ஞாயிறு 17, பிப்ரவரி 2019  
img
img

நஜிப் அரசாங்கம் உடனடியாக கவிழும்!
திங்கள் 13 மார்ச் 2017 14:08:15

img

அம்னோ அல்லாத 45 தேசிய முன்னணி நாடாளுமன்ற உறுப் பினர்களும் பிரதமர் டத்தோஸ்ரீ நஜீப் துன் ரசாக்கிற்கான தங்களின் ஆதரவை மீட்டுக் கொள்வார்களேயானால் நஜீப் அரசாங்கம் உடனடியாகக் கவிழ்ந்து விடும் என்று கூறுகிறார் ஜ.செ.க. நாடாளு மன்றத் தலைவர் லிம் கிட் சியாங். அம்னோ ஆதரவை பெற்றிருக்கும் ஷரியா நீதிமன்ற சட்ட திருத்தத்தை அமல்படுத்துவதற்கு பாஸ் தலைவர் அப்துல் ஹாடி அவாங் அனைத்து முயற்சி களை மேற்கொண்டு வருவதால், இதற்கு தங்களின் ஆட்சேபத்தை தெரிவித்து அம்னோ சாராத அந்த 45 தேசிய முன்னணி நாடாளுமன்ற உறுப்பினர் களும் ஒட்டுமொத்தமாக பதவி விலக வேண்டும் என்று அவர் வலியுறுத்தினார். தேசிய முன்னணி எதிலும் ஒருமித்த கருத்தையே இதுவரை கடைப்பிடித்து வந்துள்ளது. பாஸ் கட்சியும் இதை அறிந்துள்ளது. ஆகவே, இந்த ஒருமித்தக் கருத்துப்போக்கை கவிழ்க்கும் முயற்சியாகவே ஹாடி அவாங்கின் ஷரியா சட்டத்திருத்த மசோதாவிற்கு அம்னோ ஆதரவு வழங்குகிறது என்பதை அந்த நாடாளுமன்ற உறுப்பினர்கள் கவனத்தில் கொள்ள வேண்டும். பாஸ் கட்சியைச் சேர்ந்த 14 நாடாளுமன்ற உறுப்பினர்களும் நஜீப்பை ஆதரிக்க முடிவு செய்வார்களேயானால், அவர்களும் 86 அம்னோ நாடாளுமன்ற உறுப்பினர்களும் ஒன்று சேர்ந்தாலும் புதிய அரசாங்கத்தை அமைப்பதற்கு அந்த எண்ணிக்கை போதாது. சரவா தேசிய முன்னணியின் 25 நாடாளுமன்ற உறுப்பினர்கள், மற்ற 20 தேசிய முன்னணி நாடாளுமன்ற உறுப்பினர்கள் என்று மொத்தம் 45 பேர் தங்கள் ஆதரவை மீட்டுக்கொண்டால், மலேசியாவில் அரசியல் நெருக்கடி வெடிக்கும் என்று கிட் சியாங் கூறினார். இதற்கு ஒரே தீர்வு, ஒன்று புதிய அரசாங்கத்தை அமைக்க வேண்டும். அம்னோவின் மேலாதிக்கத்தை ஒழித்து, ஒருமித்த கருத்துப் போக்கை மதிக்கும் புதிய பிரதமரை தேர்வு செய்ய வேண்டும். இல்லையேல், 14-ஆவது பொதுத்தேர்தலை விரைவிலேயே நடத்த வேண்டும் என்று அவர் ஆலோசனை கூறினார்.

பின்செல்

தலைப்புச் செய்திகள்

img
ஜே.வி.பிக்கு எந்தத் தகுதியும் இல்லை 

முறையாக செயற்படுத்தவில்லை என்று மக்கள்

மேலும்
img
அரசியல் அமைப்பில் இருந்து மாகாணசபை முறையை நீக்க வேண்டும் 

மாகாண சபை தேர்தலுக்கு பின் இதர தேர்தல்களை

மேலும்
img
சிறார் மானபங்க விவகாரம்: குற்றவாளிகள் கடுமையாக தண்டிக்கப்படவேண்டும்.

சமயத்தின் நன்னெறிப் பண்புகளின் மீது கவனம்

மேலும்
img
மார்ச் இறுதிவரை வெப்பநிலை நீடிக்கும்.

இறுதியில் நாட்டில் இம்மாதிரியான சூழ்நிலை

மேலும்
img
நீதித்துறையில் தவறுகள்? அரசாங்கம் ஆராயும்.

அரச விசாரணை ஆணையத்திற்கான (ஆர்.சி.ஐ.)

மேலும்
  • Copyright 2015.Nanban.All rights reserved.
  • powered by img