img
img

ரயில் முன் பாய்ந்து காவலர் தற்கொலை: தொடரும் அரசு ஊழியர்களின் தற்கொலைகள்
செவ்வாய் 28 ஏப்ரல் 2015 00:00:00

img
ராமநாதபுரம் அருகே ரயில் முன் பாய்ந்து காவலர் ரகுவரன் தற்கொலை செய்து கொண் டார். திருவாடானை பாரூர் பகுதியைச் சேர்ந்தவர் குணசேகரன். இவரது மகன் ரகுவரன் . இவருக்கு வயது 26. இவர் ராமநாதபுரம் ஆயுதப்படை பிரிவில் காவலராகப் பணியில் சேர்ந்தார். இதைத் தெடர்ந்து, ராமநாதபுரம் ஆயுதப்படை பிரிவு காவல்துறை குடியிருப்பில் தனது அக்காவுடன் வசித்து வந்தார். இந்நிலையில் உடல் நலக்குறைவு காரணமாக கடந்த சில நாட்களுக்கு முன்னர் ரகுவரன் மருத்துவ விடுப்பு எடுத்ததிருந்ததாகக் கூறப்படுகிறது. இந்த விடுமுறை கடந்த 7.3.2015 அன்று முடிவடைந்தது. இதைத் தொடர்ந்து, விடுப்பு தொடர்பாக மருத்துவ அறிக்கை எதுவும் கொடுக்காமலும், பணிக்கு செல்லாமலும் தொடர்ந்து ஓய்வில் இருந்து வந்துள்ளார். இதனிடையே காவல்துறை உயர் அதிகா ரிகளை ரகுவரனின் உறவினர்கள் சந்தித்து மீண்டும் பணியில் சேர்க்க கேட்டுக்கொண் டதாகத் தெரிகிறது. இந்நிலையில் ரகுவரன் நேற்று காலை தனது மோட்டார் சைக்கிளில் வீட்டில் இருந்து சென்றுள்ளார். பின்னர் வழுதூர் ரயில்வேகேட் பகுதியில் மோட் டார் சைக்கிளை நிறுத்திவிட்டு தண்டவாளத்தில் 20 அடி தூரம் நடந்து சென்று செல் போன், போலீஸ் அடையாள அட்டை, டைரி ஆகியவற்றை வைத்து விட்டு நின்று கொண்டுடிருந்ததாகக் கூறப்படுகிறது. அப்போது கன்னியாகுமரியில் இருந்து ராமேசுவரம் நோக்கி சென்று கொண்டிருந்த எக்ஸ்பிரஸ் ரயிலில் திடீரென பாய்ந்து ரகுவரன் தற்கொலைக்குக் முயன்றுள்ளார். இதனால், ரயிலில் அடிபட்டு தூக்கி வீசப்பட்ட ரகுவரன் படுகாயத்துடன் உயிருக்குப் போராடிய நிலையில் அலரித்துடித்துள்ளார். அவரது சத்தம் கேட்டு அக்கம் பக்கத்தினர் அவரை காப்பாற்ற முயன்றுள்ளனர். ஆனால் அதற்குள் ரகுவரன் பரிதாபமாக உயிரிழந்தார். இதுகுறித்து தகவல் அறிந்த கேணிக்கரை காவலர்கள் சம்பவ இடத்துக்கு விரைந்து வந்து ராமேசுவரம் ரயில்வே காவல்துறையினருக்குத் தகவல் கொடுத்தனர். அவர்கள் ரகுவரன் உடலை கைப்பற்றி பிரேத பரிசோதனைக்காக அனுப்பி வைத்தனர். மேலும் இது குறித்து வழக்குப் பதிவு செய்து விசாரணை நடத்தி வருகின்றனர். அரசு ஊழியர்கள் தற்கொலை செய்துகொள்வது தொடர்ந்து நடந்து வருகின்றது. வேளாண் அதிகாரி முத்துக்குமாரசாமி ரயிலின்முன் பாய்ந்து தற்கொலை செய்துகொண்டார். சில தினங்களுக்கு முன்னர் சென்னையில் ரேஷன் கடை ஊழியர் ஒருவர் தூக்கிட்டு தற்கொலை செய்துகொண்டார். இவர்கள் இருவருவரின் தற்கொலைக்கும் மேலதிகாரிகளின் அழுத்தம் காரணமாக இருந்தது. இந்நிலையில் காவலர் ஒருவர் தற்கொலை செய்துகொண்டிருப்பது பெரும் அதிர்ச்சியை ஏற்படுத்தியுள்ளது.
பின்செல்

தலைப்புச் செய்திகள்

img
நஜீப் வழக்கு திங்கட்கிழமைக்கு ஒத்திவைப்பு. வெ.10.7 மில்லியன் காசோலை. விவரங்கள் அம்பலம்.

ஐந்தாவது நாளாக தொடர்ந்து விறுவிறுப்பாக

மேலும்
img
மெட்ரிகுலோசன் விவகாரம்: இந்திய மாணவர்களுக்கு 700 இடங்கள் மட்டுமா?

மலேசிய நண்பனின் தொடர்ச்சியான

மேலும்
img
சிலாங்கூர் மாநில கல்வி இலாகாவின் உதவி இயக்குநராக நியமனம் பெற்ற செங்குட்டுவனின் பதவி பறிப்பு.

கல்வித் துறையில் நீண்ட காலமாகப் பரந்த அனுபவத்தை

மேலும்
img
தபால் நிலைய அறிவிப்பில் தமிழுக்குப் பதிலாக வங்காள மொழி?

ஆங்கிலம், சீன மொழிக்கு அடுத்து வங்காளதேச மொழி

மேலும்
img
ரந்தாவ் இடைதேர்தல் முடிவு எதிர்பார்க்கப்பட்டதொன்றுதான்.

மாநிலத்தின் ஆட்சி அதிகாரத்தில் இது மாற்றம்

மேலும்
  • Copyright 2015.Nanban.All rights reserved.
  • powered by img