வெள்ளி 26, ஏப்ரல் 2019  
img
img

வெ.203 மில்லியனை இழந்தது இ.பி.எப்!
செவ்வாய் 04 ஏப்ரல் 2017 13:43:58

img

தன் வசமிருந்த பெல்டா குளோபல் வென்ட்சர்ஸ் (எப்ஜிவி) பங்குகளை கடந்த ஆகஸ்டில் விற்றதில் ஊழியர் சேமநிதி வாரியத்திற்கு (இபிஎப்) வெ. 203.18 மில்லியன் இழப்பு ஏற்பட்டது. நேற்று திங்கட்கிழமை நிதி அமைச்சு நாடாளுமன்றத்தில் வழங்கிய எழுத்து வடிவ பதிலில் இது குறிப்பிடப் பட்டிருந்தது. இபிஎப் எந்தெந்த நிறுவனங்களில் நிதி நிலை தொடர்ந்து சரிந்து வருகிறதோ, நிர்வாகத்தில் குறைபாடு காணப்படுகிறதோ அந்த நிறுவனங்களில் வைத் துள்ள பங்குகளை குறைத்துக் கொள்ளும் அல்லது முற்றாக விற்று விடும் என்று அமைச்சு அவ்வாரியத்தின் முதலீட்டு வியூகத்தை விளக்கியது. இந்த 20 கோடி வெள்ளி இழப்பு என்பது பெரிய தொகையாகும். தொடக்கத்தில் இபிஎப், எப்ஜிவி-இல் 4.5 விழுக்காடு பங்கு வைத்திருந்தது. பின்னர் அது 2013-இல் 8.49 விழுக்காடாக உயர்ந்தது. எப்ஜிவி 2012-இல் கோலாலம்பூர் பங்குச் சந்தையில் முதன்முதலாக அதன் பங்குகளை வெளியிட்டபோது (ஐபிஓ) அதன் மூலமாக வெ.10 பில் லியன் மூல தனத்தைத் திரட்டியது.அந்த ஆண்டில் உலகிலேயே ஃபேஸ்புக் நிறுவனத்துக்கு அடுத்தப் படியாக மிகப் பெரிய ஐபிஓ-வாக அது கருதப்பட்டது. அந்நிறுவனத்தின் ஒரு பங்கு வெ.4.55 ஆகக் கைமாறியது. ஆனால்,அதன் பின்னர் பங்குவிலை தொடர்ந்து இறங்குமுகமானது. 2015-இல் அது வெ.1.19 என ஆகக் குறைந்த நிலைக்கு இறக்கம் கண்டது. இதைப் பதிவிடும் நேரம் எப்ஜிபி பங்குகளில் பரிவர்த்தனை வெ.2.09 ஆக இருந்தது.

பின்செல்

தலைப்புச் செய்திகள்

img
மாநில அரசியல் விவகாரங்களில் ஜொகூர் சுல்தான் தலையிடக்கூடாது

ஒப்புக் கொண்டு மாநில அரசாங்க விவகாரங்களில்

மேலும்
img
மெட்ரிகுலேசன் இட ஒதுக்கீட்டில் இந்திய மாணவர்களுக்கு எத்தனை இடங்கள்?

இந்த இடங்களுக்கான எண்ணிக்கை அதிகரிப்பின்படி

மேலும்
img
ஆசிரியர் பயிற்சிக்கான தேர்வில் இந்திய மாணவர்கள் புறக்கணிப்பா?

எஸ்.பி.எம். தேர்வை முடித்த மாணவர்களுக்கான

மேலும்
img
அந்நியத் தொழிலாளர் பற்றாக்குறை. பல கடைகள் மூடப்படுகின்றன. 

அந்நிய தொழிலாளர்கள் பற்றாக் குறையால்

மேலும்
img
சீனப் பத்திரிகைகளைக் கண்காணிக்க ஆய்வு நிறுவனத்திற்கு மாதம் வெ. 150.000 பட்டுவாடா.

2014 டிசம்பரில் இருந்து 2015 ஜனவரி வரை

மேலும்
  • Copyright 2015.Nanban.All rights reserved.
  • powered by img