ஞாயிறு 18, நவம்பர் 2018  
img
img

தினகரனுக்கு எம்.எல்.ஏக்கள்- எடப்பாடிக்கு அமைச்சர்கள் ஆதரவு-
ஞாயிறு 04 ஜூன் 2017 16:24:13

img

சென்னை நமது எம்ஜிஆர் நாளிதழை விமர்சித்த அமைச்சர் ஜெயகுமாருக்கு எம்.எல்.ஏ. வெற்றிவேல் கடும் எதிர்ப்புக் காட்டியுள்ளார். இது அதிமுக வட்டாரத்தில் பரபரப்பை ஏற்படுத்தியுள்ளது. அ.தி.மு.க.வின் அதிகாரப் பூர்வ நாளேடான நமது எம்.ஜி.ஆரில் மத்திய அரசுக்கு எதிராகவும் மோடியை கடுமையாக விமர்சித்தும் வெளியாகி இருக்கும் கருத்துக்களுக்கும், அ.தி.மு.க.வுக்கும் எந்தத் தொடர்பும் இல்லை. அது ஒரு பத்திரிகையின் கருத்து தான் என்று நிதி அமைச்சர் ஜெயக்குமார் தெரிவித்திருந்தார். அதே நேரத்தில் சிறையில் இருந்து விடுதலையானபிறகும் டி.டி.வி. தினகரனை சந்திக்கும் திட்டம் எதுவும் இல்லை. எடப்பாடி பழனிசாமி அரசை அவர் இயக்குவதாக கூறுவதும் தவறு என்றும் ஜெயக்குமார் கூறி யிருந்தார். இதற்கு டி.டி.வி.தினகரன் ஆதரவாளரான வெற்றிவேல் எம்.எல்.ஏ. கடும் கண்டனம் தெரிவித்துள்ளார். இது தொடர்பாக அவர் கூறுகையில், அ.தி.மு.க.வின் அதிகாரப் பூர்வ நாளேடான நமது எம்.ஜி.ஆரில் வெளிவந்துள்ள கருத்துக்கள் அ.தி.மு.க.வின் கருத்துக்கள் இல்லை என்று கூறுவதற்கு ஜெயக்குமார் யார்? ஜெயக்குமார் கட்சி பதவிக்கு வந்த போதும், எம்.எல்.ஏ.வாக தேர்வு செய்யப்பட்டபோதும், அமைச்சராக அறிவிக்கப்பட்ட போதும், நமது எம்.ஜி.ஆரில் தான் அவரது பெயர் முதலில் இடம் பெற்றிருந்தது. இதனை ஜெயக்குமார் மறுப்பாரா? தினகரன் பற்றியும் ஜெயக்குமார் சில கருத்துக்களை கூறியுள்ளார். அதுவும் கண்டிக்கத்தக்கது. அ.தி.மு.க. பொதுச் செயலாளராக சசிகலாவே நீடிக்கிறார். துணை பொதுச் செயலாளரான டி.டி.வி.தினகரன் தற்போது சிறையில் இருந்து விடுதலையாகி கட்சி பணியை தொடங்க உள்ளார். கட்சியை அவர்தான் வழி நடத்தி செல்வார். அவரது தலைமையில் தான் அ.தி.மு.க.வினர் அணி வகுப்பார்கள். எங் களிடம் தற்போது வேறு எந்த திட்டமும் இல்லை. எடப்பாடி பழனிசாமி தலைமையில் ஆட்சி நடைபெறும். ஆனால் கட்சியின் தலைமை பொறுப்பை தின கரனே ஏற்று நடத்துவார். இதில் எந்த மாற்றமும் இல்லை. தற்போது டெல்லியில் எம்.எல்.ஏ.க்கள், எம்.பி.க் கள் அவரை சந்தித்து பேசியுள்ளனர். சென்னையில் மேலும் பல முன்னணி நிர்வாகிகளும், எம்.எல். ஏ.க்களும் சந்திக்க தயாராக உள்ளனர். டி.டி.வி.தினகரன் தலைமையில் அ.தி.மு.க. மேலும் வலுப்பெறும்." என்று கூறியுள்ளார். அதிமுக எம்.எல்.ஏ. வெற்றிவேலின் மன நிலையில்தான் அமைச்சர்கள் சிலரைத் தவிர எல்லோரும் தினகரன் ஆதரவில் இருக்கிறார்கள். அதனால் ஜெயக்குமார் போன்று தினகரனுக்கு எதிராகப் பேசிய அமைச்சர்கள் உதறலில் இருக்கிறார்கள். தினகரனை விமர்சித்த அமைச்சர்களை மற்றும் முடிவில் தினகரன் இருக்கிறார் என்றும், அதற்கான முன்னோட்டமே வெற்றிவேல் கண்டனம் என்றும் அதிமுகவில் பரபரப்பாகப் பேசப்பட்டு வருகிறது. சசிகலாவை தினகரன் சந்தித்த பிறகு அமைச்சரவை மாற்றம் வரும் என்றும் கூறப்படுகிறது.

பின்செல்

இந்தியச் செய்திகள்

img
கஜா புயல் சேதங்களை மதிப்பிட்டு காலதாமதம் இன்றி இழப்பீடு வழங்க வேண்டும் - வைகோ வலியுறுத்தல்

பேரிடர் மேலாண்மைக் குழுவினர் இரவு

மேலும்
img
கஜா புயலுக்கு இதுவரை 33 பேர் பலி - முதல்வர்

1,216 கோழிகள், 140 வெள்ளாடுகள், 30 மான்கள்

மேலும்
img
தமிழகத்தில் 20 தொகுதி இடைத்தேர்தலுக்கு பின்னர் ஆட்சி மாற்றம் - கனிமொழி எம்பி 

தமிழகத்தில் புயலால் பல மாவட்டங்கள்

மேலும்
img
ரூ.158.5 கோடி மதிப்பிலான கூட்டு குடிநீர் திட்டத்தை தொடங்கி வைத்தார் முதலமைச்சர் பழனிசாமி

திட்டத்துக்காக குடிநீர் சுத்திகரிப்பு நிலையம்

மேலும்
img
7 பேரா? எந்த 7 பேர்..களத்திற்கும் வருவதில்லை, அரசியலை கவனிப்பதும் இல்லை,

உள்ள தனது இல்லத்தில் ரஜினிகாந்த்

மேலும்
  • Copyright 2015.Nanban.All rights reserved.
  • powered by img