img
img

இதுதான் காணாமல் போன எம்.எச். 370 விமானமா?
வெள்ளி 24 மார்ச் 2017 13:18:20

img

மலேசிய விமான நிறுவனத்திற்குச் சொந்தமான எம்.எச். 370 விமானம், தென்னாப்பிரிக்கா, கேப் டவுன் கடல் பகுதியில்தான் விழுந்து இருக்க வேண்டும் என்று அமெரிக்கா விமானப்படையின் முன்னாள் அதிகாரி கூறுகிறார். அந்த மலேசிய விமானம் தென்னாப்பிரிக்கா, கேப் டவுன் கடல்பகுதியில் விழுந்து கிடப்பதை கூகுள் பூமியியல் ஆய்வின்வழி கண்டறிந்துள்ளதாக அவர் கூறுகிறார். 239 பேருடன் கடந்த 2014 மார்ச் 8 ஆம் தேதி கோலாலம் பூரிலிருந்து பெய்ஜிங்கை நோக்கி புறப்பட்ட அந்த போயிங் விமானம், விபத்துக்குள்ளாகி விட் டதாக அறிவிக்கப்பட்ட போதிலும் இன்று வரையில் அதன் உடல் பகுதி கண்டுபிடிக்கப்படாதது உலகையே வியப்பில் ஆழ்த்தியுள்ளது. யூ.எஃப்.ஓ.சைட்டிங் பத்திரிகையின் ஆசிரியருமான ஸ்கோட் சி. வாரிங், தென்னாப்பிரிக்கா, கேப் டவுன் கடல் பகுதியில் நன்னம்பிக்கை முனையில் அந்த விமானம் விழுந்து கிடப்பதை கூகுள் பூமியியல் ஆய்வின்வழி கண்டறிந்துள்ளதாக குறிப்பிட்டுள்ளார் என்று லண்டனை தளமாக கொண்டு வரும் சஞ்சிகை தகவல் வெளியிட்டுள்ளது. இதன் காரணமாகவே அந்த விமானத்தின் ஒரு சில பகுதிகள் தென்னாப்பிரிக்கா கண்டத்தில் உள்ள ரீ யூனியன், மொரிசியஸ் நாடுகளின் கடல் பகுதியில் கண்டு பிடிக்கப்பட்டுள்ளது என்று கூறப்பட்டு வருகிறது. தாம் சொல்கின்ற பகுதியில் விமானத்தை தேடும் பணியை மேற்கொள்ளப்படுமானால் விமானம் காணாமல் போனதற்கான மர்மத்தை கண்டு பிடிக்க முடியும் என்று அவர் உறுதியாக கூறுகிறார். விமானத்தை கண்டுபிடிக்கும் முயற்சி இந்தியப் பெருங்கடல் பகுதியில் மேற்கொள்ளப்பட்டது. ஆனால், அது வெற்றியை தரவில்லை. விமானத்தின் எண்ணெய் கசிந்ததில் அது கிட்டத்தட்ட 12,779 கிலோ மீட்டர் தூரம் வரையில் கடல் பரப்பில் கலந்துள்ளது. அதில் ஆயிரம் கிலோ மீட்டருக்கும் மேல் கேப் டவுன் நன்னம்பிக்கை முனையில் கண்டு பிடிக்கப்பட்டுள்ளது. இந்த நன்னம்பிக்கை முனை என்பது கேப் டவுனிலிருந்து கிட்டத்தட்ட 400 அல்லது 500 கிலோ மீட்டர் தூரம்தான் என்று அவர் கூறுகிறார். அதேவேளையில் விமானம் கடலில் விழுந்து கிடக்கும் காட்சியை கூகுள் பூமியியல் ஆய்வின் வழி கண்டறிந்து இருப்பதையும் உறுதிப்படுத்தும் வகையில் அந்தப் படத்தையும் அவர் வெளியிட்டுள்ளார்.

பின்செல்

தலைப்புச் செய்திகள்

img
நஜீப் வழக்கு திங்கட்கிழமைக்கு ஒத்திவைப்பு. வெ.10.7 மில்லியன் காசோலை. விவரங்கள் அம்பலம்.

ஐந்தாவது நாளாக தொடர்ந்து விறுவிறுப்பாக

மேலும்
img
மெட்ரிகுலோசன் விவகாரம்: இந்திய மாணவர்களுக்கு 700 இடங்கள் மட்டுமா?

மலேசிய நண்பனின் தொடர்ச்சியான

மேலும்
img
சிலாங்கூர் மாநில கல்வி இலாகாவின் உதவி இயக்குநராக நியமனம் பெற்ற செங்குட்டுவனின் பதவி பறிப்பு.

கல்வித் துறையில் நீண்ட காலமாகப் பரந்த அனுபவத்தை

மேலும்
img
தபால் நிலைய அறிவிப்பில் தமிழுக்குப் பதிலாக வங்காள மொழி?

ஆங்கிலம், சீன மொழிக்கு அடுத்து வங்காளதேச மொழி

மேலும்
img
ரந்தாவ் இடைதேர்தல் முடிவு எதிர்பார்க்கப்பட்டதொன்றுதான்.

மாநிலத்தின் ஆட்சி அதிகாரத்தில் இது மாற்றம்

மேலும்
  • Copyright 2015.Nanban.All rights reserved.
  • powered by img