வெள்ளி 18, ஜனவரி 2019  
img
img

சிறுமி லாரணியா மரணத்தின் பின்னணி!
செவ்வாய் 28 மார்ச் 2017 12:50:24

img

நான்கு வயது சிறுமி லாரணியா வில்பெர்ட்டின் மரணம் தொடர்பான விவகாரத்தை தாங்கள் புலன் விசாரணை செய்யவிருப்பதாக மலேசிய மனித உரி மைகள் ஆணையம் (சுஹாகாம்) கூறிற்று. தன் மகளின் மரணத்திற்கு மருத்துவமனையின் அலட்சியப்போக்கே காரணம் என லாரணியாவின் தாயார் பி. பிரேம் ஸ்ரீ கூறினார். மருத்துவமனைக்குக் கொண்டு வரப்படுவதற்கு ஒரு மணி நேரத்திற்கு முன்னதாகவே லாரணியா மரணமடைந்து விட்டதாக கிள் ளான் தெங்கு அம்புவான் ரஹிமா மருத்துவமனை இயக்குநர் கூறுவது பொய் என குறிப்பிடும் ஒரு மகஜரை நம்பிக்கை அமைப்பு, பிரேம் ஆகியோரிடம் இருந்து சுஹாகாம் ஆணையர் டத்தோ லோகே யிம் பெங் பெற்றுக் கொண்டார். சுஹாகாம் நிச்சயமாக புலன் விசாரணை நடத்தும். என்ன நடந்தது என நாம் கூற இயலாது. ஆனால் அந்த குடும்பத்தின் பால் நாங்கள் இரக்கம் கொள்கிறோம். இப்போது தனி ஆளாக இருக்கும் அவர்தான் குடும்பத்தையும் கவனித்துக் கொள்ள வேண்டியுள்ளது. நான் இம்மாதிரியான ஒரு சம்பவத்தை தனிப்பட்ட முறையில் கையாண்டதே இல்லை. ஆனால் இதை நாங்கள் நிச்சயமாக உன்னிப்பாக கவனிப்போம் என்று லிம் நேற்று ஆணையத்தின் தலைமை யகத்தில் தி மலேசியன் டைம்ஸிடம் தெரிவித்தார். லோக்குடனான சந்திப்பின் போது, சிறுமி லாரணியா எதிர் நோக்கிய சோதனைகளும் வேதனைகளும் விவரிக்கப்பட்டன. நாற்பது டிகிரி அளவிற்கு காய்ச்சலால் பாதிக்கப்பட்ட லாரணியா, மார்ச் 14 ஆம் தேதியில் இருந்து மருந்தகங்களுக்கும் மருத்துவனைக்கும் கொண்டு செல்லப்பட்டு இரத்த பரிசோதனைகள் செய்யப்பட்டது குறித்து விளக்கமளிக்கப்பட்டது. எனினும், லாரணியா இன்னும் குணமடையாததால் அவரை மருத்துவமனைக்கு விரைந்து கொண்டு செல்லும்படி அவரின் தாயாரிடம் ஒரு மருந்தகத்தைச் சேர்ந்த அதிகாரிகள் கூறினர். இதனைத் தொடர்ந்து மார்ச் 20 ஆம் தேதி லாரணியா மரணமடைந்தார். தன் மகளை அந்த மருத்துவமனைக்கு இரண்டாம் தடவையாக கொண்டு சென்று அனுமதித்த போது அவர் சுயநினைவில் இருந்ததாக பிரேம்ஸ்ரீ கூறினார். என் மகளுக்கு சிகிச்சை அளிக்கப்பட்டுக் கொண்டிருக்கையில் காத்திருக்கும்படி என்னிடம் கூறப்பட்டது. பின்னர் லாரணியா மருத்துவமனைக்கு கொண்டுவரப்படுவதற்கு முன்னரே இறந்து விட்டதாக ஒரு டாக்டர் தெரிவித்தார் என்றார் பிரேம்ஸ்ரீ. தொடக்கத்திலேயே தன் மகளுக்கு முறையான சிகிச்சை அளிக்கப்பட்டிருந்தால் அவர் இன்னும் உயிரோடு இருந்திருப்பார் என்றும் பிரேம் ஸ்ரீ கூறினார். உண்மையைக் கண்டறிய மருத்துவமனையில் சிசிடிவி படக்காட்சிகளை பார்க்கும் படி சுஹாகாமை அந்த மகஜரில் கேட்டுக் கொள்ளப்பட்டிருக்கிறது.

பின்செல்

தலைப்புச் செய்திகள்

img
டத்தோஸ்ரீ ஆ. தெய்வீகனின் பெயர் சாலைக்கு சூட்டப்பட்டுள்ளது.

போலீஸ் துறையில் சிறந்த சேவையை வழங்கியுள்ள

மேலும்
img
பினாங்கு மாநிலத்தின் புதிய போலீஸ்படைத் தலைவராக டத்தோ நரேன் சேகரன் பதவியேற்பு

பினாங்கு மாநில போலீஸ் படை தலைவராக

மேலும்
img
முடிவில் மாற்றமில்லை. தண்ணீர் விலை அதிகரிக்கும்.- அமைச்சர் டாக்டர் சேவியர் ஜெயகுமார்

தண்ணீர் கட்டண அதிகரிப்புக்கு பெரும்பாலான

மேலும்
img
மாற்றுத்திறனாளிகள் முருகனை தரிசிக்க மலை உச்சிக்குத் தூக்கிச் சென்ற உதவும் கரங்கள்.

அது மாற்றுத்திறனாளிகளுக்கும் பொருந்தும்

மேலும்
img
தைப்பொங்கல் வைக்க உகந்த நேரம் எது? இந்துசங்கம் விளக்கம்.

அன்றைய தினம் ஆலயங்களில் விசேஷ பூஜை வழிபாடுகள்

மேலும்
  • Copyright 2015.Nanban.All rights reserved.
  • powered by img