளின் வளர்ச்சிக்கு தன் மனைவி சுஜாதா மேனன் பெரும் பங்காற்றியுள்ளதாக குறிப்பிட்டார். சிறு வயதிலேயே வரைவதில் காட்டி வந்த ஆர்வம் காரணமாக அத்துறையில் அவருக்கு தாங்கள் ஊக்கம் காட்டி வந்ததாக குறிப்பிட்ட எஸ்.முரளி நாட் டின் முதல் பிரதமர் துங்கு அப்துல் ரஹ்மானின் படத்தை வரைந்து போட்டிக்கு அனுப்பியதன் வழி இந்த வெற்றியை அவரால் பெற முடிந்ததாக குறிப் பிட்டார்.

பின்செல்

தலைப்புச் செய்திகள்

img
அரசியல்வாதிகளுக்கு இனிமேல் தூதர் பதவி கிடையாது

அரசியல் நியமனங்கள் எதுவும் இருக்கக் கூடாது

மேலும்
img
இந்திய உணவகத் தொழிலாளர்கள் பற்றாக்குறைக்கு விரைவில் தீர்வு.

செனட்டர் பொன்.வேதமூர்த்தி கூறினார்.

மேலும்
img
கெல்வின் தோட்தத் தமிழ்ப்பள்ளி ஆசிரியர் தனலெட்சுமி விபத்தில் பலி.

புரோட்டோன் சாகா காரில் வீட்டிற்கு திரும்பிக்

மேலும்
img
நஜீப் மீது வெ.230 கோடி ஊழல் குற்றச்சாட்டுகள். நஜீப்பின் தாயார் இல்லத்தில் திடீர் சோதனை.

இன்று வெள்ளிக்கிழமை பத்து லட்சம் வெள்ளியும்

மேலும்
img
700 காசோலைகளா? நஜீப் கைது. இன்று நீதிமன்றத்தில் குற்றஞ்சாட்டப்படுவார்.

எம்.ஏ.சி.சி. விசாரணைக்கு அழைக்கப்பட்டிருந்தார்.

மேலும்
  • Copyright 2015.Nanban.All rights reserved.
  • powered by img