வெள்ளி 18, ஜனவரி 2019  
img
img

வெற்றி வாய்ப்பை இழந்தார் அகிலன் தாணி!
வெள்ளி 26 மே 2017 21:05:10

img

சிங்கப்பூர் அனைத்துலக வெல்டர்வெயிட் சாம்பியன் பட்டத்திற்கான போட்டியில் கடுமையான போராட்டங்களுக்கு மத்தியில் மலேசிய வீரர் அகிலன் தாணி வெற்றி வாய்ப்பை இழந்தார்.(Mixed Martial Arts) எனப்படும் கலப்பு தற்காப்புக் கலைப் போட்டியின் அனைத்துலக வெல்டர்வெயிட் சாம்பியன் பட் டத்திற்கான போட்டி இன்று சிங்கப்பூர் உள்ளரங்கில் நடைபெற்றது. செந்தூலைச் சேர்ந்த அகிலன் தாணி பல சிரமங்களுக்கு மத்தியில் இப்போட்டிக்கு முன்னேறினார்.இப்போட்டியில் 22 வயதான அகிலன் தாணி, 32 வய தான அமெரிக்காவின் பென் அஸ்க்ரென்னுடன் மோதினார்.15 முறை சாம்பியன் பட்டத்தை வென்றுள்ள பென் அஸ்க்ரென்னுக்கு மிகப் பெரிய சவாலாக அகிலன் தாணி விளங்கினார். இவ்வேளையில் சாம்பியன் பட்டத்திற்கான போட்டியில் அகிலன் தாணிக்கும், பென் அஸ்க்ரென்னுக்கும் கடுமையான போட்டி நிலவியது.இருந்த போதி லும் பென் அஸ்க்ரென்னின் தாக்குதலுக்கு ஈடுகொடுக்க முடியாத அகிலன் தாணி முதல் சுற்றிலேயே கடுமையான போராட்டங்களுக்கு மத்தியில் வெற்றி வாய்ப்பை இழந்தார். இதனிடையே அகிலன் தாணி மலேசியாவை தவிர்த்து பல நாடுகளில் நடைபெற்ற கலப்பு தற்காப்புக் கலைப் போட்டிகளில் கலந்து கொண்டு அதன் வழி கிடைத்த வெற்றிகளை தொடர்ந்து தற்போது அனைத்துலக வெல்டர்வெயிட் சாம்பியன் போட்டிக்கு முன்னேறியுள்ளார். சிங்கப்பூரை மையமாக கொண்டு செயல்படும் எம்எம்ஏ அமைப்பின் ஏற்பாட்டிலான ஒன் ஃபைட் போட்டிகளில் பங்கேற்ற அதேவேளையில் அமெரிக்கா, தாய்லாந்து மற்றும் வியட்நாம் ஆகிய நாடுகளில் தொடர்ந்து பயிற்சிகளையும் அவர் பெற்று வந்தார்.இதுவரை அகிலன் 7 வெற்றிகளை நிலைநாட்டியுள் ளார். இதில் மூன்று நாக்-அவுட் வெற்றிகளாக அமைந்தது. இப்போட்டியில் சாம்பியன் பட்டத்தை வெல்ல முடியாமல் போனாலும் அகிலன் தாணிக்கு இதுவொரு சிறந்த அனுபவமாக அமைந்துள்ளது என்பது குறிப்பிடத்தக்கது.இதனிடையே போட்டிக்கு பின் பென் அஸ்க்ரென் செய்தியாளர்களிடம் பேசினார்.அப்போது அகிலன் தாணியின் முயற்சிகளை பாராட்டிய பென், அகிலனுக்கு சிறு வயது தான். அவரும் சாம்பியன் பட்டத்தை வெல்வதற்கு வாய்ப்பு பிரகாசமாக உள்ளது என்று கூறினார்.

பின்செல்

தலைப்புச் செய்திகள்

img
டத்தோஸ்ரீ ஆ. தெய்வீகனின் பெயர் சாலைக்கு சூட்டப்பட்டுள்ளது.

போலீஸ் துறையில் சிறந்த சேவையை வழங்கியுள்ள

மேலும்
img
பினாங்கு மாநிலத்தின் புதிய போலீஸ்படைத் தலைவராக டத்தோ நரேன் சேகரன் பதவியேற்பு

பினாங்கு மாநில போலீஸ் படை தலைவராக

மேலும்
img
முடிவில் மாற்றமில்லை. தண்ணீர் விலை அதிகரிக்கும்.- அமைச்சர் டாக்டர் சேவியர் ஜெயகுமார்

தண்ணீர் கட்டண அதிகரிப்புக்கு பெரும்பாலான

மேலும்
img
மாற்றுத்திறனாளிகள் முருகனை தரிசிக்க மலை உச்சிக்குத் தூக்கிச் சென்ற உதவும் கரங்கள்.

அது மாற்றுத்திறனாளிகளுக்கும் பொருந்தும்

மேலும்
img
தைப்பொங்கல் வைக்க உகந்த நேரம் எது? இந்துசங்கம் விளக்கம்.

அன்றைய தினம் ஆலயங்களில் விசேஷ பூஜை வழிபாடுகள்

மேலும்
  • Copyright 2015.Nanban.All rights reserved.
  • powered by img