வெள்ளி 19, ஏப்ரல் 2019  
img
img

மலேசியாவில் சமூக சேவையாளர்கள் காணாமல் போகிறார்கள்! அதிர்ச்சித் தகவல்!
செவ்வாய் 11 ஏப்ரல் 2017 17:34:35

img

பொதுச்சேவை ஆர்வலர்கள் அண்மை காலமாக அதிகமாக காணாமல் போவது தொடர்பில் போலீஸ் படை கண்டனத்திற்கு ஆளாகியுள்ளது. உள்நாட்டு பாதுகாப்பு அமலாக்க விஷயத் தில் தவறு நேர்ந்துள்ளது. இல்லையென்றால், எப்படி ஆறு மாதங்களில் ஐவர் காணாமல் போயிருக்க முடியும் என்று சுவா ராம் நிர்வாக இயக்குநர் சிவன் துரைசாமி கேள்வி எழுப்புகிறார். காணாமல் போவோரின் பட்டியலுக்கு முற்றுப்புள்ளி இல்லாமல் இருக்கிறது. போலீசார் உடனடி நடவடிக்கையில் இறங்கியிருந்தால் ஐந்தாவது சம்பவம் நடந்திருக்க வாய்ப்பில்லை என்று அவர் குறிப்பிட்டார்.பெட்டாலிங் ஜெயா நகராண்மைக் கழகத்தின் முன்னாள் உறுப்பினரும், சுபாங் நாடாளுமன்ற உறுப்பினர் ஆர்.சிவராசாவின் அரசியல் உதவியாளர் பீட்டர் சோங் கடந்த வாரம் காணாமல் போனார். காணாமல் போயுள்ளவர்களின் பட்டியலில் இவர் ஐந்தாவது நபர் ஆவார். இதுவரை காணாமல் போயுள்ள மற்ற நால்வரும், பாதிரியார்களான ஜோஷுவா ஹில்மி, ரூத் (2016 நவம்பர்), ரேமண்ட் கோ கெங் ஜூ (இவ்வாண்டு பிப்ரவரி 13), சமூக ஆர்வலர் அம்ரி சே மாட் ஆகியோர் ஆவர். காணாமல் போனவர்கள் பற்றிய தகவல்கள் அதிகமாக கிடைக்கவில்லை என்றும், போலீ சாரும் முறையான தகவலை வழங்க முன் வரவில்லை என்றும் சிவன் மேலும் கூறினார். இதனிடையே, தனக்கெதிராக மறைமுகமான மிரட்டல் விடுக்கப்பட்டுள்ளது என்று கூறியதைத் தொடர்ந்து, கடந்த வாரம் காணாமல் போன பீட்டர் சோங், மூன்றாண்டுகளுக்கு முன்பு மாயமாய் மறைந்த எம்.எச்.370 விமானத்தின் கேப்டனான ஜஹாரி அஹ்மட் ஷாவின் நெருங்கிய நண்பராவார். 2014 மார்ச் 8-ஆம் தேதி கோலாலம்பூரிலிருந்து பெய்ஜிங் செல்லும் வழியில் 239 பேருடன் அவ்விமானம் காணாமல் போனது. அதற்கு ஜஹாரி காரணமாகலாம் என்று பலமுறை தகவல்கள் வெளியான போது அனைத்துலகம் உள்நாட்டு ஊடகங்களில் அவரை தற்காத்துப் பேசியிருக்கிறார் சோங். கடந்த ஏப்ரல் 5-ஆம் தேதி இரவு வீட்டை விட்டு வெளியான பிறகு சோங்கை தாங்கள் தொடர்பு கொள்ள முடியவில்லை என்று அவரின் குடும்பத்தினர் சனிக்கிழமை மாலை போலீசில் புகார் செய்தனர்.

பின்செல்

தலைப்புச் செய்திகள்

img
நஜீப் வழக்கு திங்கட்கிழமைக்கு ஒத்திவைப்பு. வெ.10.7 மில்லியன் காசோலை. விவரங்கள் அம்பலம்.

ஐந்தாவது நாளாக தொடர்ந்து விறுவிறுப்பாக

மேலும்
img
மெட்ரிகுலோசன் விவகாரம்: இந்திய மாணவர்களுக்கு 700 இடங்கள் மட்டுமா?

மலேசிய நண்பனின் தொடர்ச்சியான

மேலும்
img
சிலாங்கூர் மாநில கல்வி இலாகாவின் உதவி இயக்குநராக நியமனம் பெற்ற செங்குட்டுவனின் பதவி பறிப்பு.

கல்வித் துறையில் நீண்ட காலமாகப் பரந்த அனுபவத்தை

மேலும்
img
தபால் நிலைய அறிவிப்பில் தமிழுக்குப் பதிலாக வங்காள மொழி?

ஆங்கிலம், சீன மொழிக்கு அடுத்து வங்காளதேச மொழி

மேலும்
img
ரந்தாவ் இடைதேர்தல் முடிவு எதிர்பார்க்கப்பட்டதொன்றுதான்.

மாநிலத்தின் ஆட்சி அதிகாரத்தில் இது மாற்றம்

மேலும்
  • Copyright 2015.Nanban.All rights reserved.
  • powered by img