சனி 16, பிப்ரவரி 2019  
img
img

வீடுகளை காலி செய்ய கட்டாயப் படுத்தாதீர்!
சனி 17 ஜூன் 2017 14:16:58

img

(பார்த்திபன் நாகராஜன் / ஆர். குணா) கோலாலம்பூர், 1000 சதுர அடியில் வீடு, 900 வெள்ளி வாடகை பணம் வழங்கப்படும் எனும் கூட்டர சுப் பிரதேச அமைச்சர் டத்தோஸ்ரீ தெங்கு அட்னானின் வாக்குறுதி காற்றில் பறந்ததா என்று ஜிஞ்சாங் செலாத்தான் தம்பஹான் மக்கள் நேற்று கேள்வி எழுப்பினர்.ஜிஞ்சாங் செலத்தான் தம்பஹான் லோட் 9714ல் மேம் பாட்டுத் திட்டங்கள் மேற்கொள்ளப்படுவதால் அப்பகுதியில் வாழும் மக்கள் தங்களின் வீடுகளை காலி செய்யப்பட வேண்டும். அப்படி வீடுகளை காலி செய்யப்படும் மக்களுக்கு 1000 சதுர அடியில் வீடுகள் வழங்கப் படும். அதே வேளையில் 900 வெள்ளி வாடகை பணமும் வழங்கப்படும். இப்படிப்பட்ட இழப்பீடுகள் வழங்கப்படும் பட்சத்தில் மக்கள் ஏன் வீடுகளை காலி செய்யவதற்கு எதிர்ப்பு தெரிவிக்கின்றனர் என்பது எனக் குப் புரியவில்லை என்று தெங்கு அட்னான் கூறியது கடந்த மே 22ஆம் தேதி செய்தியாக வெளி வந்துள்ளது. பாதிக்கப்படும் மக்களுக்கு 1,000 சதுர அடியில் வீடுகள் வழங்கப்படும் என்று அமைச்சரே அறிவித்திருக்கும் பட்சத்தில் 900 சதுர அடியில் தான் வீடுகள் கட்டித் தரப்படும் என மேம் பாட்டு நிறுவனம் கூறுவதில் என்ன நியாயம் உண்டு. அதே வேளையில் எவ்வளவு பெரிய வீடுகள் கிடைக்கப் போகிறது என் பது தெரியாத நிலையில் பொதுமக்கள் எப்படி வீடுகளை காலி செய்வார்கள் என்பது தான் தற்போதைய கேள்வியாகும். இருந்த போதிலும் வீடுகளை காலி செய்ய வேண்டும் என்று மேம்பாட்டு நிறுவனமும், கோலா லம்பூர் மாநகர் மன்றமும் மக் களை கட்டாயப்படுத்துவது அநாகரீகமாகும்.மக்கள் எதிர்நோக்கி வரும் இப்பாதிப்புகளை அடிப்படையா கக் கொண்டு 21 கேள்விகளை தயாரித்து அதை மகஜராக தயா ரித்து அமைச்சரின் பார்வைக்கு நாங்கள் வழங்கியுள்ளோம். பொதுமக்களில் இக்கேள்வி களுக்கு அமைச்சர் உடனடியாக பதில் தர வேண்டும் என்று ஜிஞ்சாங் செலாத்தான் தம்ப ஹான் சமூக மேம்பாட்டு சங்கத் தின் தலைவர் கருப்பையா செய்தியாளர்களிடம் கூறினார். 1,000 சதுர அடியில் வீடுகள் கட்டித் தரும் பட்சத்தில் தற் போதைய வீடுகளை காலி செய்ய மக்கள் தயாராக உள்ளனர். காலி செய்வதற்கு முன் பாதிக் கப்பட்ட மக்கள் அனை வரும் புதிய வீடுகளுக்கான எஸ்என்பி எனப்படும் ஒப்பந்த உடன்பாட்டில் கையெழுத்திட வேண்டும்.எந்தவொரு பத்திரங்களும் இல்லாமல் வீடுகளை காலி செய்து விட்டு கடந்த காலங் களை போல் ஏமாற நாங்கள் தயாராக இல்லை என்று ஜிஞ் சாங் செலாத்தான் தம்பஹான் நட வடிக்கை குழுவைச் சேர்ந்த பொன்னம்பலம் கூறினார்.

பின்செல்

தலைப்புச் செய்திகள்

img
செமினி தமிழ்ப்பள்ளி நில விவகாரம். இடைத்தேர்தலுக்கு முன்பு தீர்வு பிறக்குமா?

தயாராவதால் இந்திய வாக்காளர்களின் முழுமையான ஆதரவு

மேலும்
img
அபுதாபி பனிச்சறுக்குப் போட்டியில் ஸ்ரீ அபிராமிக்கு முதல் தங்கம்.

உலகின் முன்னணி விளையாட்டாளர்கள்

மேலும்
img
இந்தியர்களுக்கான பெம்பான் நிலத்திட்ட விவரங்கள் எனக்குத் தெரியாது. பேரா மந்திரி புசார் கைவிரிப்பு.

மந்திரி புசார் டத்தோஸ்ரீ அமாட் பைஸால்

மேலும்
img
எம்.எச்.370: கைப்பேசியில் அழைத்த அந்த மர்ம நபர்.

என்ற சந்தேகத்தையும் இது அப்போது எழுப்பியது.

மேலும்
img
பாம்புகளுடன் குடித்தனம். பூச்சோங் வவாசான் அடுக்குமாடியில் 500 குடும்பங்கள் அவதி.

இவர்கள் தங்கள் குடியிருப்புகளைப் பராமரிப்பதற்காக

மேலும்
  • Copyright 2015.Nanban.All rights reserved.
  • powered by img