செவ்வாய் 23, ஏப்ரல் 2019  
img
img

வேறு வேட்பாளர்கள் இல்லையென்றால் பிரதமராக வர நான் தயார்
வியாழன் 08 ஜூன் 2017 12:25:37

img

பெட்டாலிங் ஜெயா பிரதமர் பதவிக்கு வேறு எவரும் கண்ணில் படாத நிலையில் ஒருமித்த கருத்து உருவாகினால், சிறிது காலத்திற்கு அப்பதவியை மீண்டும் ஏற்பது குறித்து தான் பரிசீலிக்கத் தயார் என்று துன் டாக்டர் மகாதீர் முகமட் கூறுகிறார்.அடுத்த பொதுத் தேர்தலில் எதிர்க்கட்சி வெற்றி பெற்றால் பிரதமர் பதவிக்கு தான் மீண்டும் வருவதற்கு சாத்தியம் உண்டு என்று பார்ட்டி பிரிபூமி பெர்சத்து மலேசியா அவைத் தலைவர் டாக்டர் மகாதீர் கூறியதாக நிக்கே ஆசியன் ரிவியூ நேற்று முன்தினம் பிரசுரித்த ஒரு செய்தி கூறிற்று. வேட்பாளர் வேறு யாரும் இல்லை என்றால் நான் முயற்சி செய்யலாம். ஆனால் இதற்கு அனைவரும் இணக்கம் தெரிவித்தால் மட்டுமே என்றார் அவர். எனினும் தேர்தல்களில் வெற்றி பெறும் அனுபவம் தனக்கு அதிகம் இருப்பதால், எதிர்க்கட்சியை வெற்றி இலக்கை நோக்கி வழி நடத்திச் செல்வதிலேயே தனது கவனம் இப்போது இருப்பதாக டாக்டர் மகாதீர் வலியுறுத்தினார். தான் பிரதமராக பதவி வகித்த காலத்தில் தனது அதிகாரத்தை துஷ்பிரயோகம் செய்தது இல்லை என்றும் அந்த முன்னாள் பிரதமர் தெரிவித்தார். பிரதமர் பெரும் அதிகாரமிக்கவர். நானும் அதிகாரம் உள்ளவனாக இருந்தேன். ஆனால் என் அதிகாரத்தை நான் தவறாக பயன்படுத்தியது இல்லை. ஐந்து முறை நான் பிரதமராக தேர்ந்தெடுக்கப்பட்டேன் என்று அவர் மேலும் கூறினார். ஆசியாவின் எதிர்காலம் மீதான 23ஆவது அனைத்துலக மாநாட்டில் கலந்து கொள்வதற்காக டாக்டர் மகாதீர் நேற்று முன்தினம் தோக்கியோ சென்றார். ஆசிய அரசியல் தலைவர்களுக்கான ஒரு கருத்தரங்காகும் இது.

பின்செல்

தலைப்புச் செய்திகள்

img
முதல் முறையாக தலைமை நீதிபதியாக ஒரு பெண்

ஒருவர் தெங்கு மைமூன். 2006 ஆம்

மேலும்
img
அந்நிய தொழிலாளர்கள் விவகாரம்: அமைச்சர் குலாவின் வாக்குறுதி என்னவாயிற்று.

தலைவர் டத்தோ அப்துல் ரசூல் நேற்று

மேலும்
img
2,200 இடங்கள், 700 ஆகக் குறைப்பு: இந்தியர்களின் வாய்ப்பைக் பறித்தது ஏன்?

700 இடங்களை மட்டுமே தற்போது வழங்கியிருப்பது

மேலும்
img
நஜீப் வழக்கு திங்கட்கிழமைக்கு ஒத்திவைப்பு. வெ.10.7 மில்லியன் காசோலை. விவரங்கள் அம்பலம்.

ஐந்தாவது நாளாக தொடர்ந்து விறுவிறுப்பாக

மேலும்
img
மெட்ரிகுலோசன் விவகாரம்: இந்திய மாணவர்களுக்கு 700 இடங்கள் மட்டுமா?

மலேசிய நண்பனின் தொடர்ச்சியான

மேலும்
  • Copyright 2015.Nanban.All rights reserved.
  • powered by img