சனி 22, செப்டம்பர் 2018  
img
img

லாரணியாவின் தந்தையை விடுவியுங்கள்.
புதன் 31 மே 2017 15:34:22

img

நான்கு வயது சிறுமி லாரணியாவின் மரணத்தில் மர்மம் நீடித்து வரும் நிலையில், அவரின் தந்தை வி.வில்பெர்ட் தடுப்புக் காவல் நீட்டிக்கப்படாமல் விடு விக்கப்பட வேண்டும் என்று சிறுமியின் குடும்பத்தினர் கோரிக்கை விடுத்துள்ளனர். வில்பெர்ட், கடந்த இரண்டு ஆண்டுகளாக குற்றத்தடுப்பு சட் டத்தின் (பொக்கா) கீழ் பொக்கோக் செனாவில் தடுத்து வைக்கப்பட்டுள்ளார். அவர் ஜூன் 28ஆம் தேதி விடுவிக்கப் பட வேண்டும். ஆனால், அவரின் சகாக்கள் பலரின் தடுப்புக்காவல் நீட்டிக்கப்பட்டிருப்பதால் அவருடைய தடுப்புக் காவலும் நீட்டிக்கப்படலாம் என நாங்கள் அஞ்சுகிறோம் என்று நம்பிக்கை மலேசியா இயக்கம் கூறிற்று. சுஹாகாம் ஆணையர் ஜெரால்ட் ஜோசப்பிடம் மகஜர் ஒன்றை ஒப்படைப்பதற்கு முன்னர் அந்த இயக்கத்தின் தலைவர் இதை தெரிவித்தார். இந்தப் பிரச்சினையை உள்துறை அமைச்சிடம் நாங்கள் எழுப்பி இருக்கிறோம். அவர் மனிதாபிமான அடிப்படையில் விடுவிக்கப்பட வேண்டும் என நாங் கள் கோருகிறோம். இதற்கு முன்னர் லாரணியாவின் இறுதிச் சடங்கில் கலந்து கொள்வதற்காக வில்பெர்ட் கைவிலங்கிடப்பட்ட நிலையில் ஒரு மணி நேரம் வெளியே அனுமதிக்கப்பட்டார் என்றார் அவர். குண்டர் கும்பல் நடவடிக்கை களில் ஈடுபட்ட குற்றச்சாட்டின் பேரில் பொக்கா சட்டத்தின் கீழ் வில்பெர்ட் தடுத்து வைக்கப்பட்டுள்ளார்.மகளின் இறுதிச் சடங்கில் கலந்து கொண்ட பின்னர் அவர் உணர்வுப்பூர்வமாக பாதிக்கப்பட்டுள்ளார். சுஹாகாம் மருத்துவ பரிசோதனை நடத்த வேண்டும். அவர் மன அழுத்தத்திற்கு ஆளாகியுள்ளார். அவர் தொடர்ந்து தடுப்புக் காவலில் வைக்கப்பட் டிருந்தால் ஏதாவது நேர்ந்துவிடும் என்று அவர் மேலும் கூறினார். லாரணியாவின் குடும்ப உறுப்பினர்கள் சுஹாகாமின் உதவியை நாடி இருப்பது இது இரண்டாவது முறையாகும். லாரணியாவின் மரணம் குறித்து தான் விசாரணை நடத்தப் போவதாக கடந்த மார்ச் மாத இறுதியில் சுஹாகாம் வாக்குறுதி அளித்து இருந்தது. லாரணியா கடந்த மார்ச் 20ஆம் தேதி துவாங்கு அம்புவான் ரஹிமா மருத்துவமனைக்கு கொண்டு வரப்படுவதற்கு ஒரு மணி நேரத்திற்கு முன்னதாக இறந்துவிட்டதாக மருத்துவமனை கூறியதைத் தொடர்ந்து அந்த சிறுமியின் மரணம் குறித்து புலன் விசாரணை செய்யும்படி சுஹாகாமிற்கு கோரிக்கை விடுக்கப்பட்டது. மருத்துவமனை யின் இந்த கூற்றை லாரணியாவின் தாயார் பிரேம்ஸ்ரீ மறுத்தார்.

பின்செல்

தலைப்புச் செய்திகள்

img
கெல்வின் தோட்தத் தமிழ்ப்பள்ளி ஆசிரியர் தனலெட்சுமி விபத்தில் பலி.

புரோட்டோன் சாகா காரில் வீட்டிற்கு திரும்பிக்

மேலும்
img
நஜீப் மீது வெ.230 கோடி ஊழல் குற்றச்சாட்டுகள். நஜீப்பின் தாயார் இல்லத்தில் திடீர் சோதனை.

இன்று வெள்ளிக்கிழமை பத்து லட்சம் வெள்ளியும்

மேலும்
img
700 காசோலைகளா? நஜீப் கைது. இன்று நீதிமன்றத்தில் குற்றஞ்சாட்டப்படுவார்.

எம்.ஏ.சி.சி. விசாரணைக்கு அழைக்கப்பட்டிருந்தார்.

மேலும்
img
விஷத்தன்மையிலான மதுபானம். மரண எண்ணிக்கை 23 ஆக உயர்வு. மதுபானக் கடைகளில் அதிரடிச் சோதனை.

அஞ்சப்படும் வேளையில் சம்பந்தப்பட்ட வகையைச்

மேலும்
img
தலைவராவதற்கு எனக்கு வயதாகி விட்டதா? நிராகரித்தார் அன்வார்.

என்னை குற்றங்குறை காணும் சுபாவம் படைத்தவனாகவும்

மேலும்
  • Copyright 2015.Nanban.All rights reserved.
  • powered by img