ஞாயிறு 23, செப்டம்பர் 2018  
img
img

மலேசியாவில் கபாலி 2 தயாரிக்க அனுமதிக்கப்படக் கூடாது!
வியாழன் 27 ஏப்ரல் 2017 12:59:01

img

சூப்பர் ஸ்டார் ரஜினிகாந்த் நடிக்கவிருக்கும் கபாலி திரைப்படத்தின் இரண்டாம் பாகம் மலேசியாவில் படமாக்கப்பட அனுமதிக்கப் படக் கூடாது என்று ஜசெக சட்ட மன்ற உறுப்பினர் ஒருவர் நேற்று கூறினார். கபாலி படத்தின் இரண்டாம் பாகத்தின் படப்பிடிப்பை மலேசியாவில் நடத்த ரஜினிகாந்த்துக்கு பிரதமர் டத்தோஸ்ரீ நஜீப் துன் அப்துல் ரசாக் விடுத்திருக்கும் அழைப்பை அரசாங்கம் மறு பரிசீலனை செய்ய வேண்டும் என்று ஆர்.எஸ்.என்.ராயர் கூறினார். அண்மையில் இந்தியாவிற்கு பயணம் மேற்கொண்டிருந்த பிரதமர் நஜீப், அப்படத்தின் இரண்டாம் பாகத்தை மலேசியாவில் படமாக்கும்படி ரஜினிகாந்தை கேட்டுக் கொண்டார்.அந்தப் படம் நல்லதைவிட தீங்கையே கூடுதலாக விளைவித்து இருப்பதாக ஸ்ரீ டெலிமா (பினாங்கு) சட்டமன்ற உறுப்பினர் ராயர் கூறினார். மாறாக, அரசாங்கம் உள்நாட்டு இந்திய திரைப்படத் துறைக்கு ஊக்கமளிக்க வேண்டும் என்றும் உள்நாட்டு இந்திய இயக்குநர்களையும் கலைஞர்களையும் ஆதரிக்க வேண்டும் என்றும் அவர் கேட்டுக் கொண்டார். ஒற்றுமை, மரியாதை, கலாச்சார பன்முகத்தன்மை, பெரியோர்களை மதித்தல் போன்ற நற் பண்புகளை ஊக்கு விக்கக்கூடிய உள்நாட்டு இந்திய திரைப்படங்களின் தயாரிப்புக்கு ஆதரவு வழங்கும்படி ராயர் தெரிவித்தார். இந்திய இளைஞர்கள் குண்டர் கும்பல்களில் சேர கபாலி படம் ஊக்குவித்திருப்பதாகக் கூறிய அவர், இது கபாலி கலாச்சாரம் என வருணித்தார்.பள்ளி மாணவர்கள் குண்டர் கும்பல்களில் சேருவது இப்போது ஒரு பழக்கமாக வந்துவிட்டதாக அவர் கூறினார். கிள்ளானில் கடந்த வாரம் ஒரு பள்ளியில் நிகழ்ந்த ஒரு சம்பவம் கபாலி கலாச்சாரத்தின் ஒரு வெளிப்பாடே என்றார் அவர். கபாலி ஒரு வெற்றிகரமான படம் என்ற போதிலும், சமூகத்தில் அனைத்துவிதமான எதிர்மறையான கூறுகளையும் அதிர்ச்சியை ஏற்படுத்தும் வகையில் உருவாக்கி இருப்பதாக ராயர் கூறினார். வன்செயல், குண்டர்தனம், கொலை, போதைப் பொருள் வியாபாரம் போன்றவை இதில் அடங்கும் என்றார் அவர்.

பின்செல்

தலைப்புச் செய்திகள்

img
அரசியல்வாதிகளுக்கு இனிமேல் தூதர் பதவி கிடையாது

அரசியல் நியமனங்கள் எதுவும் இருக்கக் கூடாது

மேலும்
img
இந்திய உணவகத் தொழிலாளர்கள் பற்றாக்குறைக்கு விரைவில் தீர்வு.

செனட்டர் பொன்.வேதமூர்த்தி கூறினார்.

மேலும்
img
கெல்வின் தோட்தத் தமிழ்ப்பள்ளி ஆசிரியர் தனலெட்சுமி விபத்தில் பலி.

புரோட்டோன் சாகா காரில் வீட்டிற்கு திரும்பிக்

மேலும்
img
நஜீப் மீது வெ.230 கோடி ஊழல் குற்றச்சாட்டுகள். நஜீப்பின் தாயார் இல்லத்தில் திடீர் சோதனை.

இன்று வெள்ளிக்கிழமை பத்து லட்சம் வெள்ளியும்

மேலும்
img
700 காசோலைகளா? நஜீப் கைது. இன்று நீதிமன்றத்தில் குற்றஞ்சாட்டப்படுவார்.

எம்.ஏ.சி.சி. விசாரணைக்கு அழைக்கப்பட்டிருந்தார்.

மேலும்
  • Copyright 2015.Nanban.All rights reserved.
  • powered by img