புதன் 14, நவம்பர் 2018  
img
img

என் பாவடையின் உயரம் குறைவாம்!
ஞாயிறு 09 ஏப்ரல் 2017 12:41:26

img

பாவாடையின் உயரம் குறைவாக இருப்பதாகக் கூறி நாடாளுமன்ற வளாகத்தில் தன்னை பாதுகாப்பு அதிகாரிகள் வழிமறித்தது வியப்பாக இருந்தது என ''WAO'' எனப்படும் பெண்களுக்கான சமூக இயக் கத்தின் துணைப் பொருளாளரும் வழக்கறிஞருமான மீரா சமந்தர் தெரிவித்தார். நாடாளுமன்றத்தில் ஈப்போ பாராட் உறுப்பினர் குலசேகரனை யும் எம்.இந்திரா காந்தியையும் சந்திக்க இதர அரசு சாரா இயக்கங்களைச் சேர்ந்த உறுப்பி னர்களோடு தாமும் சென்ற போது இச்சம்பவம் நிகழ்ந்தது என அவர் குறிப்பிட்டார். திருமணம்-விவாகரத்து சட்ட மறு சீரமைப்பு மசோதா மீதான விவாதம், அடுத்த நாடாளு மன்றக் கூட்டத் தொடருக்கு ஒத்திவைக்கப்பட்ட நிலையில் தாங்கள் குலசேகரனைச் சந்திக் கச் சென்றதாக மீரா சொன்னார். ஒரு வழக்கறிஞரான எனக்கு நாகரிகமாக உடை அணியும் முறை எப்படி என்று தெரி யும். இதுவரை நீதிமன்றத்தில் கூட அணியும் உடையை காரணம் காட்டி என்னை யாரும் தடுத்து நிறுத்தியதில்லை. அதிலும் நான் அணிந்து சென்ற பாவாடையின் நீளம் குறைவு எனக் கூறி என்னை வளாகத்திலே தடுத்து நிறுத்தினர். நான் ஒன்றும் கவர்ச்சிகரமாக ‘மினி-ஸ்கர்ட்’ அணிந்து செல்ல வில்லை என மீரா விவரித்தார். நாடாளுமன்ற பாதுகாப்பு அதிகாரிகள் பெண்களின் உடையின் உயரத்தை விட பிறருக்கு ஆபத்து விளைவிக்கும் பொருட்களை உள்ளே எடுத்து செல்பவர்கள் மீதும் அனுமதி இல்லாமல் இப்பகுதிகளில் நுழைபவர்கள் மீதும் கவனம் செலுத்த வேண்டும் என்றார். நாடாளுமன்ற நுழைவாசலில், வருகையாளர் அனுமதி அட்டை கோரிய என்னை, பாதுகாவலர் கள் காரை விட்டு இறங்கச் சொல்லி பாவாடையின் உயரம் குறித்து பரிசோதித்த பின்னர் தான் உள்ளே செல்ல அனுமதித்தனர். இதுபோல் பெண்களின் உடைகளை, அதுவும் நாடாளுமன்றத்தில் பரி சோதிப்பது மிக அநாகரிகமான செயல் என்றும் அவர் குறிப்பிட்டார்.

பின்செல்

தலைப்புச் செய்திகள்

img
421,706 மாணவர்கள் எஸ்.பி.எம் தேர்வை எழுதுகின்றனர்

3,308 தேர்வு மையங்களில் 33,361 கண்காணிப்பாளர்கள்

மேலும்
img
மலேசியாவிற்கும் சிங்கைக்கும்  இடையே கருத்து வேறுபாடுகளைத் தவிர்க்க முடியாது.

முக்கிய வர்த்தக பங்காளிகளில் ஒன்றாக

மேலும்
img
சரவா பள்ளிகளுக்கான வெ.125 கோடி குத்தகை.

ரோஸ்மா மீது புதிய குற்றச்சாட்டுகள்.

மேலும்
img
துன் மகாதீர் அமைச்சரவை விரைவில் மாற்றம்?

பிரதமர் துன் டாக்டர் மகாதீர் முகமட் கூடிய விரைவில்

மேலும்
img
இந்திய சமூகத்தினர் புறக்கணிக்கப்பட்டால் ஒட்டு மொத்த சமூகமும் சமச்சீரற்றதாகி விடும்.

துணைப்பிரதமர் டத்தோ ஸ்ரீ வான் அஜிசா வான்

மேலும்
  • Copyright 2015.Nanban.All rights reserved.
  • powered by img