வெள்ளி 18, ஜனவரி 2019  
img
img

தஞ்சோங் மாலிம் ரயில் நிலையத்தில் மின்தூக்கி இல்லாததால் பயணிகள் அவதி
ஞாயிறு 04 ஜூன் 2017 14:59:26

img

தஞ்சோங் மாலிம் தஞ்சோங் மாலிம் ரயில் நிலையத்தில் இரண்டாவது பிளாட்பாரம் செல்வதற்கு மின்தூக்கி இல்லாததால் பயணிகள் உயரமான படிகளில் ஏறிச்செல்ல வேண்டிய அவலநிலை ஏற்பட்டுள்ளதாக பத்திரிகை வியாபாரி கனி அப்துல்லா தெரிவித்தார். அன்றாடம் பயணிகள் உயரமான படிகளில் சிரமப்பட்டு ஏறிச் செல்வதைக் காண பரிதாபமாக இருப்பதாகக் கூறினார். தஞ்சோங் மாலிமிலிருந்து ரவாங் அல்லது செண்ட்ரல் ரயில் நிலையம் செல்லும் பயணிகள் குறிப்பாக முதியோர்கள் மிகவும் கஷ்டப்பட்டு படிகளில் ஏறிச் செல்லும் நிலைமையை அன்றாடம் காணமுடிகின்றது என டாக்சி ஓட்டுநர் மெய்யப்பன் கூறுகிறார். சில சமயங்களில் டாக்சிகளில் பயணிக்கும் பயணிகளை டாக்சி ஓட்டுநர்களே கைத்தாங்கலக அழைத்துச் சென்று மறு பிளாட்பாரத்தில் விட்டு விட்டு வருவதாகவும் கூறினார். எல்.ஆர்.டி ரயில் மூலம் ரவாங் செல்லும் வேளைகளில், பெட்டி களை உடன் கொண்டு வரும் பயணிகள் படிகளில் ஏறிச்செல்ல மிகவும் சிரமப் படுவதை கண் கூடாகக் பார்த்ததாக அடிக்கடி ரயில் சேவையை பயன் படுத்தும் பாடசாலை பணியாளர் நடராஜனும் பாதுகாவலர் ராஜேந்திரனும் கூறுகின்றனர். பல வேளைகளில் அவர்கள் பெட்டிகளைத் தூக்க சிரமப்படும் பயணிகளுக்கு உதவுவதாகவும் தெரிவித்தனர். தஞ்சோங் ரயில் நிலையத்தில் அன்றாடம் நூற்றுக் கணக்கான பயணிகள் ரயில் சேவையை பயன்படுத்தி வருவதாக வாகன விற்பனையாளர் மதுரை வீரன் கூறுகிறார். எல்.ஆர்.டி. சேவை தலைநகரிலிருந்து தஞ்சோங்மா லிம் பட்டணம் வரை மட்டுமே வழங்கப் படுவதால் பேராங், பேராங் ஸ்டேஷன், பெல்டா குடியேற்றத் திட்டம் போன்ற பகுதிகளிலிருந்து பயணிகள் பணியிடங்களுக்குச் செல்வதற்கு ரயில் சேவையை பயன்படுத்துகின்றனர். ஒரு பெரிய ரயில் நிலையமாக கருதப்படும் தஞ்சோங் மாலிம் ரயில் நிலையத் தில் மின்தூக்கி வசதி இல்லாதது பெரும் குறையாகவே கருதப்படுவதாக அவர் தெரிவித்தார். பயணிகளின் பாதுகாப்பிற்கும் நலனுக்கும் முன்னுரிமைக் கொடுப்பதாகக் கூறும் மலேசிய ரயில் நிறுவனம் தஞ்சோங் மாலிம் ரயில் நிலையத்தில் மின் தூக்கி வசதியைப் பொருத்துவது பயணிகளுக்கு வழங்கும் முக்கிய சேவையாக கருதப்படும் என பொதுமக்கள் எதிர்பார்க்கிறார்கள்.

பின்செல்

தலைப்புச் செய்திகள்

img
டத்தோஸ்ரீ ஆ. தெய்வீகனின் பெயர் சாலைக்கு சூட்டப்பட்டுள்ளது.

போலீஸ் துறையில் சிறந்த சேவையை வழங்கியுள்ள

மேலும்
img
பினாங்கு மாநிலத்தின் புதிய போலீஸ்படைத் தலைவராக டத்தோ நரேன் சேகரன் பதவியேற்பு

பினாங்கு மாநில போலீஸ் படை தலைவராக

மேலும்
img
முடிவில் மாற்றமில்லை. தண்ணீர் விலை அதிகரிக்கும்.- அமைச்சர் டாக்டர் சேவியர் ஜெயகுமார்

தண்ணீர் கட்டண அதிகரிப்புக்கு பெரும்பாலான

மேலும்
img
மாற்றுத்திறனாளிகள் முருகனை தரிசிக்க மலை உச்சிக்குத் தூக்கிச் சென்ற உதவும் கரங்கள்.

அது மாற்றுத்திறனாளிகளுக்கும் பொருந்தும்

மேலும்
img
தைப்பொங்கல் வைக்க உகந்த நேரம் எது? இந்துசங்கம் விளக்கம்.

அன்றைய தினம் ஆலயங்களில் விசேஷ பூஜை வழிபாடுகள்

மேலும்
  • Copyright 2015.Nanban.All rights reserved.
  • powered by img