வியாழன் 15, நவம்பர் 2018  
img
img

ரஜினி சம்பாதிக்கட்டும்; நாங்க நாட்டை ஆள்கிறோம்!
செவ்வாய் 23 மே 2017 17:37:57

img

'ரஜினிகாந்த், நடித்து சம்பாதித்துவிட்டுச் செல்லட்டும்; நாட்டை ஆள எங்களுக்கே உரிமை உள்ளது' என்று நாம் தமிழர் கட்சியின் ஒருங்கிணைப்பாளர் சீமான் கூறினார். ரசிகர்கள் சந்திப்பில், ரஜினி பேசிய அரசியல் கருத்துகள்தான் ஹாட் நியூஸ். தமிழக அரசியல் சூழ்நிலை, அமைப்பு சரியில்லை என்றார். மேலும், ஸ்டாலின், அன்புமணி ராமதாஸ், சீமான் ஆகியோரைப் பாராட்டினார். ரஜினியின் இந்தப் பேச்சுக்கு, ஆதரவும் எதிர்ப்பும் தெரிவிக்கப் பட்டுவருகிறது. இந்த நிலையில், பேரரசர் பெரும்பிடுகு முத்தரையரின் 1,342ஆம் ஆண்டு சதயவிழாவை முன்னிட்டு, திருச்சி ஒத்தக்கடைப் பகுதியில் உள்ள அவரின் சிலைக்கு, நாம் தமிழர் கட்சியின் தலைமை ஒருங்கிணைப்பாளர் சீமான் இன்று மாலை அணிவித்து மரியாதை செலுத்தினார். பின்னர் செய்தியாளர்களிடம் பேசிய அவர், "வந்தவங்க எல்லாம் இங்க நாட்டை ஆள முடியாது. நடிக்க வந்தா, நடிச்சி சம்பாதிச்சிட்டுப் போங்க. அதை விட்டுட்டு ஆளணும்னு நினைக்காதீங்க. இந்த நாட்டை எங்களுக்கு ஆளத் தெரியும். ஏற்கெனவே நடிக்க வந்தவங்கள ஆளவிட்டுட்டோம். அதே தவற்றை மீண்டும் செய்யத் தயாராக இல்லை" என்றார். இது, ஜனநாயக நாடு இல்லையா?’ எனப் பத்திரிகையாளர்கள் கேட்டதற்கு, "இந்த நாட்டைப் பற்றி என்ன தெரியும், எங்க இனத்தின் வரலாறு, பெருமை என்ன தெரியும் உங்களுக்கு? காவிரிப் பிரச்னையில் தமிழ்நாடே போராடியபோது, எங்க போய்த் தூங்கினீங்க? இப்போ நான் பச்சைத் தமிழன் என வசனம் பேசி ஏமாற்ற முடியாது. எங்க ஊரில் இருந்து மகாராஷ்டிராவில் பல நூறு வருடமாக எம் மக்கள் வாழ்கிறார்கள். அவங்க, பச்சை மகாராஷ்டிரர் எனச் சொல்ல முடியுமா? எங்களுக்கு, தமிழ்நாட்டை ஆளத் தெரியும். நீங்க உங்க வேலையைப் பாருங்கள்" என்றார்.

பின்செல்

இந்தியச் செய்திகள்

img
7 பேரா? எந்த 7 பேர்..களத்திற்கும் வருவதில்லை, அரசியலை கவனிப்பதும் இல்லை,

உள்ள தனது இல்லத்தில் ரஜினிகாந்த்

மேலும்
img
நான் சென்சார் போர்டு கிடையாது’- அமைச்சர் ஜெயக்குமார்

இதே ரஜினிகாந்த் நேற்றைய செய்தியாளர்கள்

மேலும்
img
அ.தி.மு.க. ஆலோசனை கூட்டத்தில் அமைச்சர் முன்பு அடிதடி - நாற்காலிகள் பறந்தன!

கூட்டத்தை ஆத்தூர் ஒன்றிய அண்ணா

மேலும்
img
நிறுத்திக் கொள்ளுங்கள் என மக்கள் சொல்லுகின்ற வரைக்கும் தொடரும்’-அமைச்சர் காமராஜ் பேச்சு

திருவாரூரில் அதிமுக செயல்வீரர்கள்

மேலும்
img
சர்ச்சை கேக் வெட்டி சக்ஸஸ் பார்ட்டி கொண்டாடிய சர்கார்

படத்தில் இலவசமாக வழங்கப்பட்ட மிக்ஸி,

மேலும்
  • Copyright 2015.Nanban.All rights reserved.
  • powered by img