சனி 22, செப்டம்பர் 2018  
img
img

3 நாடாளுமன்றம், 6 சட்ட மன்றம், பழனி தரப்பு கோரிக்கை
சனி 22 ஏப்ரல் 2017 16:30:48

img

மக்களின் மகத்தான ஆதரவை பெற்றுள்ள டத்தோஸ்ரீ பழனிவேல் தரப்பினருக்கு 3 நாடாளுமன்ற, 6 சட்டமன்ற தொகுதிகளை தேசிய முன்னணி ஒதுக்க வேண்டும் என்று ஏ.கே. இராமலிங்கம் நேற்று வலியுறுத்தினார். சுப்பிரமணியம் தரப்பினர் மீது நாங்கள் தொடுத்திருந்த வழக்கு தற்போது விசாரணையில் இருந்து வருகிறது. கணேஸ், சத்தியமூர்த்தி, ஜோர்ஜ், சிதம்பரம் ஆகிய நால்வரும் வழக்கில் இருந்து விலகிய போதும் அவ்வழக்கை கைவிட வேண்டிய எண்ணத்தில் நாங் கள் இல்லை.இவ்வழக்கிற்கு உரிய நீதி கிடைக்கும் வரையில் போராட்டத்தை தொடர வேண்டும் என்பது தான் எங்களின் முதன்மை நோக்கமாக உள்ளது. வழக்கு விசாரணை நீதிமன்றத்தில் இருப்பதால் நாங்கள் அனைவரும் மஇகாவின் உறுப்பினர்கள் தான். எங்களை நீக்குவதற்கும், ஒதுக்குவதற்கும் எந்தவொரு தனிநபருக்கும் உரிமையில்லை. நாட்டில் மிக விரைவில் 14ஆவது பொதுத் தேர்தல் நடைபெறவுள்ளது. காலங்காலமாய் தேசிய முன்ன ணியின் வெற்றிக்காக தான் நாங்கள் அனைவரும் பாடுபட்டு வருகிறோம். இம்முறையில் தேசிய முன்னணியின் வெற்றிக்காகவே நாங்கள் உழைக்கவுள்ளோம். அதே வேளையில் மஇகாவை காப்பாற்ற வேண்டிய கட்டாயத் திலும் நாங்கள் இருக்கிறோம். டத்தோஸ்ரீ சுப்பிரமணியம் எங்களை ஒதுக்கினாலும் தேசிய முன்னணி, மஇகாவின் வெற்றி எங்களுக்கு மிக முக்கியமாக விளங்குகிறது. அவ்வகையில் தேசிய முன்னணியின் ஆதரவுடன் 3 நாடாளுமன்றம், 6 சட்டமன்ற தொகுதிகளில் போட்டியிட டத்தோஸ்ரீ பழனிவேல் தரப்பினர் திட்டமிட்டுள்ளனர். கேமரன்மலை, சுங்கை சிப்புட், தெலுக் கெமாங் ஆகிய நாடாளுமன்ற தொகுதிகள், கஹாங் ஜொகூர், புக்கிட் செலம்பாவ், பாகான் டாலாம், ஊத்தான் மெலிந்தாங், ஈஜோங், காடெக் மலாக்கா ஆகிய சட்டமன்ற தொகுதிகளை நாங்கள் தேர்வு செய்துள்ளோம். இத்தொகுதிகளை கோரும் வகையில் தேசிய முன்னணித் தலைவர் டத்தோஸ்ரீ நஜீப் துன் ரசாக், தலைமை செயலாளர் டத்தோஸ்ரீ தெங்கு அட்னான் ஆகியோரிடம் மகஜர் ஒன்றையும் வழங்கியுள்ளோம். எங்களின் மகஜரை கருத்தில் கொண்டு இத்தொகுதிகளை தேசிய முன்னணி டத்தோஸ்ரீ பழனிவேல் தரப்பினர் ஒதுக்கித் தர முன்வர வேண்டும். இத்தொகுதிகள் எங்களுக்கு வழங்கப்பட்டால் தேசிய முன்னணிக்காக எங்களின் சேவைகள் தொடரும் என்று ஏகே இராமலிங்கம் கூறினார். இதனிடையே பொதுத் தேர்தலில் போட்டியிட்டு 2, 3 முறை தோல்வி கண்டவர்களுக்கு மீண்டும் வாய்ப்பு வழங்கும் டத்தோஸ்ரீ சுப்ராவின் வியூகம் இத்தேர்தலில் எடுப்படாது. அதே வேளையில் சுப்பிரமணியம் தரப்பினரைக் காட்டிலும் பழனி தரப்பினருக்கே மக்களின் ஆதரவு உள்ளது. கட்சியில் அடிமட்ட தொண்டர்களும் பழனிக்கு தான் தொடர் ஆதரவுகளை வழங்கி வருகின்றனர். ஆகவே எங்களின் கோரிக்கையை தேசிய முன்னணி கருத்தில் கொண்டு உரிய நடவடிக்கைகளை எடுக்க வேண்டும் என்று கே.பி. சாமி செய்தியாளர்களிடம் கூறினார்.

பின்செல்

தலைப்புச் செய்திகள்

img
அரசியல்வாதிகளுக்கு இனிமேல் தூதர் பதவி கிடையாது

அரசியல் நியமனங்கள் எதுவும் இருக்கக் கூடாது

மேலும்
img
இந்திய உணவகத் தொழிலாளர்கள் பற்றாக்குறைக்கு விரைவில் தீர்வு.

செனட்டர் பொன்.வேதமூர்த்தி கூறினார்.

மேலும்
img
கெல்வின் தோட்தத் தமிழ்ப்பள்ளி ஆசிரியர் தனலெட்சுமி விபத்தில் பலி.

புரோட்டோன் சாகா காரில் வீட்டிற்கு திரும்பிக்

மேலும்
img
நஜீப் மீது வெ.230 கோடி ஊழல் குற்றச்சாட்டுகள். நஜீப்பின் தாயார் இல்லத்தில் திடீர் சோதனை.

இன்று வெள்ளிக்கிழமை பத்து லட்சம் வெள்ளியும்

மேலும்
img
700 காசோலைகளா? நஜீப் கைது. இன்று நீதிமன்றத்தில் குற்றஞ்சாட்டப்படுவார்.

எம்.ஏ.சி.சி. விசாரணைக்கு அழைக்கப்பட்டிருந்தார்.

மேலும்
  • Copyright 2015.Nanban.All rights reserved.
  • powered by img