img
img

பணிக்கு அமர்த்தப்படாமல் தத்தளிக்கும் மருத்துவப் பட்டதாரிகள்!
புதன் 19 ஏப்ரல் 2017 12:27:06

img

மருத்துவமனைகளில் பயிற்சி மருத்துவர்களாக வேலைக்கு அமர்த்தப்படுவது குறித்து மருத்துவப் பட்டதாரிகளுக்கு பொதுச்சேவை ஆணையம் இது வரை எந்த அறிவிப்பும் செய்யாமலிருப்பதால் திரிசங்கு சொர்க்க நிலையில் விடப்பட்டது போல் நாட்டில் மருத்துவ பட்டதாரிகள் தற்போது தத்தளித்து வருகின்றனர். அவர்கள் மருத்துவமனைகளில் பணிக்கு அமர்த்தப்படுவது தொடர்பாக பொதுச் சேவை ஆணையம் நேற்று முன்தினம் ஏப்ரல் 17 ஆம் தேதி திங்கட் கிழமை அறிவித்து இருக்கவேண்டும். ஆனால், திடீரென்று காலவரையின்றி தள்ளிப்போடப்பட்டுள்ளது என்று ஜ.செ.க. கூலாய் நாடாளுமன்ற உறுப் பினர் தியோ நை சிங் தெரிவித்தார். மருத்துவப் பட்டதாரிகளில் பலர் அரசாங்க மருத்துவமனைகளில் வேலைக்கு அமர்த்தப்படுவதற்காக ஓராண்டுக்கு மேல் காத்திருப்பதாகவும் அவர் குறிப்பிட்டார். இவர்கள் பயிற்சி மருத்துவர்களுக்கான நேர்காணலுக்குச் சென்று முடிவுகளுக்காகக் காத்திருக்கிறார்கள். கடந்த ஆண்டில் 3,474 மருத்துவப் பட்டதாரிகள் நேர்காணலுக்குச் சென்றார்கள். 1,687 பேர் மட்டுமே அரசாங்க மருத்துவமனைகளில் பயிற்சி மருத் துவர்களாக வேலைக்கு அமர்த்தப்பட்டனர். மருத்துவ பட்டதாரிகள் வேலையின்றி தத்தளிப்பதால் அவர்கள் பொருளாதார ரீதியில் பெரும் நெருக்கடியை எதிர்நோக்கி வருகின்றனர். பலர் தாங்கள் மருத்துவப் படிப்பு படிப்பதற்கு வங்கியில் பெறப்பட்டுள்ள கடனை திரும்பச் செலுத்த முடியாமல் சிரமப்பட்டு வருகின்றனர். வங்கிகளும் அவர்களை நெருக்கி வருகின்றன. பயிற்சி மருத்துவர்களாக பணிக்கு அமர்த்தப்படுவது தொடர்பில் பொதுச் சேவை ஆணையம் துல்லியமாக எந்தவொரு தேதியையும் அறிவிக்காமல் இருந்தால் அவர்கள் எப்படி தங்கள் பணி தொடர்பாக திட்டமிட முடியும் என்று தியோ கேள்வி எழுப்பினார். அவர்களை பயிற்சியில் அமர்த்தாமலேயே வைத்திருந்தால் அவர்கள் தங்களின் திறனை வெளிப்படுத்துவதற்கு வாய்ப்பு இல்லாமல் போய்விடும். திறன் பெற்ற மருத்துவப் பட்டதாரிகளை பயன் படுத்தவில்லை என்றால் நமக்குத்தான் இழப்பு என்று தியோ குறிப்பிட்டார்.

பின்செல்

தலைப்புச் செய்திகள்

img
நஜீப் வழக்கு திங்கட்கிழமைக்கு ஒத்திவைப்பு. வெ.10.7 மில்லியன் காசோலை. விவரங்கள் அம்பலம்.

ஐந்தாவது நாளாக தொடர்ந்து விறுவிறுப்பாக

மேலும்
img
மெட்ரிகுலோசன் விவகாரம்: இந்திய மாணவர்களுக்கு 700 இடங்கள் மட்டுமா?

மலேசிய நண்பனின் தொடர்ச்சியான

மேலும்
img
சிலாங்கூர் மாநில கல்வி இலாகாவின் உதவி இயக்குநராக நியமனம் பெற்ற செங்குட்டுவனின் பதவி பறிப்பு.

கல்வித் துறையில் நீண்ட காலமாகப் பரந்த அனுபவத்தை

மேலும்
img
தபால் நிலைய அறிவிப்பில் தமிழுக்குப் பதிலாக வங்காள மொழி?

ஆங்கிலம், சீன மொழிக்கு அடுத்து வங்காளதேச மொழி

மேலும்
img
ரந்தாவ் இடைதேர்தல் முடிவு எதிர்பார்க்கப்பட்டதொன்றுதான்.

மாநிலத்தின் ஆட்சி அதிகாரத்தில் இது மாற்றம்

மேலும்
  • Copyright 2015.Nanban.All rights reserved.
  • powered by img