வெள்ளி 18, ஜனவரி 2019  
img
img

தலைமறைவாக இருந்த தொழிலதிபர் விஜய் மல்லையா லண்டனில் கைது!
புதன் 19 ஏப்ரல் 2017 13:26:01

img

மொத்தம் ரூ.9000 கோடி மோசடி வழக்கில் தலைமறைவாக இருந்து வந்த பிரபல தொழிலதிபர் விஜய் மல்லையா லண்டனில் கைது செய்யப் பட்டுள்ளார். பிரபல தொழில் அதிபர் விஜய் மல்லையா இந்திய தொழில் வளர்ச்சி வங்கி (ஐ.டி.பி.ஐ.) உள்ளிட்ட 18 பொது மற்றும் தனியார் துறை வங்கி களில் ரூ.9 ஆயிரம் கோடியை கடனாக வாங்கினார். ஆனால் அதை திருப்பிச் செலுத்தவில்லை. இந்திய தொழில் வளர்ச்சி வங்கியில் வாங்கிய கடன் மூலம் வெளிநாட்டில் உள்ள தனது கிங்பிஷர் நிறுவன சொத்துகளில் முதலீடு செய்தார் என்ற குற்றச்சாட்டும் எழுந்தது. இதுபற்றி மத்திய அமலாக்கத்துறை சட்டவிரோத பண பரிவர்த்தனை சட்டத்தின் கீழ் விசாரணை நடத்தி வருகிறது. இதேபோல் வங்கிகள் கூட்டமைப்பு அளித்த புகாரின்பேரில் சி.பி.ஐ.யும் அவர் மீது வழக்கு பதிவு செய்து விசாரித்து வருகிறது. இந்நிலையில் கடந்த வருடம் மார்ச் மாதம் தன் சிறப்பு பாஸ்போர்ட் மூலம் இங்கிலாந்துக்கு சென்றுவிட்டதாக உச்சநீதிமன்றத்தில் வழக்கு விசாரணை யின் போது சி.பி.ஐ. தெரிவித்தது. அதேநேரம் அவரை மும்பையில் உள்ள அமலாக்கத்துறை அலுவலகம் விசாரணைக்கு நேரில் ஆஜர் ஆகும்படி 3 முறை சம்மன் அனுப்பியது. ஆனாலும் அவர் ஆஜராகவில்லை. இதனால், ஜாமீனில் வெளிவரமுடியாத பிடிவாரண்டை மும்பை சிறப்பு நீதிமன்றம் பிறப் பித்தது. இதற்கிடையே, அமலாக்கத்துறை மத்திய வெளியுறவு அமைச்சகம் மூலம் விஜய் மல்லையாவின் சிறப்பு பாஸ்போர்ட்டை முடக்கும்படி வேண்டுகோள் விடுத்தது. இதனையடுத்து பாஸ்போர்ட் முடக்கப்பட்டது. இந்தியா தரப்பில் வலுவான கோரிக்கையானது முன்வைக்கப்பட்டது. இதைத்தொடர்ந்து சர்வதேச போலீஸ் என்று அழைக்கப்படும் ’இண்டர்போல்’ போலீ சின் உதவியை மத்திய அமலாக்கத்துறை நாடியது. விஜய் மல்லையாவை கைது செய்ய ’ரெட்கார்னர்’ நோட்டீஸ் பிறப்பிக்கும்படி கேட்டுக் கொண்டது. இப்போது இந்திய அரசின் கோரிக்கையை ஏற்று விஜய் மல்லையாவை ஸ்காட்லாந்து போலீஸ் கைது செய்து உள்ளது.அவர் லண்டன் நீதிமன்றத்தில் ஆஜர்படுத்தப்பட்டார்.

பின்செல்

இந்தியச் செய்திகள்

img
நிறைவேறாத ஆசைகளோடு இருக்கிறார் ஸ்டாலின்- அமைச்சர் ஜெயக்குமார்

தேர்தலை விரும்பினாலும் அவரது கட்சி எம்.எல்.ஏக்கள்

மேலும்
img
புருஷன் பொண்டாட்டி போல இருந்தோம்.. என்ன செய்ய... ஜெயக்குமார் கலகல பேச்சு

இன்னைக்கு டைவர்ஸ் வாங்க வேண்டிய அவசியம்

மேலும்
img
குற்றவாளிகளும் காவல்துறையினரும் கைகோர்த்து செயல்படுவதாக சந்தேகம் - உயர்நீதிமன்றம்

மேலும் 2009 முதல் 2014 வரை குற்றப்பத்திரிகை

மேலும்
img
கஜா புயலில் பாதிக்கப்பட்ட கர்ப்பிணி பெண்களுக்கு புஷ்பவனம் குப்புசாமி நிவாரனம்

இக்கிராமத்தை சேர்ந்தவரும் புகழ்பெற்ற

மேலும்
img
திருவாரூர் இடைத்தேர்தலுக்கான அமமுக வேட்பாளர் அறிவிப்பு

எஸ்.காமராஜ் திருவாரூர் மாவட்டத்தின்,

மேலும்
  • Copyright 2015.Nanban.All rights reserved.
  • powered by img