ஞாயிறு 21, ஏப்ரல் 2019  
img
img

ஷரியா சட்டத் திருத்தம் தேளிவாக இல்லையெனில் ஏற்றுக்கொள்ள முடியாது!
ஞாயிறு 19 மார்ச் 2017 12:39:44

img

1965 ஆம் ஆண்டு ஷரியா சட்டத்தில் கொண்டு வரப்படவிருக்கும் உத்தேச சட்டத்திருத்தமானது, கடுமையான தண்டனை விதிக்க வகை செய்யும் ஹுடுட் சட்டமில்லையென்றால் அந்த சட்டத்திருத்தத்தில் உள்ளடக்கப்பட்டுள்ள குற்றச்செயல்கள் தெளிவாக குறிப்பிடப்பட வேண்டும். இல்லையேல் அதனை ஏற்றுக்கொள்ள முடியாது என்று வழக்கறிஞரும் மனித உரிமை போராட்டவாதியுமான டத்தோ அம்பிகா கேட்டுக்கொண்டார். சட்டம் 355 என்று சுருங்க அழைக்கப்படும் ஷரியா சட்டத்தில் உத்தேசிக்கப்பட்டுள்ள திருத்தமானது தண்டனையை அதிகரிப்பதில்தான் ஆர்வம் காட்டப்படுகிறதே தவிர அந்த அந்த சட்டத்திருத்தத்தில் சேர்க்கப்படும் குற்றங்களின் தன்மைகள் பற்றி பெயர் குறிப்பிடவில்லை. எனவே நாம் அனைத்து மாநிலங்களின் சட்டங்களை தற்போது துல்லியமாக ஆராய வேண்டும். குறிப்பாக அதில் உள்ள தண்டனை முறையில் தீவிர கவனம் செலுத்தி ஆராய வேண்டும். அந்த மாநில சட்டங்கள் ஒவ்வொருவருக்கும் பாதுகாப்பு அளிப்பதுதான் சிறந்த வழி முறையாக இருக்க முடியும் என்று அவர் சொன்னார். அந்த இஸ்லாமிய ஷரியா சட்டம் உண்மையிலே ஹுடுட் சட்டமில்லை என்றால் அதன் பிறகு சட்ட வரைவை அல்லது திருத்தத்தை கொண்டு வரு வோம். அதற்கு முன்னதாக அவசரப்பட்டு எந்த தீர்மானத்திற்கும் வந்து விடக்கூடாது என்று அவர் சொன்னார்.நேற்று முன்தினம் இரவு இங்கு ஷரியா சட்டம் அல்லது சட்டம் 355 மீதான உத்தேச சட்டத்திருத்தம் தொடர்பான பொது விவாதத்தில் கலந்து கொண்டு பேசுகையில் அம்பிகா மேற்கண்டவாறு கூறினார். அந்த உத்தேச சட்டத்திருத்தத்தை ஆதரித்து வழக்கறிஞர்கள் லுக்மான் ஷேரிப் அலியாஸ் மற்றும் அயிடில் காலிட் பேசினர். உத்தேசத் திருத்தங்களானது ஹுடுட் சட்டத்தன்மையிலான துணை சட்டங்கள் அல்ல. மாறாக அவை நடப்பு சட்டத்தில் உள்ள தண்டனையின் வர வேப்பை அதிகப்படுத்தக்கூடிய திருத்தங்கள்தான் என்று லுக்மான் விளக்கினார். மேலும் நாடு சுதந்திரம் பெற்றது முதல் ஹுடுட் தன்மையிலான சட்ட முறைகள் மலேசிய முஸ்லிம்களுக்கு மட்டுமே பொருந்தக்கூடியதாக இருந்து வந்துள்ளது. தற்போது உத்தேசிக்கப்பட்ட திருத்தங்கள்கூட தண்டனையை அதிகரிக்கச் செய்யும் சட்டத்திருத்தம் மட்டுமே என்று லுக்மான் விளக்கினார். எனினும் இந்த உத்தேசத் திருத்தங்கள் மக்களுக்கு விளக்கப்பட வேண்டும் என்று அம்பிகா கேட்டுக்கொண்டார். காரணம் பரிந்துரைக்கப்பட்டுள்ள உத்தேசத் தண்டனை முறையானது தற்போதைய தண்டனை முறையை காட்டிலும் பத்து முதல் 30 மடங்கு கூடுதலாக உள்ளது என்றார் அம்பிகா. தற்போது ஷரியா நீதிமன்றதில் விதிக்கப்படும் கூடிய பட்சத் தண்டனை மூன்று ஆண்டு சிறையாகும். 5 ஆயிரம் வெள்ளி அபராதம் மற்றும் 6 பிரம்படித் தண்டனையாகும். ஆனால், உத்தேச சட்டத்திருத்தமானது சிறைத் தண்டனையை 30 ஆண்டு காலமாக அதிகரிக்கிறது. அபராதத் தொகையை ஒரு லட்சம் வெள்ளியாகவும் உயர்த்தியுள்ளது. பிரம்படித் தண்டனையை நூறு ஆக உயர்த்தியிருக்கிறது.

பின்செல்

தலைப்புச் செய்திகள்

img
அந்நிய தொழிலாளர்கள் விவகாரம்: அமைச்சர் குலாவின் வாக்குறுதி என்னவாயிற்று.

தலைவர் டத்தோ அப்துல் ரசூல் நேற்று

மேலும்
img
2,200 இடங்கள், 700 ஆகக் குறைப்பு: இந்தியர்களின் வாய்ப்பைக் பறித்தது ஏன்?

700 இடங்களை மட்டுமே தற்போது வழங்கியிருப்பது

மேலும்
img
நஜீப் வழக்கு திங்கட்கிழமைக்கு ஒத்திவைப்பு. வெ.10.7 மில்லியன் காசோலை. விவரங்கள் அம்பலம்.

ஐந்தாவது நாளாக தொடர்ந்து விறுவிறுப்பாக

மேலும்
img
மெட்ரிகுலோசன் விவகாரம்: இந்திய மாணவர்களுக்கு 700 இடங்கள் மட்டுமா?

மலேசிய நண்பனின் தொடர்ச்சியான

மேலும்
img
சிலாங்கூர் மாநில கல்வி இலாகாவின் உதவி இயக்குநராக நியமனம் பெற்ற செங்குட்டுவனின் பதவி பறிப்பு.

கல்வித் துறையில் நீண்ட காலமாகப் பரந்த அனுபவத்தை

மேலும்
  • Copyright 2015.Nanban.All rights reserved.
  • powered by img